مغالطات في كون الشريف

**الشاهري العبيدي** · 17-03-2007 21:31

صراحه كا ما اشوف موضوع للاخ والاستاذ فواز

القى نفسي داخل الموضوع وكأنى معاصر الاحداث

اخى فواز

شكرت لك يا من نثق بروايته

**فواز الغسلان** · 17-03-2007 21:59

(((( تعقيب ))))
الشخص اللي زاد ابيات كثيره بالقصيده متعمدا معروف 00 واعترف عند المرحوم نايف الحواس
ابن خمسان وسأله نايف ((وكان بينهم صداقه )) وقال وش بلاك حست قصيدة الشريف فقال
انا ماحستها وانما زينت لها (((ديكورات )) 000
والغريب ان هذا الشخص سجل القصيده بشريط كاسيت وبعد عام سجلها بزيادة عشر ابيات
عن سابقتها وبعد عام سجلها بزيادة خمسة عشر بيتا ايضا ومع ذلك ماواحد انتبه لمثل
هاللعب00 لانه لو كانت الزياده بيت او اثنين كان تقول طاحن سهوا وكل انسان ينسى
لكن تكون الزياده خمس وعشرين بيت وتمر مرور الكرام فهذا عجيب000
((( مثال ))) : يقول بالابيات الزايده :
وبيص دندح الفواري اعطبه = بشلفى بحديها تقص الاباهر
يقصد ان بيص بن شاكر فارس الشريف قطع يديه دندح الفواري الفارس المشهور من العمود
مع ان غريب الشلاقي قبل انتشار الكذب يقول من ضمن قصيدته بدهام الجربا :
ربعي هل الجدعا لياهب نسناس == اللي سقوا بيصن غبون الليالي
فشهادة غريب انهم من الثابت اللي قطعوهن وقيل انه احد (( العجارشه ))

((( مثال ))) ذكر بالقصيده كلمة (( الكنادر ))
وهذه الكلمه ماكانت مستعمله قديما وماسمعتها بالاشعار القديمه لان استعمالها حديث
واذا واحد سمعها بقصيده قديمه يخبرنا ويفيدنا0000

((( مثال ))) قال في وصف عبده:
لو نيدنا هوش السناعيس قطروا = كما دغلوبن نشت عليه المغادر
يقصد انه لو كانت عبده بس كان صارو مثل الدغلوب اذا نشف الماء عنه وهذا منتهى السب
وبالله عليكم اذا تابعتوا قصيدة الشريف تلاحظون صدقه وامانته في وصف ماحصل بالامانه
فهل يعقل ان يصف عبده بهالوصف وهم متترسين له ثلاث شهور على قوة جيشه وكثرته
وسلاحه؟؟؟ مستحيل يبي يظلم حظه بهالنقطه بس في حين انه صدق في نقل ماحدث
ولم يرى اي نقيصه في ذكر هزيمته وهروبهم من المعركه وكذلك حلفه بالتوبه عن ديار شمر
هذا بعيد جدا00
(( مثال )) قال في تبرير وجود خيل الشريف كلها عند شيوخ عبده 0 المجيحيم0 الطليعه
0 ابن سوقي وغيرهم فوضع بيت يقول :
ردوا علينا خيلنا واعتقونا == في عزتن منهم وعفة عنابر
يقصد ان الباقين ردوا خيل الشريف وشيوخ عبده رفضوا 00 وهذا عكس العادات اللي
كانت سايره عند العرب انها تاخذ جميع او ترد جميع وهذا شي معروف00
انا والله العظيم ماعندي انحياز لواحد دون الاخر ولكن لاارضى ان ارى شخص يعبث بتاريخنا
واسكت عن توضيح ذلك من باب الامانه ومحبة التاريخ القديم000
هذا غير انه ذكر فرسان بالمعركه والتواريخ تشهد انه كان ميت قبل هالتاريخ او انه كان بالجزيره
وراح نتطرق لذلك اثناء النقاش واكتفي بهذا خشية الاطاله والسلام0000
((((( الراوي )))))

**ر11عي اللقيه** · 17-03-2007 22:06

هلا بالبناخي فواز الغسلان ... واشكرك يالبناخي على اخلاقك الرائعه وهذا ليس بغريب عليك فانت من الغسلان عائله كريمه نفخر فيها ... وقد اكون اخطات في حقك فلك مني كل الاعتذار ... وعاد انا عندي سؤال لك يالبناخي ببيت الشريف الي يقول

وجينا الديرة اللي اسمها باسم اهلها
كرام اللحى بايام حر المساعر

هل يقصد الاسلم لاني سمعت من بعض شيبان شمر انه يقصد الاسلم ؟؟ فانا ودي اسمع رايك لانك من الرجال الي نثقبهم ونكن لهم كل محبه وتقدير .. وهذا سؤال ثاني اين الاسلم في معركة الشريف ؟؟ مع العلم ان الاسلم ولاقصور ببقية شمر اشتهروا بالحميه وهذا شهد فيها عواد الوبير فمن المستحيل ان يكونوا الاسلم مجرد متفرجين

شاكر لك ويعطيك الف عافيه على ماتقوم به من مجهودد

اخوك / الهمزاني الجذيلي

**فواز الغسلان** · 17-03-2007 23:08

هلا اخوي راع اللقيه واعتذارك دليل على طيب معدنك واخلاقك00

الديرة اللي اسمها باسم اهلها يقصد ( سلمى ) وهذا معروف انه يقصد ديار سلمى وهذ

ماسمعت فيه اختلاف00

اما وين الاسلم فالمشكله الغريبه ان كون بحجم هذا وكبره واهميته وخطورته وفخره لشمر وهل

