رايكم اذا صار ريال الفسحة ............. ؟؟؟

**شليويح** · 17-05-2007 14:59

شليوح وكصوم انت ماتشوف اسمك متحاليه بالله عليك
شلي ويح
ذكرتن بشايبن كان بحارتنا وجهوه تقل ذنب سلوقي واسموه شليويح

وبالنسبه للاشراف على الفله ماابيه اما يعطينن ابوسلطان لوحة تحكم والا ماابي
عشان اصكك على جبهتك باند

\\

ههههههههههههههه

اجل هالصورة لمن

؟؟؟؟ >> متحالين عمرك

http://www.shmmr.net/vb/attachment.p...1178829264.gif

**مهاجرة باحساس** · 17-05-2007 18:20

اللي بين الاقواس احاتسي نفسي مهو لك لي انا مهاجره هانم وش دخلك يعني محد يسولف مع نفسه

عوذه

**تحملت!!** · 17-05-2007 19:22

يصير مشرف؟؟؟؟

وليه مايصير خطيه اربع وعشرين ساعه تارك اهلوه ومسنتر بهاذا وناسي حالوه بعد((توقعون وشولوه))<<اكيد عشان هالاشراف

يالله تقبل دعائي وانوه يصير مشرف ((بشرط))؟؟؟

يشفر المطنوخ ((طنخانوه))<<المتعجرف +متمرد على الانظمه والقوانين+دكتاتور+يفرض مايريد غصبن عن عيوننا.<<<الا يستحق التشفير؟؟؟؟؟؟؟؟؟؟؟؟؟؟؟

**ابو عارف** · 19-05-2007 09:15

المشاركة الأصلية كتبت بواسطة كلي بكم إعجاب

8
8

وش جاب طاري الشرف .. ترى نمزح

حتى انت تشرف لو صرت مشرف

وانا أشرف يوم صرت مشرفه ..

الكل هنا .. تمام ,, التمام ......,,

طحياتي ......’’

==========================================

كلها في باب المزح ياعجوبه فيها شيء؟ لا مافيها.

ماهذا السؤال:

السؤال هو هل تعلمين بأنني إحترم شخصك الكريم ومن المعجبين بقلمك البرتقالي وإني أجد نفسي مضطراً لقراءة أي موضوع تحت هذا المعرف ( كلي بكم اعجاب )؟

بالرغم من ماحصل ويحصل من هذا المخرف إلا أن لديه فراسة في معرفة الناس الطيبين ويبداء معهم الحراك والعراك والشيل والحط والإزعاج والإحتجاج ، ولكن عندما يجلس مع نفسه هذا المسن يندم ويأسف على الكثير من أطروحاته مع أناس يكن لهم كل الإحترام والتقدير.

فأنتم اهل الفله لكم مكانة خاصه في نفس شايبكم شئتم أم أبيتم.

**عجايب بنت الشايب** · 19-05-2007 09:51

وحنا نقول يابو عارف انك أطلق الأعضاء في المضائف عامه و الفله خاصه

ولا تاخذك في الحق لومة لائم ...

ابو عارف . صدقني كل قوالبي مزح في مزح

ماعدا المضيف العام .. أطلع عجايب الاخرى .. ومثلك خابر ليه ؟

بارك الله فيك وفينا

طحياتي .......’’

**الـعـمـدة** · 19-05-2007 10:28

راينا بريال الفسحة وهو مشرف على فلة الحجاج !!

مع احترامي لـ ريال الفسحة وانا ما عرف منهو للحين

ولا ادري وش ورى هالرجل

هو ذيب والا حصني << يا عاضك الحصني بالحلم

لكن ماهي مشكلة .. نقول رأينا

وعاد اذا هو يبي يزعل من حتسيي لا يدزرّب لي

<<

ريال الفسحة .. اذا هو مبطي ... ودزالب لونه اسود مايصلح

يصير مشرف

واذا هو للحين يخرفش .. وجديد وتوقيع ( محمد ابا الخيل عليه ) مايخالف يصلح

<< طالبينن شورك هم !!

هههههههههههههههههههههههههههههههههههههههه ههههههههههه

بس يكفي ضحك!!

