سلام عليكم يالربع مساكم الله بالخيرجميعاً.
لالالا والله ماتقوم خلك بمحلك يا ابو طرووق الله يبارك فيك وانت ياريال خلك بمكانك والله ما اجي فيه ابي بهذا ، إلا وين راعي هالمقلط أللي كل مانجي مانلقاو؟ لا ماعليك منه أعرفه زين لاتجهلن فيه هذا مثل الزئبق او حبة الجح بالصحن ماينمسك وإلا اللي يعزم الناس بأسمائهم المفروض يكون متواجد ومكمل أغراض المقلط.
إيوالله حنا أهل محل لكن تخاف يجي أجناب لهالمكان المفتوح ولايلقون من يخدمهم أو أن يكون الموجود من الربع يضطر أن يتحمل شيء ما أخذ حسابه وراع المحل جالس يصبغ من هالبساسة ويبيع على المريكان على إنها فروخ نمره يخوي مايخلي حركاته النص كم هالوليد.
تروه ماكان كذا قبل حادثة شذبة النجلاء أنا أعرفه كان صدوق وأمين ومافيه نذاله ، لكن بعد هالحادثة إنقلب 180 (درجه). طبعاً للأسواء وأنتم أكيد عرفتوا عملتوه بنا يوم خدعنا في مسابقة مطبخ الإسرة عندما وعدنا بتصويت جيش قداسة سر إبطه العرمرم المزعوم وخذلنا.
نعم أنا آخذن بخاطري عليه شوي لكن مثلمايقولون العرب خشمك منك ولوهو عوج ويوم أتذكر ماحصله في حادثة النجلاء أتحمد الله اولاً على سلامته وثانياً إنه ما انفضخ عقله وبناءً عليه صرت أعطيه مبررات وبعدين هو آخر العنقود لشيبانوه الله يخليه لهم .
ليه يعني ماقالكم عنه وإلا قصدكم تبون تفاصيل القصة موش معقول ماسمعتوا عنها وخاصة أنت ياريال الفسحة أمنا بالله والله لودريت أن ماعندكم خبر كان تركت هالموضوع بس فكرت عندكم خبر 100% وهي عاد حادثة لاتخل بالشرف ولافيها شيء لكن أثرت على تصرفاته وسلوكه وأصبح فيه شيء من الغرور والزود والهوس والكبرياء والإدعاء بأنه يستطيع عمل أشياء خارقة وأعطاء نفسه الغاباً قدسية وقيادية أكبر من حجمه حتى الجني الأبرص مايطمح ولايحلم بمايدعي القدرة عليه المطنوخ وكل هذا التغير الكبيرحصل بعد تلكم الحادثة المأساوية.
لاوالله ماودي اسولفه لسببين اولاً طويلة القصة وثانياً أخاف يزعل علي يمكن ماودوه أحد يعرف عنها وإلا كان قال لكم عنها بنفسه... لاخله تولي يابو طرووق هو بعد آخذن بخاطروه علي بسبب حملة المسابقة الماضيه والا والله ما حصل مني ضده شيء ، إلا المدح والعلوم الزينة حتى خذلنا بالتصويت لابالله لمتوه وعاتبتوه عتاب الأحباب من باب الشرهة.
لا لاتحرجني ياريال أولاً السالفة مثل ماقلت لك طويلة وخاصة ولا أستطيع أن أسولفه عليكم إلا أن يكفله أثنان من هالرباعي المرح. ريال الفسحة – صدى الشمال – الأصيل – ابو طرووق. بأنه لن يزعلى علي من جراء سرد أحداث هذه القصة الخاصة المثيره وإن الكفلاء يتعهدون بأن يتحملوا عواقب ردة فعل المطنوخ مهما كان نوعها لإنه مثل ماتعرفونه أصبح رجل متهور ولا أحد يستطيع أن يتوقع ماذا يفعل.
هذا هو قادم أسلم عليكم إن شفت كفالاتكم مكتوبة بالموقع نفسه القابلة أسرد عليكم قصة حادثة المطنوخ والنجلاء الآن أكرمكم الله وفي أمان الله.
المشاركة الأصلية كتبت بواسطة أبوطروق
المفضلات