بسم الله الرحمن الرحيم
قبيلة عتيبه من القبائل الكبيره ذات الصولات والجولات في الجزيرة العربيه واشتهر منها العديد من الفرسان
الاعلام الذين لهم صيت كبير وشائع مع الناس بشتى طرق الطيب00
الا اني ومع الاسف اطلعت على بعض منتدياتهم التراثيه فوجدت الكثير من الوقائع المحرفه والمعدله والتي
تم تعديل بعض حقائقها وابياتها الشعريه واتمنى ان لايكون متعمدا لذلك كتبت هذه السطور التي توضح
بعض ماحدث في تلك الفتره بين القبيلتين علما ان قبيلة عتيبه لها من الفخر والمجد مايكفيها عن التزوير
الذي يقوم به بعض ضعاف النفوس والدنيا دائما انتصار وهزيمه وقوه وضعف وهذا حادث لكل القبائل والافراد
لذا نرجوا من كل من يكتب في مجال التاريخ البحث عن الحقيقه والتزام الصدق لانها امانة تاريخيه للجميع
ومن اشهر الوقائع التي حدث بها التزوير هي موقعة ( ابيرق ) او البرقان والتي شرح فيها الشاعر سلطان
التهامي العتيبي هزيمتهم بشكل مفصل الا ان البعض قام بحذف ابيات الاعتراف واضاف اليها ابيات عكس
ذلك تحكي الانتصار المزعوم وهذا ظلم وتزوير0 ولو كان ذلك في موقعة ( نطاق ) لكان اقرب لانها هي التي
رسى فيها فرسان الحفاة من عتيبه امام جيش ابن رشيد ( المهاد ) اما موقعة ابيرق المذكوره فهذا هو
شاعرها سلطان التهامي يقول:
[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
الأ يالله طلبتك يامقل الطير بالجنحان=مقله فالهوى يلفح بزينات الجناحينا
كمنك قادراً تنجي من اللي ياخذ العربان=أخو نوره محمد لادفع ذروات ناصينا
ولا لا عدت يايوم علينا فأسفل البرقان=نهار البيرق الجاير عن الحله يعدينا
والا واشيب عيني من تنازي الخيل بالتومان =ليا قلت أوجهو ردو لنا خيلاً تناحينا
طردنا البدو عن حم الذرا لين ألحق الحضران =وموشية الفتايل بالبنادق وقدو فينا
تلافت لقحنا والخلف مرزيت(ن) على الحيران=وتوحى حس دماماً تقفاها وقافينا
ترى البل دونها قحص الطلايع فوقها العضيان=حمول الخيل مهدية العمار بلا موازينا
تراها دونها جاسر وأبن شلاح وصنيتان =وينحاهم مخيمر دون حرزات المزابينا
وخذونا في لهيب القيض لامزهب ولا صملان=عسى رب(ن) كتب هذا علينا مايخلينا
ذبح تركي ذبح متروك مع شبابة النيران=يحسبون الضياغم نجع صلاحن تبارينا
وغدينا عقب ماحنا عرب نمشي مع السيدان=على قطعة حميرن يقدع اولنا لتالينا [/poem]
والمعركه التي تحدثت عنها سابقا ( نطاق ) هي التي اثبت فيها فرسان عتيبه صمودهم ودافعوا عن
انفسهم وحلالهم بقوه وساعدهم في ذلك كونهم متنذرين للحرب ومتجهزين00
وفي هذا الكون قتل العديد من شمر وانتهت المعركه دون ان يظفر محمد العبدالله الرشيد بالانتصار الكامل
مما دفعه للعوده مرة اخرى 0 علما ان الحفاة من عتيبه كانوا بقياده ( صنيتان الضيط) علا مااعتقد وفيها
قال الشاعر سعود اليابس من الحفاة من عتيبه:
[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
أول كلامـي طلبـت الله وذكــره= ذكرت ربـي كـل بـادي نـور
يقول بن حافـي بـدا راس مرقـب= في مرقب عالي بـرو القـور
يرد مـن زيـن المثايـل iiوينتقـي= مثل العسل حلـو بـدون iiامـرور
كلامن أحلى من لبن شمـخ iiالـذرا= لاروحت مـن حاجـرن ممطـور
بعد جا خيال طلعة الشمس وامطـر= اثعوله من الدم الحمـر شختـور
وبرقه من أيمان النشامـا iiسيوفهـم= ورعده من افـواه السـلاح يثـور
قبلـي خشم(نطاق)لاطقـه iiالحيـاء= شمال من العـد الهمـاج حـدور
طاحوا به الفرسـان منـا ومنهـم= وردوا هل العاده علـى الصابـور
نطحنا العداء من يوم جتنا جموعهـم= على سردهـم والبيـرق المنشـور
