استضافة ظبيانية000

[ظبيانيه]

ماادري

لالالالا بنت ليوا جان كملتي عشرين سؤال :D ليش مقتصده في الاسئله:D


بجاوب بس صعبه اني اغش الحين تعرفين انتي لو ويايه بغش منج بس الحين مضطره اني اجاوب بروحي

1. انصحها بعدم الزواج :D لااااااااا سوالف تراها

صراحه النصيحه انها تختار الزوج الطيب الاصل المتدين لانه اللي يخاف الله بيخاف على بنت العرب

2. ماعليه ويا هالاسئله :D ماادري بالتحديد بس طول ماانا في البيت مشغله الانترنت:D يعني يوووووووووووووه ما تعديش

3. لا والله؟ واحرمج من متعة العذاب اللي تتعذبينه عشان تدورين هديه زينه :D لالالالا انسي دوري بروحج:D


4. اونه ما تدرين ؟ احب القرأه خصوصا القصص (خصوصا قصص الاطفال والرعب) و احب بعد مشاهدة الافلام مثل حظرتكم :D (على فكره وين الفلم اللي عطيتج اياه؟ ليش مارديتيه الى الحين :D ماعليه ردي وياه ثمن الايجار:D (انتي اللي ذكرتيني مالي خص)

5. اني قررت ادرس فرنسي كانت مأساه :D وفي اشياء ثانيه الانسان ما يفكر فيها تفكير صح ويندم عليها بس بعد فوات الاوان

6. فاهمه في قمة النشاط والسعاده هاي :D :D لاني مب نشيطه ابدا :D شوفي يا بنتي يا بنت ليوا انا مااحب النشاط والسعاده في الكسل :D

لااااااااااااا بس خلصوا الاسئله؟ ليشششششششش جان طولتي

ايدي عورتني من الطباعه

[بنت ليوا]

بالنسبه للسؤال الثالث الي ما جاوبتيه... فالحمد لله انج ما جاوبتي والا الله اعلم شو كنتي بتوهجيني فيه اجيبلج اياه :D :D :D :D

فيه سؤال واحد بعد توه طرى على بالي ممكن؟؟ طبعا ممكن :D :D
1. شو ممكن اتسوين اذا وحده صديقه عزيزه خذت شي من عندج وما رجعته لضروف قهريه هل تقومين بتانيبها ومعاقبتها او تنسين الموضوع وتقولين واصل وخلاص مر عليه الحول؟؟ :D :D :D :D

[ظبيانيه]

هلااااااااااا بنت ليوا وين هالغيبه :D


لاااااااا شو هذا افا عليج كملي معلقات في الاسئله نحن ورانا شي لا سمح الله :D ماشي دوامات ماشي رقاد بس حق اسئلتج :D


اما عن سؤالج :D :D :D عيبني السؤال لانه اذا وحده من صديقاتي مااعرف منو خذت غرض مااعرف شو افا عليج شو هذا نحن اخوات مابينا شي


الشيك لازم يوصلني باجر والا المحاكم :D :D :D

[بنت ليوا]

محاكم مره وحده؟؟؟
طيب سؤال اخيييييييييييير
هل عندج اي اثبات ان هذي الصديقه خذت اي شي؟؟؟
يا حبيبتي خلي المحاكم عنج انتي مش قدي اقصد مش قدها :D :D :D
ووفريلي وقتج الغالي :D :D :D

[فيصل اللويش]

الا خت ظبيانيه

ماذا تريدين من المضايف وماذا تريد منك المضايف؟

مارأيك بالشعر النسأئي؟

هل تعتقدين ان المرأه ممكن ان تقارع الرجال في جميع الميادين؟


فيصل اللويش

[ظبيانيه]

