وتسمى هذه القصة عند بعض الناس بنعامة قطيفان
وفيها ان قطيفان مر عليه ليلة ماتمر على صديق عينك
يقال انه في ليلة من اليالي وعندما ركب قطيفان ذلوله , ركب معه شخص لايعرفه
مد يده قطيفان ورا ظهره يستطلع الامر فلاحظ ان هذا الشخص له شعر كثيف ,,, فتماسك
قطيفان وتشجع وكانت ردة فعله ان قال : شعر ضافي . (وكان الي ركب خلفه جنية على صورة
نعامة) فضربت الجنية على راسه وقالت : عقلا راسي .
المهم انطلق قطيفان على ذلوله مردفا الجنية ويوم خذوا لهم مرواس وهو ينوخ الذلول ويعقله
وينزل يحطب وتقعد هالنعامة اللي معه تقلده بكل شي يسويه , ماسوى قطيفان تسويه هالنعامة
والرجال متزن الى حد الآن , ويوم شب النار قطيفان و يصلح قهوته والنعامة بجنبه, ما سوى تسويه
ويوم الله هداه وهو ياخذ هاك العود من النار وهو يكوي يده والنعامة تقلده وهي تاخذ هاكا العود من
النار وهي تكوي يده ومن حمد ربك وهي تقب وتقعد تصيح وتقول وش اسوي ياقطيفان
قاله : ادخلي ادخلي بالحطب , وهي الله يجيركم تندعس بالحطب يمار ما تبي غيره
وهي تصير من صيد امس , ويفك الله قطيفان من شره بسبب ذهانته ورباطة جاشه
رد مع اقتباس
المشاركة الأصلية كتبت بواسطة المطني
المفضلات