لا من جد ما احس انه يصلح

لأنه لازال ( وغيد ) وما صل لدرجة ( الوغـــــــاد ) اللي يتمتع به ( المطنوخ ) << تروا هذي مدحة لاحد يراعي لي بنص عين

بحكم ان ريالووووهـ قال لي اني ( تنين ) المطنوخ

هههههههههههههههههههههههه

خلاص . اذا تبون فلة حجاج .. يندمر ويروح به وطي

خلّووووا ريال مشرف عليه

باتسر يجمع علينا وغدان الحارهـ ..

كل شوين كاسرينن لنا لمبه .. والا قزاز السيارات

والا .. يجون هالعربجية وغادين الثانوي والمتوسط .. ويشلحون ( الانتل ) حق الددسن

وابلش به عاد يا العمده .. شلون تسمع ( البرنامج الثاني .. و مسلسلات علي المدفع ومريم الغامدي بالرادوا هالضحوية وانت بمحطة الغنم )

عاد اللي يبي يسمع حتسيي زين

واللي ماهو سامعه .. بكيفه يا علّه بحرقه << تقل عصّب !! ههههههههههه

.
.

في الختام

الشيوخ ابخص

بس ريال الفسحة

يستاهل .. وانا ارشحه للاشراف

بس حبيت اطقطق على الصبح

**ابو عارف** · 19-05-2007 15:53

سالفة المقرود

واحد عنده غنم يبي يوصلها الرياض، في الطريق بعد ماطلع من الدمام
وقف عند نقطة تفتيش ...
قال له الشرطي يازين غنمك زيناه إيش تأكلهم؟

قال حشيش !!! قال الشرطي اصفط وطقوا الرجال الين داخ !
وقال لهم مو الحشيش إلي في بالكم حشيش يعني برسيم
قالوا له إذا كان كذا تفضل روح ،

ويوم وصل إلى الاحساء عند نقطة تفتيش ثانية
قال الشرطي ما شاء الله غنمك زينة وش تأكلهم؟
خاف يقول حشيش، راح قال حبوب !
قاله الشرطي اصفط وطقوه الين داخ

قال ياجماعة حبوب يعني شعير وأعلاف
قالوا له تفضل روح.

وفي طريق الرياض وصل عند نقطة تفتيش خريص.

قال له الشرطي غنمك زينة وسمينة وش تأكلهم؟
قال بصراحة أنا ما أأكلهم شيء.
قاله الشرطي تطنز علينا أصفط وطقوه لين داخ.

وصل نقطة تفتيش على مدخل الرياض.
وقال الشرطي ما شاء الله غنمك زينة وش تأكلهم؟
قال أنا أعطيهم فلوس وكل وحده تشتري اللي تبي.
قاله الشرطي اصفط وطقوه الين داخ.

فحكا لهم القصة قالوا طيب روح.

داخل الرياض شاف دورية وحرف السيارة وسقط من على الكبري هو وغنموه الزينة.

إذا هي تضحك يالله نضحك معكم ههههههههههه.

**مهاجرة باحساس** · 19-05-2007 21:52

ههههههههههههههههههههههههههههههههههههههه
هههههههههههههههههههههههه
ههههههههههههههههه
ههههههه
ههه

عوذه عليك تفطس ضحك

هههههههههههههههههههههههههههههههههههههههه ههه

الله يستر عقب هالضحكه

**ابو عارف** · 19-05-2007 22:25

المشاركة الأصلية كتبت بواسطة مهاجره باحساس

ههههههههههههههههههههههههههههههههههههههه
هههههههههههههههههههههههه
ههههههههههههههههه
ههههههه
ههه

عوذه عليك تفطس ضحك

هههههههههههههههههههههههههههههههههههههههه ههه

الله يستر عقب هالضحكه

=============================================

شكرا مهاجرة بإحساس على المرور وعلى الضحك ولكن.

عسى ماسمعك أحد وأنتي تضحكين أنا ضحكت من ضحكتك حتى سمع ضحكي الجيران وضحكوا من ضحكي وسمعوهم جيرانهم وضحكوا على ضحكهم حتى أصبحت كل حارتنا تضحك يوم رحت للمسجد صلاة العشاء يالناس تضحك بالمسجد وكل واحد يقول للثاني ويش يضحكك قال أضحك على ضحكك وأنت يفلان قال والله مادري ويش السالفه سمعت هالناس تضحك وضحكت حتى سألني المطوع قال أنت ياعاقل آل مرة ويش يضحكك فقلت لهم السالفه وصاروا يضحكون من جد وجديد وصارت هالضحكة مثل سالفة هذاك اللي قال ياجده نادي جدتك جمل جدتها غادي.