[poem=font="Simplified Arabic,4,white,normal,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
يا زمان الصمت صمتك جدد احزان الكرام=جدد الحزن القديم وزود الحزن الجديد
يا زمان الصمت يكفي ما بها برد وسلام=كلها نار ٍ تلظى منّها ذاب الحديد
يا زمان الصمت بنت ٍ صار له ستين عام=كل ما تمضي سنينه عشقها فينا يزيد
قصته فالمهد تُحكى وفاللحد عيّت تنام=عايشه فينا وتجري ما جرى دمّ بوريد
قصته نحيا من اجله قصته لاجله نُضام=فيها أول فيها ثالث فيها تأكيد الأكيد
هي سبب نزف الجروح ودمنا ماهو حرام=لاجلها دمي ودمك لاجلها دم الشهيد
من سببها الشمس غابت وابتدى جُنح الظلام=من سببها الكونِ ذابل طعم حلوه ما يفيد
من سببها وان رجعنا للبدايه بانتظام=يا زماني كيفِ حالك ضايع ٍ مالك بريد
من سببها ضعت يامن كُل ِ عيب ٍ به تُلام=ضعت ضيعه ما أظنك بعدها ترجع شديد
اسألك بالله قلي داخلك فيه انهزام=من سببها الذل جالك صار توه بك وليد
آه لو يدري بحالك من على قبره وسام=كان ِ هز الكون كله هزة ٍ تحيي البليد
يا صلاح الدين انظر كيف ما عاد الوئام=يا صلاح الدين انظر قُدسُنا بعدك بعيد
يا صلاح الدين آسف انتهى معك الكلام=أنتَ ميّت فالحقيقه وحي باللفظ السديد
خلني أُكمل كلامي مع زماني باحترام=يمكن الحي المُشقى في مساره قد يعيد
يا زماني قلنا ماشي بنتنا فيها انقسام=ماصفى شمله بقابه لفّت الأخ العضيد
لكن اللي حار فيني حيّر صغار وعظام=هو سكوتك يا زماني عن بنايات الرشيد
آسف آسف والله آسف كان يغشاني هيام=دوبي اذكر دوبي اذكر راعي الوجه الفريد
الحقيقه ما تزعّل وضعنا فيه انفصام=ما بقى للأسم ِ هيبه ضاع ِ ما كُنا نريد
لكن ارجو في قصيدي ينجلي كل احتدام=يصف شان العُرب ِكله ينتهي وضع العبيد
أمة َ القُرآن هيا أنهضي يكف انعدام=ابتغي مجد الأوائل رجعي باق الرصيد
[/poem]
رد مع اقتباس
المفضلات