[align=center]
مساء الورد
هناك دائما شي يجول في الخاطر يا اما فرح او زعل اوألم فنتنفسها احيانا شعرا اونثرا او الى اخره المهم
المهم نتخلص منها في غالبا ما وايلكم مصافختي الاولى اتمنى انترقى ولو الى القليل من ذائقتكم
بودعك
وقبل الوداع أبسألك ؟
ابسألك ياصادقه
ابسألك ياعابره
ابسألك عن الحنين
وابسألك عن العيون
وسحرها
وابسألك عن النجوم
وكثرها
وابسألك عن السنين
وعن العصور الغابره
وعن الوفا في داخلك
والا الرجا إن عاش لك
وعن الصور باحلى وجود
وعن خافقي متى يعود
ابسألك
عن العواطف
ابسألك
عن العواصف
ابسألك
عن شاعره ماخانها إحساس القلم
هي خانت انسان بألم
هي خانته باحساسها
وثنت عليه أنفاسها
ابسألك
وانتي مثل ماانتي معي
انتي دواي وموجعي
ابسألك
أنتي عذووبه كاذبه
والا مواني غاضبه ؟
ابسألك وابسألك وابسألك
وبعد السؤال !!
ماأبي منك جواب
انا منك
ومن جنونك
أستلذيت العذاب
......
روحي عني ماأبيك
اتركيني وابعدي
صار عندي كله واحد
آنا وافي
وغيري جاحد
غيبي عني لايهمك
اتركيني وابعدي
بكره أنسا
بكره أقسا
بكره أبداء من جديد
بكره أعلن مولدي
اتركيني وابعدي
اشغلي نفسك بنفسك
اشغلي الدنيا برقصك
حلي فيها واستبيحي
زلزلي الأرض بدلالك
اتعبي لاتستريحي
أقنعي نفسك بنفسك
وصدقيها
صدقي انك عظيمه
صدقي انك فريده
ذات قيمه
ولو سألتي عن شعوري
صدقيني ماأبالغ
كله عندي صار واحد
ماانتي جيتي في زمن آخر زمن
كل شي بهالحياه
صار لازم له ثمن
حتى كلمةحب صادق
مستحيل تصدقيها
عندك انتي لازم تكون
بثمن
ولو لمحتي في عيوني
نظره أو دمعه حزينه
لاتهمك
اتركيني وابعدي
بكره أنسا
بكره أقسا
بكره أبداء من جديد
بكره أعلن مولدي
.....
ياعظيمه
يافريده
يالاهيه بكل الفنوون
ياطايشه حد الجنوون
انا مالي غير قلبي
آآه لو يقدر يخوون
آنا حبي من ذهب
وماعشقت إلا لسبب
ولو تقولي أو أقوول
هذا طبعي
ماارضى أنصاف الحلوول
يانكون
أو ياعظيمه
مانكون
اسمعيها الاخره
بعد اذنك ياشاطره
أستأذنك قبل الرحيل
احكي عن جروحي قليل
ماعاد فيني حيل
بوصف لك الجسم النحيل
اللي تعب وهو يسهرك
ليله ورى ليله
متعب خياله بناظرك
قولي معي
وش في يدي وانتي قدر ؟
قولي معي
في ليلتي ليه الغدر ؟
مااظن بلقى لك
عذر
إلى هنا :
أستأذنك وانتي هنا
وداعا
وادري ان قلبي هنا
تشرفت بمعرفتك[/align]
رد مع اقتباس
المشاركة الأصلية كتبت بواسطة ايمان قويدر
المفضلات