مشاركتي هذي مابه قصة لاكن شفت به شي يخص القصة والقصيدة بهالقسم
للكل من يورد قصة او سالفة او يشكك بقصة على انه مهي صحيح او منسوبه بالغلط
ويكون باني هالامر على تحيز غبي مابه اي فايده الاحاجه وحده هي تشويه تاريخنا واحاطته بالشبهه
امام القاريئ وخصوصا اللي مهو شمري (فائذا كان قاريئ شريف يبي يصير عنده شوي تشكيك في
مصداقية القصه لان اهل القصه اساسا مختلفين به بس البلا اذا استخدم هذا الاختلاف من قبل اشخاص
اخرين للتحريف بالقصه والقصيده زود على الاختلاف الاساسي به ونسبها لانفسهم بهالطريقه تتسع دايرة
تشوية تاريخنا)
بالنهايه انتم خير خلف للخير سلف
اسلافكم كانوا يتفاخرون بعلوم كل شمري حتى لو كان بينهم خصومه ويفرحون كلما ارتفع شان الشمري
ومثل ما قال خليف الرقيبا الاسلمي رحمة الله عليه يوم نزلوا عبدة عليهم مع ابن علي والجعفر وعقاب ابن
عجل واخوه ماجد رحمة الله عليهم جميعا
قال هالقصيدة اللي ضنتي ما يقوله الا الشفقان على الرفيق والمنتنومس بهالرفيق
[poem=font="Simplified Arabic,6,white,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يامن يبشرني واعطي البشاره=كان الضياغم قطبوا جال هدلان
ربع ليا جتهم علوم النذاره=تغاوروا فك الشبيلي والارسان
للجار والنجار مثل القراره=حمدت ربي يوم جوني بالاوطان
مثل الثريا يوم تنشر بذاره=خليفته بالقاع عشب وفقعان
ولكان ابن علي جاك يضرب زماره=وقلط على الاجفر مقدين الاضعان
وابن عجل ياشبت العصر ناره=قلط ادلال وصار بالبيت ديوان
باطراف بيت زاميٍ تقل قاره=ماله شبيهن كود خشم ام سنمان
يازين حس عقاب يم المعاره=وماجد خيال العشاير يالاكوان [/poem]
هذولا هم السلف وش انت منهم يالخلف
قبل لا تشهر سلاحك توكد من المصداقيه وحكم العقل للين يتبين لك الصحيح
لا تناقش شي انت اصلا عندك شك من انك بالجانب الصحيح
تقبل تحكيم العقل واترك العواطف فتشويهك للتاريخ ابن عمك لو كان ذالك عن غير قصد (ابعد ما يكون عن
الحميا) هذا اذا كان قصدك حميا للربعك الدانين
اما اذا كان عن قصد وهذا اللي اطلب ربي انه ما يصير فتذكر(ان الحق ما عمره اختفى الا يبين)ولا يلحقك
من قصدك الا الخساير والفشايل مهو بس من الناس من نفسك قبل كل احد
(للمعلومه كلامي هذا ما هو للسبب معين بس للتنويه)
رد مع اقتباس
المفضلات