[poem=font="Simplified Arabic,4,black,bold,normal" bkcolor="transparent" bkimage="backgrounds/7.gif" border="none,4,gray" type=1 line=0 align=center use=ex num="0,black"]
طرقت باب الحب والبيت مهجـور = عشت السنيـن ومالفانـي جوابـه
نبض الغلا والقلب بيديـك مئسـور = سلمت يـم احبـاب قلبـي صوابـه
حسي وسمعي وخاطري منك مكسور = طار الخفوق وزاد فكـري غرابـه
يمكن عبيط احيان واحيان مغـرور = واحيان احس الكـون كلـه ذبابـه
واحيان احس انك حمامه على السور = او اني اللي جـاب بيـده مصابـه
بس الوكاد اني ياغلا فيك مسحـور = حلمي تـلألأ ليـن عانـق سحابـه
حبك سرابي مثل مايسـري النـور = انتـا شعـاع النـور وردي حيابـه
مابي القا لـي عـلاج(ن) ودكتـور = شلعت لك قلبـي وعروقـه ومابـه
بهديك قلب(ن) به احاسيس وشعـور = معـاك لبّـه مـع مفاتيـح بـابـه
ياذرة احساسي لـك عيـون بلـور = قامت تـراوى فـي سمانـا كابـه
اعطيه وش يطلب ولايقول مشكـور = بالصـد جازانـي واظهـر نيابـه
مثلي لقا سلمار مـن شيـد قصـور = الله يبيحـه داعـي المـوت جابـه
ياذالغلا منتا على الهجـر معـذور = مرك تحـلا فـي شفاتـي شرابـه
تعال ياريحـة رياحيـن وعطـور = ياحـب شاعرفـي بدايـة شبـابـه
ماريد غيرك من هل البيض والحور = امشي دروبك وارتمي فـي ترابـه
وارخيت سيف(ن) للغلا كان مشهور = وفاض القلم وارواح فكـر الكتابـه
بقول لك كلمـه وذا الدمـع منثـور = مامـات قلبـي دام حبـك سرابـه [/poem]
رد مع اقتباس
المشاركة الأصلية كتبت بواسطة مانع السرحاني
المفضلات