بالخيير يا شمّر
[poem=font="Simplified Arabic,5,darkblue,bold,normal" bkcolor="transparent" bkimage="backgrounds/8.gif" border="none,4,gray" type=1 line=0 align=center use=ex num="0,black"]
طاغي فكر و لساني اشطر من الموس = اليا بغا.. ياكل بعقلك حلاوه
راكد و فاهم ماني خبل ٍ و دنفوس = و لاني خلي ٍ من علوم الشقاوه
ادخل قلوب الناس اتقول جاسوس = و اسحب علومك بالسنع و الهداوة
محروس يا قافي عن العين محروس = ما فيك حرف ٍ اشتكى من رخاوة
ما تمشي الا الدرب واضح و مدروس = بيض المثايل تحتضنك بحفاوه
و اليا احتمى الموقف تجي تقطع الروس = كنك ( ظفيري ) بالجلد و الضراوه
يعني ببساطه انت واقع و ملموس = حتى بلينك .. بك معالم قساوة
يا قاف شغّل موترك .. انطلق دوس = و انصى بيوت ٍ ما تعرف الدناوة
ناس ٍ لهم في ماقف العز ناموس = و ايضا لهم مع الرخامه عداوة
و انزل على رجل ٍ لعب فيه هاجوس = و ارجاك يا قافي من الهم داوه
و ان اظلمت دنياه ابغاك فانوس = ما بيه يشكي من ملل او فضاوه
و اليا تبسم ثم فهق قوس عن قوس = ابشر لعينك يا نديمي رضاوة
لانه شريف و دايم الدوم مهووس = بالطيب و العز و علوم النقاوه
و اليا نطق تومي على شانه الروس = هرجه تميّز بالحلا و الطراوه
يعني على ما قيل اشطر من الموس = و اليا بغا.. ياكل بعقلي حلاوه[/poem]
بدر ناصر السويط
رد مع اقتباس
المفضلات