[align=center]
السلام عليكم ورحمة الله وبركاته ،،
إخواني / أخواتي
هالمره ،، موضوعي غريب وصريح حبتين !!
.
.
.
في الفله الجميله تعودنا على الصراحه ،، والصراحه راحه
ونا ماني من النوع اللي يلف ويدور
يعني .. راح أخش في الموضوع دغري !
.
.
من فترة ،، وأنا ملاحظ تغير من عدد من الإخوة والأخوات تجاهي !!
والحقيقة كنت أحسب أن هذا من باب الصدفة ،،
وكنت أحسن الظن لدرجة السذاجه !!!
ولكن ،،
بعد تتابع ( الرسائل الخاصة ) ،، عرفت أن المسألة اتفاق مسبق
وهو بصريح العبارة : شلليه !!!
.
.
ياإخوان ،، ترا حنا كبار ،، وعندنا عيال ،،
ولا يعني إذا كنت أنا من روّاد الفله وكان طبعي المزح
لايعني أن ذلك يتعدى لأمور لاأحب الكشف عنها !!
سياسة (( التطنيش )) من أجل (( التطفيش )) سياسة سيئة جداً ..
وأنا من النوع اللي ماأتحمل مثل هذه الألاعيب !!
باختصار ،، ماتبيني ( ياإداري أو ياإدارية !!!) قولو لي : مع السلامة !!
وتراني مشارك بأكثر من منتدى ،، بل إني إداري في عدد منها
يعني ليست ( المضايف ) هي البحر الذي سأموت عند الخروج منه !!
أنا لا ولم ولن أنسى العِشره الطويله هنا
لكن ياجماعه ،، ترا ( راس مالي كرامتي !!!! )
والغريب إن هالمواقف تجي من بعض ( أهل الفله ) أهل سعة الصدر والمزح !!!
ووالله ثم والله ،، إني ما شكيت ولا لمّحت لأحد حتى أبوسلطان ماعنده خبر
لأن المسأله ماهي انتصار للنفس ،، ولا هي صعود على أكتاف الآخرين !!
.
.
إخواني ،، أنا مستعد لنسخ عدد من الرسائل الخاصة لكم
ولن أكشف عن اسم مرسلها أومرسلتها ،،
.
.
طيب يالأصيل ،، وين المشكلة اللي تعاني منها ،،
المشكله هي :
أخوكم أبوثوب وصلت مشاركاتوه فوق الألفين
وجتوه نجمه جديده ( عسى فالوه الولد )
ليه ماكتبتولوه إهدااااء
اشمعنى أبوسلطان يوم جتوه نجمه وصار ( عقيد ) كتبتو لوه إهدائياتات ( جمع هديه )
يالربع : ( لاأحد يطق ،، ولاأحد يسب ، وامسكو أعصابكم )
ليمون ياولد للزقرت والزقارات ( تدليع الزقرتات ، وهو : بدل مرفوع بالواو )
معلششش ياشباب ،، تسحيبه على البطيء
لكن ،، بالله عليكم ،، شرايكم ؟
أصلح أفتح محل لبيع الفنايل ؟؟
أنا متأكد أن ثلاث أرباع تعشاركم ،، صدّق الحتسي
لأنوه موضوع متميز ( أكيد ) وأتمنى تثبيتوه بمسامير فولاذيه
( طبعاً : لم أستخدم الصور التعبيريه ( الكشرات ) علشان ماينكشف الموضوع )
أخي القارئ ،،
أرجو أن لاتستعجل الوصول لختام الموضوع
دمتم جميعاً بخير ،،،[/align]
رد مع اقتباس
المشاركة الأصلية كتبت بواسطة الأصيل
تبي تكسر سوق مطعم الفله 
المفضلات