يــا vbclubUserCodE قـــلـــطــ تقـــهــــوا..

**شليويح** · 05-06-2007 02:00

أحم ... أحم ....درب يا عرب...>>>>قدامي احد ؟؟؟؟

السهرت اليوم معكم ....وبنخليه للصبح...

**صدى الشمال** · 06-06-2007 01:58

^
^
^
^
يعني ودك تسهر

يعني ناوي تسهر

صادز والله تبي تسهر

خلاص
اسهر لحالك

وردد ردد
الا يالله ياعالم بحالي

**صدى الشمال** · 06-06-2007 02:08

[poem=font="Simplified Arabic,5,black,bold,normal" bkcolor="transparent" bkimage="backgrounds/15.gif" border="none,4,darkblue" type=2 line=0 align=center use=ex num="0,black"]
قال الذي حده زمانه على الضيق = ويلاه من دنيا غشاني خطرها
تأخذني الدنيا على غير ماطيق = وضيم الليال السود حالي دمرها

حلــّـق بي الحرمان والهم تحليق=الى أرتفع نجمي يطيح أبحرها
مدري تعاسة حظ 00 والا توافيق =والا عيوني خان فيها نظرها

عندي تساوى الوقت مافيه تفريق =وأيام عمري قام يسقط ثمرها
طــّوقني الحرمان بالخوف تطويق =حتى الهقاوي مابدت لي صوّرها

تسابقن مثل الرماح المزاريق =وياويل حالي كان هـذا قــدرها
كثر التــوّجد يحرق القلب تحــّريق =غبنه على من زاد عينه سهرها

( لا ياوجودي وجد بنت المطاليق =لاشقت ثياب الحيا من قهرها )
ولا ياوجودي وجد من جاه تحقيق =بيدين عــدوانٍ تزايد سطرها

وجد اليتيم اللي جفوة المخاليق =يكايد العبرات 00 وحالة دمرها
لا الوقت وقتي والزمن يبّس الريق =واللي عرف بالسالفه ماسترها

همً بقلبي فوق هم المشافيق =أحرق خفوقي والمشاعر بثرها
وقلبي وعزمه ماتجيه المطافيق =ويصعب على العشاق جيّبت خبرها

يحداني الهوجاس غرباً وتشريق =وأشملت لفجوج الشمال آعبرّها
مريتها حافي قدم دون تعويق =حتى حداني بردها عن سمرها

ماجيت أدوّر للحقايق مواثيق =ولاجيت أعــّري زيفها وأحتقرها
جيت بشموخ الطيبين المطاليق =اللي مطاليق اللحى تعتبرها

شمس الحقيقة كنها النور توثيق =اليا أشرقت غاب الظلام بسفرها
ماهمني من لفق الكذب تلفيق =تبطي أعلومه ماتـبّـين ثمرها

والشجرة اللي موقعه قمة طويق =لاضاق وقته جالها ويخبرها
لو أحسبوني من حساب العشاشيق =عمر الموده ماشكت من أسرها

مايجتمع قلبين بين المخاليق =الا وحديهن روحه اللي سحرها
أنا هنايه مايجي بالتشافيق =قصة غريبه ماتكــّـذب خبرها

وقعت فيها غصب من دون تبريق =وأضفت علـّي أترابها في حفرها
أن صحت مابه صوت وأزريت لاويق ومن شاف له صوره تعيسه ذكرها[/poem]

للشاعر/منصور الرويلي

**شليويح** · 06-06-2007 02:09

المشاركة الأصلية كتبت بواسطة صدى الشمال

^
^
^
^
يعني ودك تسهر

يعني ناوي تسهر

صادز والله تبي تسهر

خلاص
اسهر لحالك

وردد ردد
الا يالله ياعالم بحالي

هههههههههههه

والله لو عندك اختبار يوم السبت ....

كان جلست تردد معي ...

لكن..

ردد الا يالله يا عالم بحالي....

**منوخ العمودي** · 06-06-2007 04:09

ماجيـت أدوّر للحقايـق مواثيـق
ولاجيت أعّري زيفها وأحتقرهـا
جيت بشموخ الطيبيـن المطاليـق
اللـي مطاليـق اللحـى تعتبرهـا

شليويح الله يسلمك ونستنا بهاالجزله

والله يرحم منصور رحمة واسعه

**الشقاوي** · 07-06-2007 03:43

والله يابه حتسي ٍ تسثير

بارجع

**صدى الشمال** · 07-06-2007 18:04

المشاركة الأصلية كتبت بواسطة منوخ العمودي

ماجيـت أدوّر للحقايـق مواثيـق
ولاجيت أعّري زيفها وأحتقرهـا
جيت بشموخ الطيبيـن المطاليـق
اللـي مطاليـق اللحـى تعتبرهـا

شليويح الله يسلمك ونستنا بهاالجزله

والله يرحم منصور رحمة واسعه

منوّخ

عليك حق

هالحين تذبح للربع الفله قعود (ن) حمر
حمر(ن) اصفر
يستوضح وهو املح
أملح(ن) اشقح

هالحين تسيف انا اللي جالبن لكم هالجزله
وتفول شليويح؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

هيّن
فصلك من هالمضايف يبي يصير على يديني.

وترن ناوي أجدعك بقضيه

بس قضيه جميله
عليه سبع سنين سجن
وغرامه ماليه قدرها سبع الاف ريال
مع وجود برنامج التقسيط الميسّر

منوّخ ياهلابك والله

ترنا ما نشوفك بهاه واجد.

دمت بصحه وسعاده