[align=center]
،
،
،
[poem=font="Simplified Arabic,5,white,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
زفيرك فآخر الفنجان .. سُكّر = تعلّق .. يمكن لـْ جوفك يعود
وإذا السكر طبيعي زاد حدّه= دع الفنجان .. لا إنّه يزود !
أخاف من الحلا منّك عليك = وأخاف لـ بسمتك عين الحسود
و صورة ترتسم في طرْف نظرة = و تعكسنا مناظر .. بس سود
و أشوف إني حواليني كثير = وتعرف .. ما بقى حولك وجود
و تفضحني أحاسيسي عرايا = و يصبح ما بقى للصمت فود
وأخاف أكثر إذا عطرك غمز لي = أوقّف .. وآنا في نفسي أنود
ولا ظلّك عرج في طَرْف ثوبي = يشعّلني الوله .. ميمار عود
أشمّ طول المسافة و آتلوّن = على وجه الخجل، وجنة ورود
ثواني .. صرت ربّ الشوق فيها = وقبلة ضيّ وأنظاري سجود
عِمِرْها .. عِمْر هالأرض و مثلها = وطيحة رمْشةٍ فوق الخدود
بعدها لا طرى بيني و بيني = بأنّ كنّا على ذات الحدود
أكذّب .. وآنا أصدَقْ ما أكونك = و أنكر .. لو دواويني شهود
وأعاود أفتح الذكرى خريطة = وأدلّ الغيض لعيون الحقود
و كَثّر خيرها ذيك الثواني = عِطَتْ .. واللي ايْعَطي لازم يجود
رمتني في خضمْ حاير سؤالي = فيا ترجع أو تشيل السدود
و حتى شفّة الفنجان تسأل = ذبحها طاري الغيبة .. برود ![/poem]
،
،
أختكم
الدهور[/align]
رد مع اقتباس
المشاركة الأصلية كتبت بواسطة بتول آل علي
المفضلات