بسم الله الرحمن الرحيم
[poem=font="Simplified Arabic,5,black,bold,normal" bkcolor="transparent" bkimage="backgrounds/27.gif" border="ridge,6,black" type=2 line=0 align=center use=sp num="0,black"]
غلطتي يوم احبـك ياعنـود الشمـال =وانت عودك ضعيفن بالهبايـب يميـل
ليتني سقت رجلي فـي دروب العـدال =لاجل يسلم ضميري من عذابن طويـل
يافهد طال صبري في رجى الزين طال =والقلـوب الضعيفـه ماتشيـل الثقيـل
ماتفيد القوافـي مـع حسيـن الـدلال =دام سيف المفارق عند وجهـي سليـل
مانفعني عمـام ولافـزع لـي خـوال =يوم شافوا صوابي من عشيري جليـل
ومكسبي من وراها مدمعي يوم سـال =وطيحت الجسم كله من فراقـه عليـل
والامل راح مني فـي دروب الحـلال =وطلحة الدرب مابـه للنشامـا مقيـل
والله اني رجيتـه يـوم فيهـا مجـال =ولابقى غير دمعه يوم حـان الرحيـل
واختصرت المحبه يافهـد فـي مقـال =(يلعن العشق يرمي من يطبـه ذليـل) [/poem]
رد مع اقتباس
المفضلات