الرجاء المشاركه من الجميع للاهميه

[ظبيانيه]

اول شي السلام عليكم اخواني وخواتي كللللكم

بدخل الموضوع على طول من غير مقدمات

[SIZE=4]اكيد الكل ملاحظ قلة الاقبال هالايام على مضيف الهودج لعدة اسباب ومنها تقصير العضوات في الكتابه في مضيفهم مضيف الهودج وانا اول المقصرات واعترف بهالشي بس ايد وحده ما تصفق. فعشان جذه بغيت اقتراحاتكم كيف ممكن انا نطور الهودج ونسترد الصداره بي المضايف في عدد المواضيع والردود/SIZE] :D :D :D وايد واثقه من عمري اشوفني :D :D :D

لا بس جد الحين شو اللي ممكن نسويه عشان نسترد الاقبال على الهودج؟ ياريت الكل يشارك ويعطيني رايه واذا فيه اي تعليقات او شي مضايج البعض في الهودج ياريت تتكلمون بصراحه


وتسلمون


اختكم ظبيانيه

[الكتراز]

مرحبا أختي ظبيانيه
سبق وان وضعت فكره لمضيف راعيات الهودج على الرابط التالي اقتراح لرعيات الهودج
ولكن للأسف لم نرى شيء
وها أنا اعرض خدماتي وأمكانياتي لكم في أي مهام تسندونها الي بس انتي اطرحي لنا الفكره وانا والاعضاء بالخدمه ;)
تحياتي

[ظبيانيه]

هلا والله اخوي الكتراز

اقتراحك اذكره وبالعكس من الاشياء اللي اريد اسويها في الهودج بس اتريا لين ما تصير مشاركه نسائيه احسن من جذه لانه قمت احط مواضيع نسائيه مافي عضوات يردن عليها بس الاعضاء (ربنا يجبر بخاطرهم :D ) بس عشان ما يفشلوني ردوا يزاهم الله خير وانته منهم

بس وييييييييييييييين العضوات


وانا متأكده اخويه الكتراز انك ما بتقصر وانا في بالي فلاش بخبرك عنه حق الهودج بعدين

:D :D انته اللي يبته حق مرك الحين بيلس كل يوم اطلب فلاش:D

[فلاح السعد]

اختي ظبيانيه

اظن انك ماقريتي الاسءله اللي طرحتها عليك واظن هذي احدى الملاحظات اي انك لو قمتي بدعوة الاخوات هنا وهناك لراينا فيه تطور غير عادي وانا الان اوجه لك الدعوه من خلال موضوعك وانت تعرفين بان الواحده تاتي تلو الاخرى لو قمتي بذلك وليس من الضروري ان يكن شاعرات كما اوجه الدعوه للاخوات في المضيف للقيام بنفس الشيء

نعم كنت قد اعطيت نفسي شبه عهد ان لاادخل ذلك المضيف وذلك احتجاجا على مايقوم به بعض الاخوه من حركات رما او لاحظت انها تضايق البعض ولكن ها هنا انا اعود تلبيه لدعوة اختنا ظبيانيه لاننا تعاهدنا على الاخوه وان نقف مع بعضنا في كل الاحوال والان انتهز الفرصه واوجه الدعوه الى الاخوه والاخوات بان تكون الردود منطقيه ويجب التقيد ببعض الامور لان ذلك ليس بموقغ شات انما هو للاستفاده وهذا رجاء اخوي ليس اكثر

[ظبيانيه]

اخوي فلاح

اشكرك على التجاوب وانشالله بحاول مره ثانيه اني ادعو الشاعرات وغيرهن للمنتدى بس المشكله مثل ما قتلك في انه التسجيل مكتوب انه عن طريق الاداره يعني لو ينكتب الايميل الي يقدرون يطرشوله بيكون وايد احسن، هذا اعتقادي بس انشالله بنشوف اكثر عضوات في المضيف بشكل عام

وعن باجي الاعضاء اللي يدخلون الهودج فالناس تختلف اخويه في ناس تحب المزح في ناس تحب الجد في ناس وسط بين المزح والجد ومادام الاحترام موجود والتعليقات ما تخج عن الاداب العامه انشالله ما بتكون فيه مشكله بس اهم شي الاحترام المتبادل وانشالله انته بعد بتكتبلنا مواضيع

هااااااااااااا الحين كل يوم بشوف مواضيعك في الهودج :D :D

[أبو راكان]

إحمدي ربك فيه بعض المضايف حتى الزوار ما يمرون عليها
وبعدين وش دخل الرجال بمضيفكن المفروض إنتن اللي تحاولن تحسنن مضيفكن ما تطلبن المساعدة من الرجال أما أنا عن نفسي أقول لو تسكرن مضيفكن أحسن لانكن بصراحة مثقلات الشبكة ما حنا قادرين نتصفح .