وسقيناهم السـم الذحـاح iiوسقونـا= مثـل نمـورن صادمـت لنـمـور
وابن لغيصم طاح منا علـى الثـرا= ونحدهـم عـن مالنـا بـحـدور
ياذيب ياللي بايمن النيـر وايسـره = كل من مداس الخيل يـا معثـور
واشبع من الصبيان والجيش iiوالرمك= والى ظميت اشرب من المنجـور
تلقا على الساقه حصـانن ومهـره= وتلقـا عيـالن لابسيـن كـمـور
وصوت لذيـبن يـم حشـة مليـه= وخلـو لغيـاب السبـاع جـزور
كم طاح عقب الكون من صيعريه= حناهـا طناهـا حـنـية البـاكـور
من اولاد حافي لابتي ذي فعولهـم= أهل ماقفن يـوم اللقـاء مشهـور
كـدو علينـا ثـم رجعنـا عليهـم= واقفت بهم جرد المهـار اعبـور
وردوا علينـا وردة فـي عزيمـه= وهج الحلال وزرفـل المظهـور
وأحاطوا بنا قوم تهاذب خيولهـم= ولجة حداويهـم علـى المامـور
ورمينا العمايم واعتزينـا بحافـي= وثبـت لهـم كـل أبلـج منعـور
وطاحن جياد الخيل من ضرب لابتي= والـدم الاشقـر بيننـا منـثـور
وحمـو جريرتنـا عيـالن بفعلهـم= وعيا على التاليـن بـن صمعـور
وافتكـت اللقـوة بكثـر الرزايـا= وكلن خـذا حقـه مـن الميسـور
جنايز الضفـران حافـي و شمـر= أمسي بها سبـع الخـلا مسـرور
واربعي اللي كل ما قلـت أظنهـم= لاكـن يهـدم بالـبـلاد اقـصـور
أهل مرحبا وان جت ليالي الشدايـد= وأهل الكرم وان جت ليال اعسور
ياحيسفـا ياريـف هجـنن حفايـا= يوم الردي عـن خاطـره مثبـور
أيضا وابن هزاع وعميـش قبلهـم= وحزام شـوق الجـادل الغنـدور
وجدي عليهم وجد من بات ساهـر= يجر العواء من عظمه المكسـور
والوجد الاخر وجد راعـي هجمـه = خذاها الذويبي من طرف مجـرور
واستغفـر الله قبـل تكتـب عليـه = في كل عمري ما ذكـرت الـزور
تمت وصلى الله على صفوة iiالمـلا= اعداد ما يزهـى الفـلا بزهـور[/poem]
والنعم والله بالرجال اللي هذا فعلهم وهذي مواقفهم وبالشاعر اللي وصف المعركه هالوصف الرائع الجميل
وادخلوا على الله يارجال لاتحوسون مثل هالنوادر التراثيه سواء لكم او عليكم00
وحدثت معركه لعتيبه بقيادة عقاب ابن شبنان لمساعدة عيال فيصل ابن تركي لاستعادة الملك من الرشيد
وانكسروا وقال فيها حمود العبيد الرشيد:
[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
عادة ولي العرش يرمي هـل البـوق=سبحان من لـى قـال للأمر:كن،كـان
شلنا على ذروات من كل اهل سـوق=ناتي جموع والوعـد قصـر بـرزان
يمشون الى نادي شريـدة بمـرزوق=مثل الدبا بالصيف لى صـال كتفـان
جينا كما مزن مـن الغـرب مسيـوق=يمطـر بصبيـان وخيـل وتفـقـان
يوم ارتميناكم علـى النيـر بلحـوق=شرك لحـق طقـة دحيـم وسلطـان
وخليت شيخه كنها وصـف غرنـوق=تشبه لعنز الريـم والجسـم عريـان
من عقب ماهو زاهي صدرها الطـوق=ومفاصـل بعقـود حـص ومرجـان
من فعل ربعي مرويـة كـل مذلـوق=يوم الوغى يفرح بهـم كـل بلشـان
اشرب هماج الما ولو كـان مطـروق=واصبر على صكات بقعـا والاكـوان
تمرح وكنك من علـى راس خـازوق=من همنـا مايدخـل النـوم الاجفـان
نهجت من درب السعة تدخل الضـوق=أطعت حكي ابليس وعلـوم شقحـان
ومذاقنـا مـر الـى جـرب الـذوق=مثل الشري ماتكهمـه كـل مصـران
شابت عوارضنـا بـزارق ومـزروق=وصوايح بظهور طوعـات الارسـان
والـى فتـق فتـقٍ رفينـاه بفتـوق=نصبح على اللـي فاتقـه قبـل الآذان
رفقاتنا تشـرى الـى كنـت مرفـوق=ومن باعنـا يبشـر بـذل وخسـران
يوم استحق العرف والديـك مفهـوق=رقعت خشمه عن عقاب بـن شبنـان
بخماسـي لـى وافقـت رفة الـمـوق=نقضي الغرض به عند روغات الاذهان
شكر لمن قاضى على الحـق بحقـوق=قدنا السبب والفعل من والي الاحسان