يعقل انه مافيه شمري قصد قصيده بهالمناسبه؟؟ هذا من سابع المستحيلات 00

فماهو السر في ذلك ؟؟ انا متأكد انه فيه قصايد لان فيه اكوان اصغر بكثير من كون الشريف

وقصايده واجد فكيف هذا00 وتكون ضاعت ربما لانهم اكتفوا بقصيدة الشريف لانها شهاده من

الخصم (( والحق ماشهدت به الاعداء )) 00

صرنا نعرف بعض اللي شاركوا من قصايد اخرى وانا متاكد من وجود الاسلم سواء الكل او البعض

لانه ماذكر التاريخ خروج لهم من مناطقهم بحايل لأي جهه ومن كان موجود لابد انه شارك لكن

والله ماعندي دليل (( حتى الان )) في ذلك ماعدى قصيدة بريك راعي بقعاء لعدوان الطواله

اللي وصف مكانه عند (( ظلعان الدهمشيات )) وهذي بديار الاسلم وكان وقت القصيده قريب

من وقت المعركه والله اعلم وتقبل تحياتي00

(((( الراوي ))))

**ر11عي اللقيه** · 17-03-2007 23:21

والله انا سمعت ولست متاكد ان اول معارك الشريف كانت مع الاسلم بعد ان نزلوا عليهم الظفير وهذا ماسمعته ... وانت اعلم مني بهذه الامور فانت من خير الرواة ... وصدقن اخوي فواز لقد ضاع الكثير من علوم شمر بسبب قلة الرواة فانا سمعت ان هناك معركه حدثت بين شيخ الاسلم في الزمن القديم البقار (الملقبين كريم سبلا_ والبعير ) وبين الشريف وهناك قصيده لامراه من البعير تفخر بذلك

لك شكري واحترامي لك

**فواز الغسلان** · 18-03-2007 17:15

اكيد ان ستين بالميه من تاريخ شمر ضاع او حصل فيه تحريف لكن الباقي والله فيه خير وبركه

ويرفع روسنا عند القبايل الاخرى اذا حافظنا عليه وناقشنا الاختلاف فيه بروح التسامح والاخوه

والبحث عن الحقيقه وان يقول الشخص اللي له واللي عليه بعيدا عن العنصريه المتشدده اللتي

تخرج صاحبها من نقطة البحث والاستفاده الى نقطة العناد والمكابره00

علما ان الاشخاص الموتى لايرضون ان تمدحهم بشي لم يفعلوه او تكسيهم ثوب غيرهم00

اذا اتبع الباحث هذه النقاط فسيكون عمله مثمرا يفيد جماعته وقبيلته ونفسه والاخوان هنا انشالله

كذلك والعاقل اذا ظهر له الحق يتبعه لانه اذا ماتبعه يشكك الناس بعقله ومصداقيته00

علما ان ماهذا اول موضوع فيه اختلاف راح افتحه وانما سأتطرق لكل المواضيع اللتي تحتاج

الى توضيح بمساعدة الاخوه جميعا وتقبلوا تحياتي000

(((( الراوي ))))

**ghosty** · 19-03-2007 10:47

بسم الله الرحمن الرحيم

اسمحلي ياسنايدي

انا بمداخلتي الاولى قلت ان اسم الطليعة هو رياض وانا كنت متوهم

وبعد التاكد من اسمه هو مسعد راعي المحمل(العطفة) مثل ما تفضلت

وياعساك على القوة ولا يخلينا من امثالك انت والاخوان اللي همهم تنقية هالتاريخ من بعض الشبهات

والشوايب اللي بعضها عن قصد والاخر عن غير قصد

وتقبلوا تحياتي وتقديري

**فواز الغسلان** · 20-03-2007 15:24

شكرا جزيلا اخوي ,,

على فكره يالغالي أي الطلعان اللي صارت له القصه مع حمد بن عيده من السبعه من عنزه هو مسعد

او طلب الاول مدام عندك علم بالطلعان لان فيه اختلاف شوي ,,

يوم يقول الشاعر : تسلم يمينك ياعذاب الفناجيل ’’’ ياللي ركابك بالمغازي بعيده

واللي يبي يمدح بوسط الرجاجيل ,, يفعل مثل فعل العديم ابن عيده

والسلام ,,,, ((( الراوي ))))

**ghosty** · 21-03-2007 00:49

والله يا مسندي ان ما عندي علم اكيد

نشدت شيبانن لي عن القصيدة ولا لقيت اللي يفيد لاني مدري وشي القصة اللي انت تعني

انت ياسنايدي بس عطيتن هالبيتين(لو تعطيني مختصر لاقصة يمكن انها تذكرهم مثلك عارف اللي يذكرون

السوالف اكثر من اللي يحفضون القصيد وانا اللي عندي من شيبان بعضهم على جال الفيضه بس بالسوالف

الاولة يردون شباب )) لاكن الله والعالم انها للمسعد اذا كانت بزمن العواجيه فهي مع مسعد

وانا ودي لو اني افيدك باي شي اعرفة

تقبل تحياتي وتقديري

**فواز الغسلان** · 22-03-2007 04:18

القصه ملخصها ان الطليعه وهو صغير حاف على السبعه من عنزه وهو صفير عمره 17 سنه ومسكوه

اسير ونخى حمد بن عيده منهم فقام حمد ودفع قيمة اسره يوم نخاه بوسط الجماعه بجميع نياقه

وفرسه واطلقه وقبل رجوعه لاهله خطف ولد اللي كان رابطه وهرب به لاهله ويوم جاء خصمه يبي

ولده قال ارجع وتعيد حلال وفرس حمد لراعيهن واذا نفذت قل لحمد يجي بنفسه اعطيه الولد

وبذلك رد المعروف لحمد ...