[align=center]-
بمناسبة مرور 6 سنوات على مضايفنا
اللي هي حنّا وحنّا هي
كتبت لكم
[poem=font="Simplified Arabic,5,burlywood,bold,normal" bkcolor="black" bkimage="" border="none,4,gray" type=1 line=0 align=center use=ex num="0,black"]
جيت اسولف مع سلامٍ به حنيني = قصة اللي شايفة حاله حصاه
في سنيني كانت الدنيا بعيني = بحر شاسع ماتحدد لي مداه
من عرفت النت كبّلت اليديني = هبت منه رغم تحليقي بسماه
جيت دار العز أرض الطيّبيني = " المضايف " ياعسى ربي يحماه
دار أبو سلطان نسل الخيّريني = " الجنيدي " والنشاما اللي معاه
حاشميني ، مشجعيني مكرميني = مريّحيني بين أخوان وخواه
بكل ضيف مهلّيين مرحبيني = يوم بعض الناس بيّن به رداه
من يبارك لي على " ست السنيني؟" = من يهنّيني وأهنّيه لهناه ؟
السنين تمر مثل إرماش عيني = مثل لمحه بين تغميض ونباه !
يالمضايف مالك بقلبي وزيني = رغم إنّي درت هالنت برحاه
شفت عالي شفت واطي وشفت ديني = وشفت مجلاس لنشاما ولمهاه
مامثل شمّر على مرّ السنيني = حسنها كالجدي ثابت مستواه
شامخه بشموخ نظامٍ رزيني = ناجحه بنجوح أقلام ومداه
جيت أبادل بالتهاني مهنّييني = جيت مدري بالفرح وش السواه !!!
ماأقدر إلا أدعي الرب المعيني = يعين أبو سلطان مع كل رفقاه
بالله منتم يالنشاما مِـيّديني ؟!! = ( المضايف مبهره من مبتداه !)
أشعر إنّه " مثل مابيها تبيني " = رغم إنه " يَـمّ " .. ووجودي " حصاه "
[/poem]
شاكرة ومقدّره للمرور من هنا ..[/align]
رد مع اقتباس
المفضلات