من اشهر معارك شمر وعتيبه

**فواز الغسلان** · 17-05-2007 01:06

المشاركة الأصلية كتبت بواسطة راعي الوقيد

[align=center]تسلم يابو فهد على التوضيح

ولاهنت

لك التحية

والسلااااام ...[/align]

هلا وغلا يارع الوقيد تسلم ويسلم لنا راسك الغالي00

تحياتي الغاليه الراوي00

**خالد الشمري** · 17-05-2007 18:33

تسلم يابو فهد على التوضيح ومشكور اخوي فواز الله لايهينك يالعزوه

**ر11عي اللقيه** · 17-05-2007 21:52

مشكووووووووور اخوي فواز على الموضوع الرائع عن معارك شمر مع عتيبه ومن معارك شمر مع عتيبه معركة انطاك بين اللغيصم والحفاه من عتيبه

وايضا معركة الانصر بين الشيخ برغش بن طواله وعتيبه وانتهت بانتصار برغش بن طواله ومن معه ... واما بالنسبه لقصيدة برغش بن طواله فمن المعلوم بان برغش بن طواله ليس بشاعر ولم يقل الشعر ولكن الله يهدا اخواننا العتبان قاموا يزورون ويحرفون وياتون بقصيده ليست لبرغش وحتى القصيد من الواضح انها ليست بلهجة شمر فهل برغش يتكلم بهجة عتيبه!!!!!!!!!!!!!!!!!!!!!!!!! وايضا من تحريفهم انهم قتلوا نمر بن برغش بن طواله والذي مات بالمرض ولم يمت بمعركه ابدااااااااا ولكنهم زوروا ايضا وكذبوااااااااا

يقول الصعيليك بمعركة الانصر وانتصار شمر بقيادة برغش بن طواله والمهاد كان حاضرا بهذا الصبح وقد اخذت فيه حلال ابن هندي شيخ عتيبه ومعه الشيابيين
زنٍ نشا مـن ريبتـه ورتهابـه ..من ريبته كل الخلايـق مريبيـن
مخايلٍ شرب الخضر من سحابـه .كمع من الصافي على مشربٍ زين
سم شراشيـح الحريشـا شرايـه .من الغزيز اسقاه نشحة عزاريـن
البرق يبرق والرعد لـه ضبابـه .هله على ابن حميد هو والشيابين
صبة ولا بقة مطرهـا انصبابـه .على مغاتيـر الشيـوخ القديميـن
قالوا اهل العوجا عن الشيخ مابـه .وراحن بهم غر المذاود معيفيـن
ولا قلتها بك يابن فيصـل سبابـه .حسن وتدبير الولي فيه راضيـن
يوم الولي هـب لهبوبـك ذرابـه .وانتم لكم كل الخلايـق مطيعيـن
ويوم الولي سكن هبوبـك وعابـه .الله حريبه مهـزلٍ يـا مساكيـن
نجدٍ من الموالى قضبنـا نصابـه .لمحمدٍ وحمـود مابـه تضانيـن
في جاه رافع بابـةٍ فـوق بابـه .الواحد المعبود عـدل الموازيـن
منزل من السبع العوالـي كتابـه .على الرسول وصدقوه المصليـن
ادعـوا لعمـر محمـدٍ بالبقابـه .يدفع بعمرك يا ربيـع الضعافيـن
محمد بنـى صيوانكـم ورتكابـه .مثل الفهد صكوا عليـه الغلاميـن
محمد بضرب السيف ما ينحكا به .عليه ابـا زيـدٍ يلحـن تلاحيـن
الضاري الضرغام ون عض نابه .مدمي المخالب من ثنادي المعادين
دين علي مابـه مـن الله عتابـه .انه فلا غابت على مثلكـم شيـن
للي بنى بيت الشعر فـي قطابـه .وللي بنى بيت المساجد هل الطين

