[align=center]السلام عليكم
عزيزي / ابن جشعم ،، ولايهونون المختصين
أنا أول مره أسير عليكم ، وعندي موضوع ،، وهقوتي إن الحل عندكم
،،،
قبل اسبوع كنت بديوان واحد من الربع
وجابو ( لابتب ) وعرضو فلم وثائقي تاريخي عن الحروب،
قلت ، يالربع أبي الشريط
عطوني إياو ،،
يوم جيت أبي أشغله على كمبيوتري ( XP ) حصل التالي :
1 ـ عندي بجهازي بابين أو درجين ،، حطيت الشريط بالباب اللي فوق ، وطلع لي :
الرجاء أدخل الشريط في ( F )
2 ـ حطيتوه باللي تحت ،، ولكن ماطلعت لي ألا صفحه بيضا
3 ـ اتصلت على خويي ، قال : شغلوه على (DVD) .
4 ـ لقيت على سطح المكتب (DVD) ، لكني مدري وش ضغطت ،
طلع لي زي تحميل البرنامج ،، وعقب شوين هو لك يختفي الـ (DVD)
رحت لسلة المحذوفات ، مالقيتوه ، رحت للبرامج ، مالقيتوه ،
رحت لاضافة أو إزاله ، مالقيتوه ، الظاهر إني قشعتوه قشع .
5 ـ قال لي خويي ، لازم تنزل (DVD) جديد ، ونا أشبك على النت ،
وأدخل على قوقل ، وكل مالقيت ( هنا التحميل ) ضغطت !!!
إلى أن نزلت على كمبيوتري 4 (DVD) ديفيديات !
ولكن ، ماشتغل ولا واحد ،،
الظاهر كل واحد لوه شغل غير عن الثاني
**
الحين ،
الله لايهينك ،
أبي رابط جاهز ، وبالعربي ، وخطوة وحده ، يعني بس أضغطوه ينزل على جهازي ،
ماأداني اضغط ونزل ورستار ورح لكذا وسو كذا !!!
مع بالغ شكري وتقديري لك ولمضيفك .
الإخوة اللي مالهم شغل ،، ترا حنا عندنا شغل ، يعني :
اللي عندوه كلمه تنفع .. يقوله ، واللي ماعندوه يتوكل على الله
والشماته شينه ، واللي يسأل مايتوهش[/align]
رد مع اقتباس
المشاركة الأصلية كتبت بواسطة الأصيل
المفضلات