وأبن أدم لو قـال سويـت ،مخلـوق=سبحان من يرفـع وياضـع ببرهـان
على النبي أفضـل صـلاة ومنطـوق=اللـي لنـا يشفـع بعفـو وغفـران [/poem]
واشهر القصايد في حروب شمر وعتيبه قصيدة حسن التبيناوي(شيخة حسن) وقيل انها بعد ( عروى )
وقيل انها بعد المضيق ولعل من لديه تاكيد يفيدنا لاني اكتب من الذاكره واحيانا تخون0
قال حسن التبيناوي:
[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
يامزنة(ن)غرا نشـــــــــت من لديده=منشاه من حد الهضاب المظله
من خشــــــــــم عرنان الينه الضيده=بالطول ما جـــت بالمخاييل كله
مرهاش ياما ضيـــــــــعت من لديده=وياما هفا به من حلال(ن)وحله
نمرى على نجد(ن)تعــــــــمر مديده=فيــحا من الماء كل واد(ن)تبله
وزامت على خشم الهضاب الجديده=وطم العريق وخشم ابانات ظله
وانقـــــــــــاد من بين القرايا مديــده=فوق اجفنـــــا وابحار والنير هله
وابن عقيــــــل هو مسلط مجيــــده =هلة بردهـــــا فوقهم تقل جله
وطاح بغثاها مسلط(ن)ذاق عيده=من ماطره كل القـــلوب اسفهله
خيال(ن)يفرق والد(ن)عن وليده= من اللي يورث بالقـــــلوب المذله
يامااذهبت من شيخ قوم(ن)حميده=وكم عاشق(ن)عقب الضحاعاف خله
بتدبير من يافا بالاشيا وعيده=محـــــمد نفــل سبع الخاليق كله
وسرد(ن)عشاهن باللوازم حديده=كالديدحان لبوســـــهن يوم فــله
وشقر(ن)زهت بالبوس غاوي جديده=وصفر(ن)يشادن مزنة(ن)مستهله
تشبه عراقيب البى يوم قيده=يا قرطن حــــــين الصـــباح الاجله
وتحيزمو عيال الحرار وعبيده=لمرهاش يجلى عن صدى الكبد عله
مرهاش يتلف علط الارقاب ميده=يشدى لجاج الحشر يوم استهله
وثار العجاج وصوتوا بالوعيده=على جماعة مسلط(ن)يوم حله
حريبنا مايهتني بي رقيده=كدرى ومثــــــلوث الشــــفا مردفله
عيال اليتيم اللي تغازوا حميده =صبيـــــــان وان ثار الدخن منوتله
بسعود طخم رشوم مفني ضديده=فرز الوغى كساب دقه وجله
ذعار السبايا وان صارت وكيده=المصطفق زبن الطحوس المخله
اليا اقرشن بالابطال تكصم وريده=يا كربت كشط المحازم وحله
بمصافق الامواج زبن البليده=محمد نفل سبع المخاليق كله
وراحت اعتيبه ما بقاله شريده=من فعل شمر حاكمتن نجد كله
لو اجمع اقلام الملا لي وازيده =واكتب خصايل ريف الايتام كله
تحتار ويبلش بالدفاتر مجيده=ليل الظلام اللي غدابه مدله
ان قلت سلطان(ن) تره هو عنيده =وان قلت درة كوثر (ن) ماتمله
وان قلت نور لنجد عمه وسيده=سراجه ولكبود الصناديد عله
مجيز اليتامى بالسنين اللهيده=معيش اليتامى والبوش في محله
من كل رنق(ن)ما تميز عديده=شروى حجيج البيت يامن فطله
ويخف طاري مجدهم يوم اريده =واللي حذاهم مثل غوج(ن) نتله
يا تالي الاجواد وين الوعيده= اللي وعدتوني ترن مستحله
وعيدت(ن) مابين امير وقعيده=واحمود عندك خابره شاهد(ن)له
ياما عطيتو مثل عنق الفريده =ومن خزنة(ن) تغني الفقارى المقله
ومن غرسة(ن)يزري مصافق جريده=واقطاع تبراله خطاة السمله
الله يجمع زولكم عن بعيده =من خوف يفرحن القلوب المغله
اللي لكم كل الخلايق مقيده=بالطـــــــــوع ماجـــت بالتواريخ لله
ماهو عطى جت بي قواطع حديده=بضرب الهنادي لين اطاعت وذله
وصلو على خير البرايا وسيده=نبينا المعصوم عن كل زله [/poem]
ولم اتطرق لقصائد حمود العبيد الرشيد بعد ( عروى ) لعدم الاطاله الممله ولكونها مشهوره شهره كافيه
نضمن معها عدم التحريف00 وتقبلوا تحياتي على المجهود المتواضع يالعزوه000
((( اللهم اغفر لاخينا الرطاب وارحمه واوسع مدخله واسكنه الجنه )))
رد مع اقتباس
المشاركة الأصلية كتبت بواسطة هايس الشمري
المفضلات