:
:
:
[poem=font="Simplified Arabic,5,white,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
هذا حالي وقفتي محنيّة=والريح تلفح دمعتي وألامي
و بوجهي للحزن صورة حيّة=و الشعر صوتٍ يستفزّ اقلامي
يالريح خوذي من غلاه شويّه=و بلّي يابسات عروق الظامي
اروي ضماه برشةٍ [ مَطَرِيّة ]=و املي سماه بسالفة إقدامي
قولي انه باقصى الديار بنيّة=جوّاه قلبٍ.. رهيفٍ.. سامي
ماترتضي لك دنية بُنيّة=مضمونها مستقبلٍ مترامي
مااعلم المستقبل أو خافيّة=بس الحقايق واضحة قدامي
و إن كانت كذبتي سهميّة=فعذري إن الوضع إلزامي
شككتك بروحي العفويّة=و اظهرت غدرٍ رافضته ايامي
ويالريح لا جا المطر أو طاريّه=قولي بان الوصل جاه إعدامي
والبنت راحت وما من جيّة=و المطر دمعتها وانت الظامي
والشعر وسط الضماير ضيّه=يشرق سناه بظلمتي واحلامي[/poem]
:
:
:
13 / 4 / 1428هـ
رد مع اقتباس
المفضلات