السلام عليكم ورحمة الله وبركاتة
حبيت اني اذكر لكم ما حصل للطلال بن هذال مع ابن جبرين غاطي
لاني لقيت بعض ابيات قصيدة طلال بن هذال في احد مشاركات الاخوان بدون ذكر اسم صاحب القصيدة
فحبيت اذكرها عليكم
بحدا للقوات شمر بعنزة وكان النصر للشمر بهالمعركة وانكسرت عنزة!!!!!!! وطاح منهم طلال بن هذال كسير
ما يدير رجلة!!!! دري غاطي بن جبرين وهو ياقف عندة وهو يمنع فريس شمر عنه ويحماه منهم
بعد ذالك اجبر غاطي النزل انهم يرحلون ويقيمون بمكان المعركة على الكسير ابن هذال
اقاموا عليه اربعين لليلة كل يومين يذبحون لة خروف حتى جبر كسرة ونقل روحة ورجع للعنزة
قال هالبيات تبين كل ما حصل:
الحمد لله يوم ربي فرجلــــــــــي
من عقب مانا واقع في خطرهـا
اصابت خطرة على فخذ رجلـــي
يستاهل البيضا غلام جبرهـــــا
في ساحة الميدان ربي عرجلي
علمي بروحي واقع من ظهرها
لولا ابن جبرين المسمى رجعلي
غاطي ابن جبرين عندي قهرها
ربعه مصاويط العجاج أفزعتلـــــي
أهل بيوت سالم من نحرهــــــا
عشرين من روس الغنم ذبحتلي
شمر هل الطولات كل شكرها
هذا اللي عندي عن هالسالفه وانا ذكرته وانا ما ادري لو هي مذكورة بهالمنتدى
واتمنى ان ما جبت به فايده
تقبلوا تحياتي وتقديري
رد مع اقتباس
المفضلات