بسم الله الذي لا يضر ّ مع اسمه شيء ٌ في الارض ِ و لا في السماء ْ
اتواصل ْ معكم ْ بهذه القصيده
و التي هي " فيض ْ .. من .. غيض ْ "
وكتبتها بعد حدوث احدى المشاكل في اثنين من المنتديات العريقه
و قام احد الاشخاص بقذف الاتهامات جزافا ً .. و كنت ضمن .. مجموعة .. اتّهمها بـ"الخرفان "
او ما شابه ْ
و ما إلى ذالك من تفاهات طفوليـّـه
عذرا ً لإيرادي هذه الكلمه ْ .. ولكن من باب نقل الصوره كما هي ْ ..
و كان يدعمه الجميع تقريبا ً و يرمون بالاحكام دون معرفه بملابسات الأمر ْ
فأنا لست ُ هنا لطرح هذه القضيه و اثارة ما لا نريده ُ أن يُثار
و لكن هذا مجرد تمهيد و توضيح لما سيرد ُ ذكره ُ في ثنايا ابياتي المتواضعه
لكي ْ تصل َ الرسالة ُ الى من يهمـّـه " أمري " فقط ْ
و يكون الجميعُْ .. في الصوره ْ
..
فلكم ْ
..
مدخل بسيط ْ
[poem=font="Simplified Arabic,5,darkred,bold,normal" bkcolor="white" bkimage="" border="none,4,gray" type=0 line=0 align=center use=ex num="0,black"]
تفكيرك السطحي سبايب بلاويك = و يمكن غرورك زوّد الطين بلـّـه [/poem]
.....
[poem=font="Simplified Arabic,5,darkred,bold,normal" bkcolor="white" bkimage="" border="solid,4,gray" type=2 line=0 align=center use=ex num="0,black"]
مـا جيـت أدور فالغناديـر الإعجـاب=مثلـي بيقضـي بالمـراجـل شبـابـه
ترى الرجوله ماهـي بفتـل الأشنـاب=بعض الشـوارب لـي تجيـب الكآبـه
ما هز قلبـي بنـت مـن دار الاجنـاب=مانيـب خبـل ٍ كـل درب ٍ عطـا بـه
مالي ومال الحـب فـي درب الاحبـاب=نفسـي عزيـزه والصبايـا تشـابـه
مبطي وربعي عشقهـم قطـع الارقـاب=فـي دارهـم تلقـى الكـرم والرحابـه
واليـوم جانـا عصـر تضييـع الآداب=وان جيت تسأل تستلـم ألـف إجابـه
صحيح ابعشق بنت ما دمت انـا شـاب=ورد الحكـي للـي يبيـنـي و يـآبـه
احب بنت العم لـو عـاب مـا عـاب=بنت ٍ عفيفـه باسمهـا عـز .. لابـه
وش جاب بنت العم للغيـد وش جـاب؟=بنـت ٍ دلعهـا يبتـدي فـي مهـابـه
حتـى خفوقـي لاانذكـر اسمهـا ذاب=واليـا تعـزوت يعتليـنـي صـلابـه
مانيب اجي لك ياسود الوجه بثياب=ومثلـك نـزع لجـل المياعـه ثيابـه
عود ٍ مربيك اشهـد انـه فـلا جـاب=زيـك حسافـه فرحتـه يـوم جـابـه
لا صار ما لك اسم ربع ٍ و لا صحـاب=اسم ( القبيله ) قلّنا وش تبـا بـه ..؟
مثلي سرح بالبل على جـال الهضـاب=ولا انت والله خبـل مـا ينـدرى بـه
ترى الجبل ما هزتـه قرصـة الـداب=و ما حك خشم الهـرش حـز ّ الذبابـه
بعض العرب لاقفيـت كشّـر بالانيـاب=واذا انت جيته قـال . والله هـلا بـه
لا صرت ترمي بلوتـك لـي و تغتـاب=مثل الـذي قـط ابـرة ٍ وسـط غابـه
لانيب ابجـزع لـك و لانيـب طـلاّب=منهو حكـا .. لابـد ّ مـا ينحكـا بـه
انفخ لهيب النـار مـا دمـت شبّـاب=هـات الدلايـل يـا شبيـه الـزلابـه
ويش الشبيـه .؟ ألا زلابـه و كـذاب=قولـك غريـب وزاد فعلـك غـرابـه
احفظ لسانك عننـا واحسـب حسـاب=الـجـد جــد ٍ والدعـابـه دعـابـه
حنـا جلـوف ٍ لعبنـا لعـب حـبّـاب=يحب خشمك عقـب ماهـو وطـا بـه
ما يمـلا فـم الادمـي كـود التـراب=و انـا ولــد ادم تـرابـي تـرابـه
ايه افتخر وان هي تفاخـر بالانسـاب=ربعـي سناعيـس وخوالـي عتـابـه
المجـد بيـت وحنـا للبيـت الاطنـاب=يشهد على ماقول ( سلمـى و طابـه )
حنـا الطنايـا مجدنـا ماهـو كـتـاب=من نهـر دجلـه ليـن نجـد وشعابـه
و انا دخلت الشعر مـن كـل الابـواب=ماهوب سرق ٍ مثـل سـرق العصابـه
اسمـي وحطيتـه علـى راس مرقـاب=وفي مطلع ابياتي حيـاة و ذرابـه
والراس والله يـا غناتـي فـلا شـاب=والشعـر بلسانـي لحـونـه طـرابـه
الحر يبقى حر ... لـو ينعـق غـراب=والذيـب ذيـب ٍ والكـلابـه كـلابـه
والذرب ماهو لا زعل يفقـد اعصـاب=ويفـز شيطانـه ويفـقـد صـوابـه
وان شان حظك اعلـم الوقـت غـلاب=سود الليالي مـا تخييييييـف الذيابـه
واليوم شعري فاض بالقلـب و انسـاب=اسمع قصيـدي وافتهـم فـي عتابـه
ومحمد اللـي تختلـق فيـه الاسبـاب=لو كنـت تـدري بحالتـه مـا تعابـه
الدمـع والله حاجـزه بيـن الاهـداب=ما طاح فـي عشـق ٍ كثيـر ٍ عذابـه
هليت دمعي خـوف مـن رب الاربـاب=خوف العذاب اللـي وعـد فـي كتابـه
بالامس اشوف" الدرب " ضيّق ولا اهاب=واليوم اشوف" القبر "ضيّـق و اهابـه
يـا رب تقبـل توبـة العبـد لا تـاب=عن درب ٍ اقشر ضـاع فيـه ومشابـه
و الحر يبقى حر ... لو ينعـق غـراب=والذيب ذيب ٍ .. و انبحوا .. يالكلابـه
وصلاة ربي عالـم السـر لـو غـاب=علـى النبـي المجتبـى و الصحـابـه [/poem]
و دمتم ْ سالمين ْ
رد مع اقتباس
المفضلات