[poem=font="Simplified Arabic,5,crimson,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
اسكب شعوري قبل يغشاه نقصان =وأرتب أفكاري بحسب إختياري
واحط لي في صفحة الطيب عنوان = مع الخوي وأصون بالود جاري
وأعزف نغم شعري على كل الألحان = حتى يصير اللحن كالنهر جاري
طيف المشاعر فيه مجموعة الوان = طيف الوله طيف الشجن والطواري
الطيف الأول يخلط العقل بجنان = حتى أشوف الكون كله مداري
والطيف الأخر لي معه موجة أشجان = تعطيك فكره عن شموخ انكساري
وطيف الطواري فيه للقلب سلوان =مع الصقور ومع طيور الحباري
لكن لي عوده وقلبي له اشوان = مع السهر والليل لا صار ساري
والجادل اللي علمتني للأحزان = اللي تهاجمني هجوم إنتحاري
تملك جمال الكون كله بالأوطان = وموج العيون يولد إعصار ناري
وخدودها تحوي من الورد بستان = ونهودها في حجم بيض القماري
والجسم يتثنى كما مطرق البان= والشعر يحييك بليالي غداري
خلت فؤادي لأعنف الهم نيشان = واصبح على السجات والويل ضاري
وقلبي غدى للهم والوجد ميدان =يرجي هواها لو يطول إنتظاري
كانت مدينة عشق قلبي والاعيان=وكانت بليلي نور كل المساري
وكانت هي أبيات القصيده والآوزان =وشعري بها هو السبب بانتشاري
واليوم أشوف الود ذاوي وذبلان= ما عاد له مع هبة الريح طاري
ويبقى لها على المعاليق سلطان = سلطة شديد الموج حول الصواري
وقلبي من الفرقى شفوق ٍ وولهان = غدى بلاقع مثل غبر الصحاري
أرجوك ردي ودنا مثل ما كان = وردي مع الجيات كل إعتباري
وأنا نويت أقابل البر باحسان =وأجيك أقدم عن خطاي إعتذاري [/poem]
أخوكم
اسير الطيب
سعيد الغامدي
رد مع اقتباس
المفضلات