واذا كنت اخي تريد القصصيده المزوره ابشر من عيوني

تحياتي للجميع

**فواز الغسلان** · 17-05-2007 22:53

تسلم ياراع اللقيه على الافاده الرائعه يالعزوه00

والمعركه اللي ذكرت بين الحفاة واللغيصم هي اللي انا ذكرته وقال به سعود اليابس قصيدته لكن البعض

يسميها (نطاك) بالكاف والبعض يسميها (نطاق) بالقاف وهذا اقرب يالغالي وبقصيدته:

قبلي خشم نطاق لاطقه الحيا 000 شمالن عن العد الهماج حدور

تحياتي العطره الراوي00

**اخو نوير 1** · 18-05-2007 00:00

بيض الله وجهك يبو فهد دايم تتحفنا بالمواضيع الطيبه لا هنت الله يطول عمرك

**السفاعي** · 18-05-2007 15:13

مشكور اخوي

**فواز الغسلان** · 18-05-2007 19:31

مشكور يالسفاعي ماتهون00

الراوي00

**المزحمي** · 24-05-2007 00:11

الله يعطيك العافية يا الراوي على ما قدمت من معلومات

وعندي تعقيب بشأن وقعة نطاق بين الحفاة وشمر

وهو ان قائد الحفاة ليس صنيتان الضيط لأنه لم يحضر هذه المعركة

وإذا عندك معلومات إضافيه او تعقيب على هالموضوع يسعدنا :

http://www.shmmr.net/vb/showthread.php?t=29928

**فواز الغسلان** · 25-05-2007 02:03

المشاركة الأصلية كتبت بواسطة المزحمي

الله يعطيك العافية يا الراوي على ما قدمت من معلومات

وعندي تعقيب بشأن وقعة نطاق بين الحفاة وشمر

وهو ان قائد الحفاة ليس صنيتان الضيط لأنه لم يحضر هذه المعركة

وإذا عندك معلومات إضافيه او تعقيب على هالموضوع يسعدنا :

http://www.shmmr.net/vb/showthread.php?t=29928

اشكرك اخوي على المداخله المفيده والجميله الا اني دخلت ماتمت كتابه

على الرابط المذكور فلم تتضح لي مخالفه من خلاله عما كتبت انا

اي لم يظهر لي تناقض وربما اكون انا مافهمت اللي اشرت له0

شكرا جزيلا يالغالي ونستفيد منكم دائما انشالله00

**غازي العتيبي** · 25-11-2007 12:10

السلام عليكم ورحمة الله وبركاته.. يسعدني الانضمام اليكم الاد شمر

لي تعليق على ماذكر هنا ومنه اقتباس
"مما دفعه للعوده مرة اخرى 0 علما ان الحفاة من عتيبه كانوا بقياده ( صنيتان الضيط) علا مااعتقد "

اوضح بأن الضيط ليس حافي فهو من العضيان والضيط لم يشترك في معركة انطاق.. علما بأن القصيدة المتداولة بين الحفاة هي التالية وفيها فرق كبير عن المذكور في هذا الموضوع أتمنى أن نصل للحقيقة الكاملة:

