[
تعتبر هذه القصيدة من أفضل قصائد المدح بقبيلة شمر عامة وبالجري من عبده خاصة خصوصا
أن شاعرها ليس من نفس القبيلة بل هو الشاعر البيطار/عبد العزيز بن سلمان الفراج السبيعي
والذي ألقاها في حفل عرس /عايد بن مفلح آل مخيدش وبحضور كل من :
الأمير عبد العزيز بن تركي آل سعود وخال الأمير سعود العواد
ومجموعة كبيرة من أمراء ومشاهير قبيلة شمر منهم:
1- عقيل بن عايش
2- فهد بن ثنيان
3-مديسيس التمياط
4-وطبان التمياط
5- سعد الربع
6- مهدي التبيناوي
7- عراك بن شريم
8- محمد بن شرشاب بن جبرين
9- نواف بن جدي
10- ممدوح الطلال بن رمال
11- خلف بن هادي بن شريم
12- مذود بن لغيصم
13- عبيد بن عمش بن طوالة
14- قنوف بن نواف بن علي
15- أبناء المرحوم عايد بن دويهم
16- إخوان وأبناء المرحوم حمد بن مخيدش
17- سلمان بن سعود الفديد
وجموع غفيرة من قبيلة شمر
وقف الشاعر على المنصة واستأذن الأمير بقوله :
اسمحلي ياطويل العمر أن أمدح من يستحق المدح ثم قال :
[poem=font="Simplified Arabic,5,black,normal,normal" bkcolor="white" bkimage="" border="none,4,gray" type=0 line=0 align=center use=ex num="0,black"]
أنا والشعر تربطنا موده=وإليا بيحت سدي باح سده
أقوله واعتني به وافتخر به=ولا وقفت بموقف غير قده
أحبكه حبك من معنى وفكرة=وأهول مبعد النظرة وأشده
وإليا منه نشدني وش طموحي=طموحي يوم أجي شمر وأعده
زحازيح تشرف من مدحها=لهم عن غيرهم عشرين شده
مغازيهم من إثقال المغازي=وطرايحهم تعيش الطير مده
وقلايعهم من خيار القلايع=وسلطتهم على كبار الأشده
يردون الحفيف إن كبر جوره=مثل وصف النمور المستعده
معاديهم حفيده يرتعبهم=يعرف أفعولهم من حكي جده
وعرفوا في سناعيس وطنايا=وكل واصل بالطيب حده
واحدهم لا جت الطنيه براسه=ماتستبعد طويق إنه يهده
تساوقهم سعاطير الرجولة=وكثر الطيب فيهم ما نعده
عطاياهم بحر وإذا تقصوا=وش البحر الأحمر جزره ومده
لهم تاريخ أبيض كالسحابه=من أقصى حايل ليا بحر جده
وبعد جينا على حفل (المخيدش)=لابد الشعر يدفعني لابده
شيوخ قسمهم بالطيب واضح=وباب المدح عنهم من يسده
وإليا جت (المعايا)بالعزاوي=معاديهم توطوا فوق خده
صواريم ربت بأرض الجزيرة=وشاهدهم بساط المجرهده
وإليا ركبوا على بنت العبية=محاربهم تجافيه المخده
تحلوا بالشجاعة والمكارم=وقف النفس والحيل المعده
واختمها بذكر الله وأوقف=ولا أوقف بموقف غير قده[/poem]
صح الله لسان الشاعر المبدع /عبد العزيز الفراج السبيعي وبيض الله وجهه.وجزى الله عايد بن
مفلح بن مخيدش كل خير فبمثله نفخر وبفعله نفتخر[/size]
رد مع اقتباس
المشاركة الأصلية كتبت بواسطة مانع السرحاني
المفضلات