مرحبا اخويه فيصل

بالنسبه حق اول سؤال اللي اباه من المضايف التواصل بالمواضيع الحلوه المتجدده والتعرف على طريقة تفكير الناس من حوالينا بمعنى انه انا عن نفسي ماكنت اعرف شي عن السعوديه والحين اعتقد اني قدرت اعرف اشياء كثيره من خلال المواضيع والتعليقات وهذا شي حلو ونفس الشي بالنسبه حق باجي الاعضاء اعتقد انهم عرفوا اشياء عن الامارات من المواضيع اللي كتبتها سابقاً . اما شو يريد المضيف مني؟ اعتقد المنتديات بشكل عام تحتاج اعضاء محتمين يحبون يكتبون المواضيع المختلفه والمتجدده والاهم تقبل الرأي الاخر والاسلوب في النقاشات (اكيد في اشياء كثيره غابت عن بالي )


اما شو رايي بالشعر النسائي فالحقيقه انا قريت لشاعرات اماراتيات قدامى وعجبني شعرهم وايد الصراحه بس ما قدرت اقرأ لشاعرات ثانيات (تقصير مني اكيد) بس لانه يوم اقرا الشعر اركز على الاسماء اللي احب اقرالها الشعر اول بس انشالله بقرا خصوصا في مضيف الشعر (شفت النفاق على كيفك؟ :D ) لا سوالف تراها


بالنسبه انه المرأه تزاحم الرجل في كافة الميادين انا عندي وجهة نظر
اكر ما علي الحريم اللي يحطن راسهن براس الرياييل ويقولن نحن بعد مثلهم ونقدر نتفوق عليهم (ليش متعبات عمارهن اذا الله بلى الريال انه لازم يفكر ويشتغل وغيره الا نحن ما يدخل فيها؟) عندي ماعليه الحرمه لازم تتعلم وتشتغل وتعيش حياه زينه هذا حقها بس كل شي بحدود

بس يزاحمن الرياييل :confused: والله ماعندهن شغله خلو الرياييل يكدون ويتعبون برووووووووحهم ليش نحن نتعب :D :D


مشكور اخويه واتمنى اكون جاوبت صح على اسئلتك

يا مرحبا الساع

[موج البحر]

الاخت ظبيانيه

اولاً اشكرررررر ابو فارس على الاختيار والتنويع في الاختيار مره رجالي ومره نسائي

اختيار جداً موفق للكاتبه رائعه وجميله بسعة صدرهاااااا....

الله يعينك علي ؟؟؟؟

نبداااااااااااا :::


1- البطاقه الشخصيه مو لزم اسمك ؟؟ متزوجه عندك اولاد كم واحد ؟؟

2- هل تجيد مضايقات في الانترنت من رسايل خاصه او على الماسنجر وانتي عارفه ؟؟

3- هل الانترنت تاخذاكل وقتك وبذات البيت ؟؟
\n4- هل زوجك او اهلك يضعون لك خطوط حمرا على الانترنت ؟؟


5- من الكاتب الذي اعجبك بالمنتدى وتحبين تقرين مواضيعه ؟؟


تحيااااااااااااااااااااااااااااااااااااا اااااااااااااااتي

[ظبيانيه]

مرحبا اخوي موج البحر

يالله نبدا نجاوب :D

1. انا مرتاحه نفسيا (يعني عزابيه) :D

2. في الانترنت نادر ما تلاقي حد ماشاف مضايقات وانا مثل غيري بس يخفف المضايقات اني ما اظم اي حد للماسنجر مني والطريج الا صديقاتي واصحاب المنتديات اذا فيه حاجه للمناقشه فيها فهذا اكيد يخفف من المضايقات واذا صارت سيده بلوك على طول :D

3. صراحه اول كان الانترنت ياخذ كل وقتي لاني نادر ما اطلع من البيت بس الحين مااحاول اني اطول عى الانترنت لاني شوي انشغلت باشياء ثانيه مثل التحضير للدراسه وغيرها

4. اول ما اشتركت في الانترنت الاهل كان عندهم شرط اني ماادخل على مواقع الشات اللي انا اصلا ما ادخلها ولا احبها اما غير جذه لا بس اكيد يضايجون يوم ما ايلس عندهم واكون على النت بس باجي الاشياء انا احط خطوط حمراء حق نفسي اكثر من اهلي

