مساجله (الغسلان-التبيناوي)
السلام عليكم ورحمة الله وبركاته
سبق ان ذكرت ان لي مع الشاعر مبارك التبيناوي عدة محاورات شعرية وللمعلومية فأن مبارك
هو القائل :
يامرامي مانقص وزن تقديـرك =لو عيوني تسهر الليل من شانـك
اتسامـح واتقـبـل معـاذيـرك =حتى لو عذرك مثل وجه جيرانك
وهو القائل :
ياللي بتاج الحلا والزين مخصوصه =عزالله انك بتـاج الملـح مختصـه
يفداك عمرن تباين منـك بنقوصـه =بالعمر لو ربع ساعة منك يالحصه
وانا الأن سأقدم لكم محاورة جديدة من الأشعار التي دارت بيننا واتمنى ان تحوز على رضاكم
[align=center]
(((قــــال فــــواز الـغــســلان)))
يقولون مـن ينـزل بقـاع البحـر غـواص
لزومن يجيب من الجواهر درر وفصـوص
وانا يامبارك فـي بحـور الهـوى رقـاص
غريقـن بموجاتـه طريـح تقـل مقـروص
اذا ضقت من فرقى عشيري ركبت الشـاص
رفيقن بطرد هموم مـن يركبـه مخصـوص
يعزك ولاعمـره خـذل سايقـه او حـاص
جديدن من الجمرك وفيـه الدبـل مفحـوص
ويشفين من همن لضلـع الحشـا قصـاص
غثيثن يحط الضلع مـن ضيقتـه مفصـوص
من اللي جذبني بالهوى مثل جـذب المـاص
وجرحه تقل يضرب عروقي شطير الخوص
اذا قلت ابي شوفك يجـاوب تقـل خـراص
تململ تقول انه علـى شوفتـي مرصـوص
وانا عشت من صغري على المرجله مفراص
واعاف الهوى دامه يجـي قيمتـي بنقـوص
اعاف الشراكه لـو علـى ركبتـي البـاص
وابي موتري وحدي لو اني عديم اشنـوص
حياتي على العـزه وراء صيدتـي قنـاص
ولا خفرتن نركض وراها ركيض لصـوص
(((قــــال مــبــارك الـتـبـيـنـاوي )))
تمنيت قبلـك لـو لحـزن الحشـا نقـاص
ولا شفت قبلي مع صخيف الحشا مقلـوص
وانا اليـوم يافـواز مالـي معـه مخـلاص
وابي اعطيك عن ماحل في حالتي ملخـوص
ترى حال من يشرب من الحنظليـل قـلاص
مثل مـن فقـد شيهانتـه وخويـاه قنـوص
وجودي عليها وجد مـن حـده الرصـاص
كلاه اللهب في يوم يثنـي خـلاف العـوص
ملكنـي جمالـه والحـلا فيـه والاخـلاص
ولا شك من دونه عيونـن عليـه حـروص
وانا اللي علشانه دفقـت الدمـوع رخـاص
وبحر الهوى صعب على اللي جهل بالغوص
وشرع الهوى مافيه قول الجروح قصـاص
وشوف الخطا من صاحبي ساعته مبحـوص
غرامه تقل مـع دم قلبـي يحـط اقـراص
جرى مع شراييني خلط دمـي الممصـوص
حبيبي كفتني شوفته عـن كثيـر اشخـاص
ليامن تشخص عاضني عن كثيـر شخـوص
بغيت السهر بيني وبيـن الحبيـب انصـاص
لو انه على تعذيب قلـب الشقـا مرخـوص [/align]
اتمنى ان اكون اجدت مع صديقي التبيناوي النظم ولكم النقد والتمحيص
فواز الغسلان
( الراوي )
رد مع اقتباس
المشاركة الأصلية كتبت بواسطة فواز الغسلان
المفضلات