من اشهر معارك شمر وعتيبه

**الغانمي** · 29-06-2009 11:50

أنا فزعتلك يالغانمي!

والملاحظة على (باب عمان) و (باب برزان) والصحيح من باب عمان الى باب نجران أي من أقصى الشمال لأقصى الجنوب

يعني البيت الي انت جبت صح مهو خطأ بس تصحيح هالوليدة ماله نخشوش

تسلم يابو رغد
الله لا يهينك

**عبدالله الجعيثن** · 29-06-2009 12:01

الصحيح واللي يعرفه العالم كلّه

انه من باب برزان ليا باب نجران

اما عمان اول مرّه نسمعه

**المفضلي11** · 29-06-2009 13:06

المشاركة الأصلية كتبت بواسطة أبو رغد

شنيع جداً جداً

عزتي للتاريخ الي تبي تضبطه

أقول: يا فزع البل لا تكسره

تحياتي

ابو رغد يا حيفك والله ما تعرف معنى البيت

انا جالس مع كم يامي ولي اخويا منهم بعضهم يقول

من باب برزان اليا باب نجران
ماهو انا يالضيغمي انت اميره

ويفسره انه ابن حثلين يقول انك يالضيغمي حكمت من باب برزان اليا باب نجران بس انا منت امير علي هذا بعض بني يام يفسرونه كذا وسمعته من كذا واحد منهم

وانا اسمع من كذا شايب من شيبان الدويله الكبار المعروفين
انه

من باب برزان اليا باب نجران
ماهي لنا يالضيغمي انت اميره

هنا يختلف المعنى ولا احد يقدر يحرف المقصود

وعليه جرى التوقيع

**متعب الخيل** · 29-06-2009 15:11

السلام عليكم ورحمه الله وبركاته

كيف ياشمر تحطون معارك شمر وعتيبه شمر ماهي لحالها بن رشيد معه قبايل ليست شمر وانتم جحدتوا فعل اهل القصيم في معركه عروى واهل القصيم هم اللي رجحوا كفه بن رشيد بعد وقف عاجز في كسر عتابه

وغيروا الموضوع الى من اشهر معارك بن رشيد وحرب وهتيم وصليب وتميم واهل القصيم وحايل مع عـــــــــــتيبه

وتقبلوا تحياتي

**أبو رغد** · 29-06-2009 15:20

[align=center]
حبيبين ألبي الشاعر ليا بغى يمدح أمير ولا حاكم بسعة ملكه ما يقول من عاصمتك ليا الديره الفلانيه تحت ظلال سيفك ولكن يروح لأبعد مدى شمال وجنوب ديرة هالحاكم

وبرزان في حايل ((العاصمة)) من المستحيل أن يبدأ فيه شاعر بل يضعه بالمنتصف يبدأ بشماله وينتهي بجنوبه ولا يبدا بغربه وينتهي بشرقه فالحاكم يحكم دولة من الطرف للطرف وليس من المركز للطرف!

وغير الفارس ابن حثلين يقول ابن هويدي الصقري العنزي يمدح نفس الممدوح ((محمد المهاد))
حكم من الشنبل ليا حد نجران**وجميع ما دون الفرات محكومة

والشنبل يالنشاما بالشام يعني نفس معنى بيت ابن حثلين بالضبط

وهذا ديدن الشعراء جميعهم وتذكروا معي قول دندن الفهيم بالشيخ مطلق الجربا :من ورى تيما ليا حد القصيم**بالقنا والسيف أخو جوزا حماه <<ذكر نفوذ الشيخ من أقصاه الى أقصاه وليس من مكانه الي هو به الى أحد الاتجاهات كما يعطي معنى بيت راكان لو قلنا انه قال ((من باب برزان ليا باب نجران)) فأين ذهب الشمال بنفوده وجوفه ووديانه وقبائله عن حكم أخو نوره!!

تحياتي لكم ولشيبانكم
[/align]

**الغانمي** · 30-06-2009 15:43

السلام عليكم ورحمه الله وبركاته

كيف ياشمر تحطون معارك شمر وعتيبه شمر ماهي لحالها بن رشيد معه قبايل ليست شمر وانتم جحدتوا فعل اهل القصيم في معركه عروى واهل القصيم هم اللي رجحوا كفه بن رشيد بعد وقف عاجز في كسر عتابه

وغيروا الموضوع الى من اشهر معارك بن رشيد وحرب وهتيم وصليب وتميم واهل القصيم وحايل مع عـــــــــــتيبه

ونعم بعتيبه
بس رح تغط ونم
انت اما انك ماتفهم او انك تحاول تثير فتنه بين القبائل
واشك انك عتيبي ولا تستحق تمثل عتيبة
شمر غنيتن عن فزعة هتيم وصليب وعتيبتة ماتخذهم هتيم وصليب بس امرح