5. والله اخوي جد احاول اقرا لكل حد لانه مشالله مستواهم (وهذي مب مجامله) وايد عالي في الكتابه بالعربي الفصحه او طريقة الكتابه (وانا كتابتي الفصحه لك عليها شوي):D


وتسلللللللللم اخويه

[فلاح السعد]

السلام عليكم

اختي ظبيانيه انت الاخت التي اعتز بها انا ومن حولي من الاوفياء اصحاب القلوب النقيه الطاهره اسعدني وجودك في هذا المضيف كما اغتنم الفرصه واشكر اخي ذلك المبدع المتمير في الاداء والتنفيذ الذي يتحمل مشاق ذلك المضيف بمفرده الا وهو اخي وعزيزي والذي اذا سمح لي القبه بالقلب النابض للمضايف واليك الاسءله:

1. انت من اقدم من دخل تلك الشبكه ولكن لانرى لك دعوات لشاعرات من دولة الحب والعطاء الامارات الحبيبه!!!
2.هلهناك اتصالات بينك وبين الاخوات في المضيف من اجل تطوير المضيف واظهاره بصوره مميزه عن المنتديات الاخرى؟؟؟
3.ماهو انطباعك عندما يغدر بك شخص قريب من قلبك؟؟؟
4.هل من الممكن ان ترسلي لنا بعضا من خشكو ولكن حفاظا على الصحه العامه واذا كانت الاجابه ممكنه لاتنسي ان تحافظي عليه وذلك باستخدام الجفير والمطا.

ولك تحياتي

اخوك فلاح

[ظبيانيه]

هلا اخوي فلاح

صباح الخشكو والمهياوه :D :D :D


عااااااااااد اقولك الاجوبه

1. انا حاولت من مده اني اطرش رسايل عن المنتدى في الايميل حق شاعرات اماراتيات يكتبن في مجلات اماراتيه يوم شفت ايميلهن بس ماشفت تجاوب يمكن لانه ما عندهن وقت حق النت او انه عشان التسجيل في المنتدى فهموا انه موقوف بس شخصيا ما اعرف شاعرات غير بنت ليوا :D :D (ولا يخصها بالشعر)


2. انا مقصره في هالشي اعرف والله بس لما تغيب وحده منن فتره طويله اطرشلها ايميل وحتى لما قل الاقبال عن اول طرشت للعضوات النشيطات في الهودج ايميلات بس يمكن ظروفهن ما تسمحلهن بكثرة المشاركه وسبحان الله الانسان دائما تطرأ عليه ظروف وانشالله نشوفهن قريب لانه احس انه الهودج بدأ يفتقد العضوات النشيطات خصوصا فوفو و مجموعة انسان ووميض وبنت ليوا والشمرية وبنت السلطان وسنجاريه والماسه اللي انشالله نشوفها قريب

3. عندي وجهة نظر في هالشي ماادري اذا كانت صح او غلط بس الانسان كل ما كبر كل ما توقع الغدر من اي شخص يمكن الانسان في بداية حياته يشوف الدنيا بعين بريئة واد بس بعدين يبدا الغدر يشوفه من اقرب الناس. وعن انا يوم اعرف انه هالانسان غدر فيه مااسوي شي اطنش ولا اعتبره في حياتي ابد (انا قلبتها فلم هندي اعرف :D )


4. :D :D الخشكو ياظالم مره وحده؟ تعرف انا بطرشلك مهياوه في جفير وعاد انته شوف شقايل يوم بيشمون المهياوه ياسلاااااااااام بيقبضون عليك بتهمة الارهاب على طول :D :D خشكو يا فلاح مره وحده؟ افا عليك حاظرين على الخشكو (ما تبا يقط بعد؟) انته متأكد انك مب شمري من راس الخيمه؟:D