[align=center]السلام عليكم و ... عليكن ( تقل من دون نفس )
الفله تعني ... الفله
يعني باختصار ..
نبي نوسع صدورنا وننسى همومنا ونرمي الثقل اللي على كتوفنا بالفله
وكم يكدر صفو فلتنا الرحيبه بعض ( التتشات )
وشيء من الحزازيات بين ( سين وجيم )
أكرر ...
الفله مثل لبن المراعي وزبدة لورباك ورغيف خبز تنور
.
.
.
وشعدنك يابوثوب ؟
عندي هالعجز اللي افتتحن مجلس أومجيلس ..
يبن يسون مثل مضيف ( سمو صاحب السعادة جلالة الأطنخ طيب الله ثراو )
لا ... ولايبن زقرت يخشون معهن ( لا للاختلاط )
ونا قدمت على وظيفة ( سكرتي ) حارس على الباب بـ ( ألف وخمس )
قالن : لا
قلت : بألف وثلاث ،، قالن : لا
قلت : وجع يوجع أم أبو خالة عم بنتآخي نسيب هتلر وموسوليني
ونا لك أزعل
وهي تطلع هاللي حدر
( على القارئ الكريم أن يراعي النطق بنون النسوة المشدد لضبط الوزن )
الرجاء ... ربط الأحزمه
( الحين شوفن شاعر يرد ياعجز خيبر )[/align]
[poem=font="Simplified Arabic,5,white,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
آخر زمن ... جا للعجايز دواوين=وشاهي وفنجال وقدوع وقهاوي
ماباقي ألا ينطحن المعادين !!=ويرْخن رقاب مكسرين العزاوي !!
ياهيه لا ، لاتقْظن الدَّين بالدين=ولا تتْبعنّ ابليس ، وابليس غاوي
والذيب ماخذ من طبوع الشياطين=ياكل من اقصى الشاة ياجاتس عاوي
ياتاركات بيوتكن والوراعين=تفكرنّ وحسبنّ الخطاوي
مجموعكن :خمسه ، وتصْفنْ على اثنين=وجلساتكن : حش وسباب ودعاوي
وحنا مع ( الأطنخ ) على العسر واللين=( عرب ) ( وعالي ) ( مختصر ) (والمخاوي)
مع باقي الشله ومن دون تعيين=من بيننا شاعر وناقد وراوي
سوالف ونشدة علوم القديمين=وقصة ( وحيشه ) أو قصيد ( العطاوي )
وسوالف(ن) فيها القنص والشياهين=والخرب لاحول عليه النداوي
وأحيان نقرا الترمذي والصحيحين=واحيان تفسير الكتاب السماوي
وفتوة ( ابن باز ) وكلام العثيمين=ياحي مجلس فيه علم وفتاوي
وساعات نبحث في قضية فلسطين=ياجرح ينزف مالقا له مداوي
وانتن ..على المكياج أو كحلة العين=ماتنفع الكشخه إذا العود ذاوي!!!!
ولاهمّكن ألا مديل الفساتين=والعرس منوه من كبار المناوي
خلن سوالفكن عن الموز والتين=ومتبل وحمص وطبخ ومشاوي
أقول .... بيعنّ ( المجيلس ) من الحين=وتقاسمنّ فلوسكن بالتساوي[/poem]
[align=center]***
( عرب ) عربسات
( عالي ) دايم العالي
( مختصر ) بالمختصر
( المخاوي ) ريال الفسحه
المخاوي ..حبيب الكل ،، أحد أعمدة الفله ،، عجل الله رجوعه إلينا
..
.
زقرتنا الأبطال .. السموحه للي ماذكرت اسموه
تخبرون ،، القاف يعسر
وتحيه خاصه للشاعر أبوعارف ،، اللي يفزع مع العجز ثم ،، انكبنّوه
خلك معنا ياملا الشحم وابشر بالشبب
يا بعض مشرفات الفله ،،
كزيت مسج ،، وقال لي : صندوق العجوز ممتلي
روحي لبوسلطان
واشحذي منوه توسيع البريد ياخاله
مع تحيات ،،، أبوثوب الحبّوب ( الحبّوب وليس الحبوب يامحششين )
المشاركة الأصلية كتبت بواسطة كلي بكم إعجاب
<--على الجرح
المفضلات