عاري بلا ثوب

**الاصمعي** · 29-04-2007 16:33

الأخوة والأخوات الكرام

لكم جزيل الشكر والتقدير على مشاركتي الهدية نسئل الله أن يغفر لنا أجمعين

أخي مانع الي في بالك فتحت بوجهه نيرات الدروبي وسار فيها مفتوح العينين ممتلئ الجوانح بالإيمان ولم يسد بوجهه الا أطماع الدنيا الفانية ومفاتنها حبائل الشيطان!

تحياتي

**ابو عارف** · 01-05-2007 22:46

رائع أخي الاصمعي لاهنت .

صح لسانك وجعل هذا العمل الطيب في ميزان حسناتك.

**الاصمعي** · 07-05-2007 16:15

صح بدنك ولا هنت يبو عارف

تحياتي

**أم نــــــــــواف** · 08-05-2007 22:07

خطاب ولا أحلى

محادثه ولا أصدق

هدية ولا أغلى

بارك الله فيك أخي الأستاذ الأصمعي

**الجازي** · 12-05-2007 23:01

[align=center]الشاعر الحقيقي هو اللي يكتب بمشاعر صادقة مافيها تزييف ولا تكلف ,, تطلع كلماته من قلبه وتلقى لها محل في باقي القلوب ,,

قريتها وحسيت إنك كاتبها على لساني ,, صرّحت بحقيقة مشاعري وأعتقد إنها مشاعرنا كلنا ,,

بارك الله فيك يابو خالد والله يجعلها في موازين أعمالك

ويهدينا ويثبتنا ويفتح على قلوبنا

سؤال :

يوم جازت لي القصيدة قلت ابتلحلح وأشكر راعيها بس عجزت أدور أيقونة الشكر الجزيل وما لقيتها !!

بالله وشلون شكروه اللي قبلي ؟؟

عموما ألف شكر يا أديبنا الأصمعي <<< ماش هالايقونة ماهي مناسبة بس العوض ولا القطيعة

[/align]

**أبوطروق** · 14-05-2007 07:17

المشاركة الأصلية كتبت بواسطة الاصمعي

[align=center]السلام عليكم

هديتي لنفسي

وهدية كل قارئ لنفسه

فكلنا خطَّاء وخير الخطاؤون التوابون [/align]

[poem=font="Simplified Arabic,6,skyblue,normal,normal" bkcolor="transparent" bkimage="backgrounds/32.gif" border="none,4,gray" type=2 line=0 align=center use=ex num="0,black"]
كل ما غطست وضيقت بي ذنوبي=ألد للغفار واسئله واتوب
واقول يا مولاي سامح وتوبي=على أسير النفس واهواه وذنوب
سدن بوجهه نيِّرات الدروبي=ولـ مظلمات الطرق انقاد معصوب1
اغونه بلسنن مذلق وعوبي=لفجٍٍ تهاوى به جماهير وشعوب
كبار الأعاجم والعرب له تجوبي=ولا هو عن الصعلوك مجفي ومحجوب
قالن تقدم يالغشيم الهيوبي=يفوز باللذات من داحم البوب
أرخ العنان لمهرتن لك هذوبي=ترعى الورود وصافي الشهد مشروب
ما دام شمسك ماكهفت للغروبي=لا تلعن الشيطان ، والخافق يلوب
وانته على ما قيل عوود محسوبي=بحزمة فراشٍ شاف له ضو مشبوب
واحترت أنا مابين نوبٍ ونوبي=أمشي وراهن نصف مشوار واثوب
لا من طرى لي وصف بعض القلوبي=على لسان المصطفى بكوز مقلوب
واللون أسود مربدٍ به ندوبي=يوم استوى عنده محرم ومندوب
أواه ليتي بعد ما أخجل واذوبي=خوفاً من الله ما انتكس تقل مغصوب
وليتي وأنا العارف طريق الرسوبي=أجنّبه وأسعى لنجاحي مع دروب
يا كثر أنا ما سر2 وأعلن هروبي=والعن ذنوبي واتبعه بلب مسلوب
اليا نصحت النفس تقول دوبي=ما خذت أنا يا كود رشفه من الكوب
الناس كلن دالهٍ به طروبي=أنظر جنوب وأشمل وشرق وغروب
يا ويح نفسي للعبادة تحوبي=ومندفعةٍ للذنب تشدى لدانوب
يالله تلد برحمه وعطف صوبي=وتثبتن يا مقلب أبصار وقلوب
وتكفين شر نفسي وتستر عيوبي=بالأرض ويوم العرض (عاري بلا ثوب)[/poem]

[align=center]تحياتي[/align]

1)معصوب العينين
2)أسر من الإسرار

ما شاء الله وش هالابيات الروعة ياملا العافية يالاصمعي وصح لسانك وعسى الله يتوب علينا

**هايس الشمري** · 14-05-2007 14:34

الاصمعي..

قصيده رائعه.. و مناجاه تخص كل واحدن فينا..

بارك الله فيك.. و غفر لنا ولك..

اخوووك

**الاصمعي** · 06-06-2007 06:32

[align=center]الأخوات/أم نواف والجازي

الأخوة/ابو طروق وهايس

يا هلابكم والله حضور النور

يعافيكم ربي وجزيتم خيرا

تحياتي[/align]

**خالد الشمري** · 06-06-2007 10:52

الاخ الفاضل والعزيز الاصمعي تسلم وصح لسانك ورحم الله والدينا وواليك

ماشاء الله تبارك الله يابو خالد

ولو ان الخاطر مليان من يمّك ..

ماتقول صديقك ابو فراج بقصه وقصيده خل نخت وننسق يمّه

الله يجزاك كل خير ،، والله يتوب عليك وعلينا مشكور وتقبل تحياتي

**الاصمعي** · 19-06-2007 17:34

هلا والله وغلا ببو فراج

يالغالي مضيف قصة وقصيدة في قلوبنا دايماً ولكن يردني أحياناً الكسل وأحياناً قلة ما بيدي تقديمه لرواد المضيف

ولكن سترى ان شاء الله لي تواجد طيب بالقادم من الأيام خاصة وأنا أرى تواجد الرواة الأعزاء التبيناوي والغسلان بالاضافة لنشاطكم المتجدد بارك الله فيكم

تحياتي