وش الدبرة ؟!؟!؟
أخواني وخواتي
السلام عليكم ومساكم الله بالخير
أبي أسألكم بعد كم سنة وش يبون يسوون عيالنا الله يعينهم
كل شي قاعد يرتفع سعره باستمرار،من مواد غذائية وملابس ومواد بناء وسيارات وغيره،طيب بعد عشر أو عشرين سنة وشلون راح يصرفون عيالنا،أنا أتوقع ان كيلو الطماط راح يكون بخمسين ريال،والثوب بألف ريال،وإيجار شقة صغيرة )غرفتين وصالة(بثلاثين ألف، والددسن غمارة بدون مكيف بمية ألف ريال .
طيب وشو الحل
أنا أقول أن كل واحد عنده عيال ويبي يأمنهم من غلا الأسعار لازم يسوي الآتي:
_يسوي له مزيرعة صغيرة ويكثر من زراعة الطماط مع شراء عدد كبير من رز أبورصيص.
_يشري أقمشة رجالية ونسائية من محلات الجملة "ولاينسى المكرات والأبر لأني أتوقع الأبرة راح تكون بمية".
_يحاول يبني بيت كبير يكفي عياله وعيالهم وإذا مايقدر يشتري خيام على عددهم .
_ياخذ باص كبير بالتقصيد )من حقات النقل الجماعي( ويغطيه ويخليه حق الساعة القشرا .
والله يالربع إنه مشكلة ومادري وين الحل .
الظاهر مافيه إلا اننا مانجيب عيال أو نضرب عن الزواج لين ما تنزل الأسعار وتهدا .
@سامحوني إذا طولت عليكم
ولا تحرموني من الردود والمشاركات وألف شكر على تشريفكم@
أخوكم / أبوطروق
رد مع اقتباس
المفضلات