[poem=font="Simplified Arabic,5,white,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
اركض ورا الاعلام وتصيـر شاعـر=دام الشعر سوقـه كمـا سـوق بطيـخ
وحــدد لبيـعـه بالمكـاتـب مـسـاعـر=وله قيمةٍ رخصة مثـل كلمـة الشيـخ
وقف جري سيل الشطـوط النواعـر=وجريـه تغـيـر بالمواصـيـر تبخـيـخ
والشعـر مـن رب الخلايـق مشاعـر=ماهـو حركـات الايــادي وتصـريـخ
بالصوت فـي عـال المنصـه يجاعـر=صوته يـدوخ سامـع الشعـر تدويـخ
يحسبه للنار الشعر بالصوت زاعـر=وفـكـر يسـجـلـه بـالامـثـال تـاريــخ
دربه على المفلـس يصيـر متواعـر=وركبه ينـوخ دون اللـي راد تنويـخ
يقضـي رصيـد اللـي فقـد للمشاعـر=ويقضـي كثيـر الطهلبـه والتكاشيـخ
شعـر الحـداثـه بالـخـدود متصـاعـر=يستاهل من قاله مع الضرب توبيـخ
هذا لمـرض بافكـار نـاسٍ متساعـر=ومـن مـالـه اول ماذكـرلـه تـواريـخ
قصر الشعر له سور صار متشاعر=من السباب فريسٍ سلاحه صواريخ
شالوعلـى الشعـر الحقيقـي فواعـر=ومع وسط راسه بالفواعير تطخيـخ
وكـلٍ علـى دربــه بالالـحـان داغــر=وحطو على دربه من الموت تفخيخ
واللـي ماهـو صحيـح لابـد صـاغـر=يصـغـر وتنـفـش اللـغـود المنافـيـخ
وجهه يجي من شدت الخوف غابـر=لوهو لبس لبس الزحول المجاويـخ[/poem]
رد مع اقتباس
المفضلات