اول كلامـي طلبـت الله وذكــره
ابـدى بذكـره كـل بـادي نــور
يقول ابن حافي بـدى راس مرقـب
في مرقـب يبـدي حجـاه صقـور
يـرد مـن زيـن المثايـل وينتقـي
مثل العسـل فـي داخلـي الـدور
كلام احلى من لبـن شمـخ الـذراء
لاروحـت مـن حاجـر ممطـور
خيل خيال طلعت الشمس وامطـر
فعله مـن الـدم الحمـر شختـور
وبرقه من ايمان النشامـا سيوفهـم
ورعده من افـواه السـلاح يثـور
قبلي خشم انطـاق لاطقـه الحيـاء
شمال مـن العـد الهمـاج حـدور
جونا هل العادة تبـارى جموعهـم
شمر هل اللكـزه علـى الطابـور
ورجوا علينا روجة السيـل فالنحـا
وحنـا حديناهـم سـوات الصـور
وكـدوا علينـا ثـم رجنـا عليهـم
واقفت بهـم سـرد المهـار عقـور
وابن نغيثر طاح منا علـى الثـراء
ومن طـاح فـي الميـدان مايثـور
وردو علينـا رافعـيـن سيوفـهـم
وهج الحـلال وزرفـل المظهـور
واحاطوا بنا قـوم تهـاذب خيولهـم
ولجـت حداويهـم علـى المامـور
تركض علينـا الخيـل منـا ومنـا
ويطيح من فـوق الجمـال بـزور
ورمينا العمايـم واعتزينـا بحافـي
وثبـت لهـم كـل ابلـج منـعـور
وطاحن جياد الخيل من ضرب لابتي
والـدم الاشقـر بينـنـا منـثـور
وحمـى جوانبنـا سمـار وزايــد
وعيا على التاليـن ابـن صمعـور
وان فكـت اللبـوه بكثـر الرزايـا
وكـل اخـذ حقـه مـن الميسـور
جنايز الظفـران حافـي وشمـري
امسى بها سبـع الخـلاء مسـرور
ياذيب ياللي فيمـن النيـر وايسـره
الحـق جـدى الخيـل يامعـثـور
واكل من الصبيان والجيش والرمك
واليا ضميت اشرب مـن المنجـور
تلقى على الساقه حصـان ومهـره
وتلقـى عيـال لابسيـن كـمـور
وصوت لذيـب يـم حشـت مليـه
وخلـو لغيـاب السبـاع جــزور
كم صاح غب الكون مـن شمريـه
حناهـا طناهـا حنيـت البـاكـور
تبكي على اخوها وابوهـا وعمهـأ
معقـب فقصـى الضميـر حـرور
على مورد الهياب جرت صياحهـا
بعد طـاح منـا والرمـك دعثـور
من اولاد حافي لابتي طاح وانعثـر
ال ماقفـا يـوم اللقـاء مشـهـور
واربعي اللي كـل ماقلـت اظنهـم
لكـن يهـدم فـي البـلاد قصـور
عقـب المبانـي والحيـاة الزينـه
راحت مبانيهـم خصـف وخـدور
اهـل مرحبـا وان ليـال شـدايـد
واهل الكرم وان جت ليال عسـور
اليا قلت ياقلبي تريـح مـن العنـاء
يطرى على قلبـي سهـل وسـرور
وجهز ولد هزاع واعميـش قبلهـم
واحزام شـوق الجـادل الغنـدور
واحيسفـي يافـرز عيـد القـوايـأ
يوم الـردي عـن خاطـره مثبـور
واربعي اللي كلمـا جوهـم العـداء
يحطـون فـي عيـن العـدو ذرور
وجدي عليهم وجد من بـات ساهـر
يجر العوا مـن عظمـه الكسـور
اخـذ ثـلاث اسنيـن وازداد مثلهـا
ومن بعدها طـاح وطلـع مجبـور
والوجد الاخر وجد من بـاع ذمتـه
لقـو عـلاه الطيبـيـن عـقـور
والوجد الاخر وجد راعي سوايـل
اخذها الذويبي من طرف مجـرور
والوجد الاخر وجد مـن حودروبـه
اهل غل عـدوان القلـوب كفـور
اصابته شكـواه مـن حاكـم البلـد
يسـاق ظلـم وجالهـا شبـشـور
وشدو اكتافه مابـه احـد يساعـده
يـداه مكتوفـه وهــو مقـهـور
واستغفـر الله قبـل تكتـب عليـه
انكان مـن عمـري ماعـد الـزور
وابوخشيم اشـرف علينـا بفزعـه
اواق والـيـا جـونـا مخـطـور
والله مالـوم الاد مرشـد بفعلـهـم
وفـي مثلهـا يستاهلـون السـور
وتمت وصلى الله على صفوة الملاء
اعـداد مايزهـى الفـلا بزهـور

وأعتذر إن جاء فيها خطأ .. ولكم التقدير والاحترام