[ مُذْكّرَاتــــْ قَرَويــــــ ]

[كحيل العين]

وينك ....؟؟


تأخرت علينا .....!!




اشتقنا لك .....!!

[سلطان الشمري]

الممات..
.
.


الممات ..إن متْ وأحبابك يحبوبنك حياة ..!
والموت .. أحبابٍ .. سلو عنّك .. وانت انسان حيّ !!


ماتفرق الدنيا .. كثير .. الجمع / واشباه الشتات ..
اهم شيء.. أنك .. تروح إن رحت .. مو خسران شي



والا انا .. بأبقى كذا أحب .. لو حبك رفات ..!
اهم حاجه .. الوعد ما اخون / وتبقى تعيش في ّ ..!!
.
.


تبقى تعيش فيْ

[سلطان الشمري]

[align=left].
.

وأحس إني غريب .. و ما أبي غير الألم والموت ..
و أطيح .. وانكسر .. لكن أحس .. بنبضة عروقي ..

.

طعون العمر تنزف / والبكا فيني بليّا صوت ..
كذا امسح دموعي في يدي / ويحن له موقي ..!

.
غريب .. بلا وطن / والناس حولي ممتلين سكوت ..
كأن الحزن .. غيم .. وماطره ..بين البشر فوقي ..!![/align]

[سلطان الشمري]

[align=center]رحـــــــــــــــــيل !!

،
،
ياجروحنا لو كان لــ آلآمك غياب
ماخفيت دمع العين عن خلانيه
.
أهون أموت وألتحف فوقي تراب
ولا تطيح دموعهم من شانيه
.
أحبابنا لو تعلمون بنا الرحاب
ضاقت / ولم نقوى على الكتمانيه


***

ياضيق يامال المفارق والذهاب
أودعتني بير / وطعونك سانيه
.
ولو كل من يشره يكفيه العتاب
ماصارت ضلوع البشر متحانيه
.
نبضاتنا ..درب..وأحبتنا زهاب
وأشواقنا حمل تهد أمتانيه


***

شرط الزكاة اليا بلغ حد النصاب
والحب ماله تزكيه ياغانيه
.
أوجاعنا غيمه وقطراته حراب
لو يلتئم جرحك / تشقه ثانيه
.
ليتك معي من عصرنا لين الغياب
وأنا وحيد وضيقتي تبلانيه


***


لو نك معي ماصرت رجّال يهاب
ضيقه .. ولا كانت دموعي دانيه
.
ليته تجي فيني /مراويحك سحاب
غيم/و/تباشيرك .. تُريف مكانيه
.
وردة غلا و أضمنك روحي كتاب
عطر.. وأعطر بك ثياب زمانيه


***


والمشكله صارت .. موانينا سراب
وأوجاعنا معنا ( ترُيد موانيه )
.
رحيل .. والدنيا تليتها خراب
وأوجاعنا ترحل ودنيا فانيه
.
دنياك لو تسوى ترى أهل الكتاب
مااسقاهم الله شربة من آنيه


****


.
.
.
ألم[/align]

الغانيه : من اغتنت بجمالها عما يجملها .. / لا غير

[سلطان الشمري]

[poem=font="Simplified Arabic,5,red,bold,normal" bkcolor="black" bkimage="" border="none,4,gray" type=2 line=1 align=center use=ex num="0,black"]

.
.
.


تسربل واسبل هدوم الرضا والحب والإجلال=تفضل واقلط بصدر الوطن واشرب فناجيله

تفضل هذي ضلوعي تبي ترقص وترمي شال=تفضل هذي دموعي غلا بلت مناديله

هنا شرعاً يجوز إني أجي وامعن بك الإسبال=.هنا عرفاً طنايا حضرتي تنثر محاصيله ..

هنا حايل طنايا كلها تشبه صدر رجّال=يميل عقالها طنخه و تشعل بك قناديله

هنا شمر وتخصيصاً أنا يحق لي اختال=وتختال الرجال و كل دله ينتشي هيله

سلام الله عليك من الضلوع اللي بها يجتال=خفوق كل ما هود غلاه تشد لك خيله

هنا بين التناسي والمأسي سجة الإهمال=تشك السلك وتفصل كفن وتعيد تفصيله

ثلاث سنين مرت يالحبيب وصبر طفلك طال=ثلاث سنين مرت وانتظر ليله ورا ليله

تفاصيل الموادع والحزن ما خدّره سلسال =بعنق أختي اشوفك دايما تسكن تفاصيله

هنا ( بشرى ) نست بعدك برآءة ضحكة الأطفال=تضمضم من سؤال ٍ يا يبه ما تقدر تشيله

تلفت تسأل أطيافك عليك ولا تلقّا بال =تغص أبها الأجابه يا يبه ويطيح به حيله

أنا خاويت حزني و (انثبر ) داخل صدر رجّال=ابقوى له فديتك لو تعبت وقلة الحيلة ..

يميل عقال رأسي وانهضه واقول مال عقال=لأني بأقهر الوقت وظروفه لو كثر ميله

أنا ما زاد حزني يا يبه لو شفت دمعي سال !!=لأن آخر مدى حزني .. بكيته وانجرف سيله

أنا عندي سؤال ٍ يا يبه ( بشرى مهي رجال ) =على شان أيش تسرق دمعها من غيبتك ليله ..!!!؟؟
.
.
.[/poem]

[ريال الفسحه]

نزف رائع


انا معك


استمر

[كحيل العين]

سلطان ....!


رحم الله ابا بشرى واسكنه فسيح جنانه ......!!


له الفضل بعد الله في قرائتنا لهذه الجميله ...../



سلطان اذهب عنك وانت رائع وارجع لك واجدك اروع ...!


كن دائماً كذلك أخي .....!!

[سلطان الشمري]

.
.

هلا وغلا ..


لكن أحببت التنويه .. ليس أبيها بل هو جدّها .. ياعزيزي ..

وهي ابنت أخي الكبرى ..

.
.


كحيل العين حياك الله ياغالي..