[poem=font="Simplified Arabic,4,white,normal,normal" bkcolor="sienna" bkimage="" border="ridge,4,darkred" type=1 line=0 align=center use=sp num="0,black"]
يازيد اباذكر يالخوي بعض ماصار = ماصار مدري بس كيف السواتي
محتار في دنياي مربوك منهار = مقدر اعبّر عن بقايا حيــــــــــاتي
أمشي وحيد(ن) في متاهات وخطار = تايه غريب أمشي على اربع جهاتي
مقدر اميّز وجهت الشوق ياسار = الشوق ضيّع وجهته وستماتي
مالي مقدّي ضايع(ن)بين ألأمصار = ضاقت بوجهي دنيتي واشقاتي
امشي على وجهي غريب(ن) ودوار = لعلي أتشبث بطوق ألنجاتي
عزاه من قلب(ن)على البين صبار = صبري نفد واشتدّة ألنايباتي
الحب في صدري بنا بالحشا اسوار = وخلّى الفرح يصبح سراب وسداتي
وخلّى الحزن ينصب على القلب تذكار = وصْبح كما المعلم على الصدر ناتي
من قبل خلّى دنيتي تنفح أزهار = وطيورها تسجع على احسن أغناتي
غارق بدنيا الحب مع جملة ابكار= في حبنا يازيد متنافساتي
واصبحت حاكمهن حكم صاحب الدار = الياحكم بين الجوار المباتي
ياما سهرنا بين حيطان الاسوار = حتى شعاع الفجر يازيد ياتي
في ليلة(ن) قمراء بها أعناقناحار = ياحلو جمع الشمل بعد الشتاتي
ولبْغي ابوح وازيد في بعض الاسرار = يكفيني اني نلت غاية مناتي
لكن الزمان يازيد بالحيل غدار = ضاعت محبتنا وجف النباتي
وضاع الفرح وفرحت علي كل الاشرار = ونباح سدي وزاد حزني بذاتي
من بعد ماني شمعة الحي والدار = والكل ينعتني على احسن صفاتي
اصبحت للعذال يازيد مصخار = اهل النقيلي والحسد والشماتي
واليوم مالي من الهواء غير الاخْبار = اتْذكّر اخبار(ن) لنا فايتاتي
وغاب القمر يازيد عن شوف ألأنظار = وهموم قلبي بالحشاء بايتاتي
الّهم لازمني على القلب سمّار = يزعج مواويله على أحسن حداتي
دنياي ماتسوى ولو ربع معشار = صارت حياتي ماعليها شفاتي
وشلي بدنيا كلها اهموم وفكار = هاجوس قلبي مشغلن في صلاتي
لو بشكي اهمومي على الطير ماطار = اضحى الضحى في عالي النايفاتي
ولو بشكي اهمومي على ذيك الابحار = توقّفت امواجه العاتياتي
ولو بشكي اهمومي على اجبال سنجار = يمكن تلين اصخورها القاسياتي
لو بشكي اهمومي على حلو الاشجار = تساقطت اثمارها اليانعاتي
هذااللذي يازيد في دنيتي صار = موجز مهو تفصيل للذكرياتي[/poem]
رد مع اقتباس
المفضلات