اشهر معارك شمر ومطير

**سعد الشمرى** · 22-05-2007 01:49

اولا مشكور على النقل الطيب يا دليل الطنايا بوفهد
ثانيا واللة والف نعم بشمر وبمطير واللة يرحم امواتهم واموات شمر
ثالثا واللة يا ابن غسلان امطير تفتخر بسالفة العشر ومانى عارف وش سالفة العشر مع شمر غير هاك الزمان سمعت لى محاورة بين ذيب السنجارى وتركى المطيرى وذكر بها العشر وانا واللة تخفى على سالفتهم
وارجو منك تنقل لنا القصة هذى بروحة موضوع يعنى يخص السرية هذى اللة لايهينك يا دليل شمر
اخوك الرطاب

**فواز الغسلان** · 22-05-2007 04:25

هلا وغلا بالرطاب وابشر باللي يجيبها كامله ومفصله

انشالله هاليومين 00 الراوي

**hammari** · 23-05-2007 05:24

اما المعارك بين شمر ومطير كثيره ولا لها عدد منها المعركه المشهوره معركه ام الجماجم

سميت المنطقه باسم المعركه حيث ان شمر وردو على مطير يبون الما من العد وهو لمطير

ومطير عيو عليهم ولافيه موارد قريبه غير هذا المورد وكان وقتهم صيف

وصارت المعركه والخساره على الطرفين ذبح من القبيلتين من الرجال بالاف

**مبارك التبيناوي** · 23-05-2007 10:01

الأخ العزيز الأستاذ الراوي / أبو فهد بيض الله وجهك وافي ولكن الموضوع هذا فيه الكثير والكثير على سبيل المثال مغزى الأمير / محمد العبدالله الرشيد على مطير والتي يقول فيها الشاعر/ حسن التبيناوي والقصيده طويله ولكن من ضمنها ــــــــــــــ
عقاب(ن) شهر عنه القرانيس أشاله = شيلت معابيرن على فج الأصباح

عقاب (ن) يعشي ماإقتصر من عياله = يطني ويفني كان فــــــادى بالأرواح

سقم الحريب لياتحيزم وجــــــــــــاله = عقاب الشراف لياهباء طير وضــــاح

طوع هل الطايف ونجـــــــــد بكماله = وأوماء على المطران والصبح ماإنباح

صـــــــــك الدويش وفورت الدم فــاله = هذي ومثله يوم ماجاء باا لإصـــــلاح

وآطيب كيفي يوم خـــــــلاء حــــلاله = وأقفى عن الحلة تقل زول فــــــــلاح

ماهي شــــــــــماته مار عمله بحاله = عاف الهدير وساعته عقب ماطـــــاح

أطــــــــــــاع حكي منيخر ٍ من هباله = ياما توطته الرمك والحمر ســـــــــاح

جـــــــاه العقاب الصيرمي راس ماله = غــــلبـــــاء عصاتن بالحرايب وطماح

ياكــــــــــــــــربوا قحص المهار بدلاله = وركبوا وشالوا فوقهن علط الأرمــــاح

إلا أنه يقول ــــ

ربعي هل الشيمه محل الجلاله = ياما تذرى بينهم كل مصلاح

يتلون شيخ (ن) بالنقاء حي فاله = الضيغمي لكبار الأبطال ذباح

والقصيده موجوده كلها ولكن طويله هذه نبذه عنها ولكم تحياتي

(((((أخوكم (الشاعروالواوي / مبارك طناء مبيريك التبيناوي )))))

**ابوبيان** · 24-05-2007 14:42

المعركه الذي ذكرت في مشذوبه هي علي فخذ من
شمر همى التومان وليس الاسلم ,,,,
والمعركه مفهوم الناس له انه علي جيش ابن رشيد
وهذا عاري من الصحه

**فواز الغسلان** · 25-05-2007 01:55

المشاركة الأصلية كتبت بواسطة ابوبيان

المعركه الذي ذكرت في مشذوبه هي علي فخذ من
شمر همى التومان وليس الاسلم ,,,,
والمعركه مفهوم الناس له انه علي جيش ابن رشيد
وهذا عاري من الصحه

هلا وغلا اخوي000

وانا رجعت لكلامي مره اخرى للتأكد وماقلت ان مشذوبه على الاسلم0 لكن عقب ماانتهيت من الكلام

عن مشذوبه قلت واكثر معارك مطير مع الاسلم 0وهذا كلام مسثقل ماله دخل بمشذوبه000

شكرا للمتابعه يالغالي وتسلم لنا دائما0000

الراوي000