تحياتي

[ظبيانيه]

بورااااااااكااااااان ليش زعلان يابو راكان الله يهديك

ياخويه خفت عليك من السكر والضغط وانته تكتب الرد :D :D خلاص اسفين السموحه ازعجناك يوم كتبنا الموضوع

ولا ريال نباه يعتب باب الهودج:D خلاص مقاطعه جماعيه حقكم :D

انا لازم يعني كل يومين حد يهزئني في المضيف:D ياربي شو سويت انا:D


لالا سوالف تراها مزحه بوراكان والله وكلامك على عيني وراسي بس ياخويه الشبكه مزدحمه بالاوزان الثقيله يعني حليلنا كلنا اربع مس عضوات مثقلين المضيف؟ :D

بس شو اسوي يوم العضوات ما يدخلن وايد؟ خبرني يعني نقلبها قهوه شعبيه ونفتك؟

[الماسه]

مساءالخير..........صدقيني ياظبيانية مافيه أي إشكال في المضيف
صحيح أن الكل متضايق من المستوى المتدني.....وأولكم أنا
لأني بصراحة يوم أرغب بالتسجيل ماكان المستوى وصل للحال ذا كان فيه نشاط شوي
.....
المشكلة ياظبيانية أن الكل ينتظر المضيف يتطور من نفسه والكل منا جالس ينتظر النتيجة اللي راح تكون بدون أي إضافة للمشاركات أو المواضيع ......خلونا نبدأ أحنا المتواجدات الآن بالتطوير أو العودة للمضيف وإن شاءالله راح يتحرك ويعكس مجود ولو بسيط للي تدخل للموقع كزائرة.

أختك ...ألماسة

[وميض]

الغالية ظبيونه ..
أسعدتيني بحرصك على المضايف .. وهذا دليل على أصلك الطيب ..
من ناحية إننا مقصرين .. إيوالله مقصرين بالحيل ..
لكن إنتِ تعرفين .. هالأيام أيام اختبارات .. والوحدة منا يا إما عندها أولاد أو إخوان أو خوات .... يذاكرون .. ولازم تبذل معهم مجهود أكثر .. أو عندها طالبات تجلس بالساعات لوضع الأسئلة وتصحيح الإجابات ..
فلازم تصير فيه فترة ركود .. وهذا شي طبيعي .. لكن إن شاء الله نرجع أحسن من الأول .. بس تمر هالفترة..
---------
وأقترح إننا نلف بمواقع مختلفة ونسجل عندهم ونضع رابط لمضيف راعيات الهودج .. يعني دعاية ونشر .. وأنا متأكده إن شاء الله إن العضوات بيكثرن ..
---------
وأقترح إن الرجال إذا ردوا على أي موضوع يردون بشي مفيد بلا استخفاف .. ولا ينسون إن فيه نساء يدخلن للاستفادة من غير مشاركة فيطّلعن على ردودهم ويعتقدن إنهم يستهزئون ..
أما من جهتنا فحنا عارفين قصدهم وإنهم بعيدين عن هالشيء .. وإنهم إخوان ما يقصدون إلا كل خير .
---------
وأقترح ..

خلاص أترك المجال لغيري ..
-------r
أشكرك للمرة الألف يا غالية ..

[عاشق سلمى]

أختي / ظبيانيه ..

لقد تسرعت في الرد على موضوع سابق .. وبالاحرى بالرد هنا يكون اشمل وادق:
ولكن سوف اضيفه هنا ..

في مضيف راعيات الهودج.. معظم المواضيع هامه وجيده لكل الطرفين .. فلا يعاب على الرجل المشاركه في ذلك .. فالمرأه هي : أمّنا ، أختنا ، بنتنا وزوجتنا ..يهمنا على حد السواء ..سبر كيانها الغامض:D ومعرفه الشي اليسير من كيفيه سبر اعماق بحرها العميق... الخ.

ولكن ما لفت انتباهي :

هو أن المشاركه تبدأ دايه جيّده إن لم تكن ممتازه ..ولكن بعد بضعت ردود اجد ان المشاركه احتواها عضو أو عضوين أو اكثر وان حصرت بالمشاركات بهم ..
مما يؤدي لي انطباع ان المشاركه اصبحت حكرا عليهم .. فأخرج من المضيف للمضايف الاخرى .. امضي وقتي معظمه في القراءه .

لو وضعتم مسحا ميدانيا سريعا على المضايف لوجدتم ان المشاركه لا يرد عليها العضو إلا مرة واحده فقط .. ويترك المجال لبقيّه الاعضاء ..

ولكن هنا الامر .. غريب جدا ..

خلاصه القول:

لو ان كل عضو يعقّب مرّه واحده فقط .. ويترك الحريه لبقيه الاعضاء بالرد. يكون اشمل والفائده اكبر..

والله اعلم ..

لكم مني جميعا الاحترام والتقدير