((ولد الطنايا))

[نوف الفهد]

بسم الله الرحمن الرحيم

مساكم الله بالخير والنور جميع ..

فيه إنسان بحياتي مهما كتبت فيه مستحيل مستحيل مستحيل أطلع من جزاه

واللي يهمني في الدنيا هو رضى الله سبحانه وتعالى ورضاه هو وأمي علي ..

الوالد .. نور عيني .. تاج راسي .. سندي .. عزوتي .. عوني بعد الله

عسى الله لايحرمني من طيبته وحنانه .. احترت وش أكتب فيه .. ولآن اسمي مقترن باسمه

لابد ما أشرف هالاسم اللي هو أطلقه علي وأحافظ عليه .. هاض شعري وكانت هذه المتواضعة ..

أتمنى من كل قلبي إنها تعجبه .. وتعجبكم ........

.
.
.
.
.

[poem=font="Simplified Arabic,4,white,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
ياناس مدري شقول .. شلون أعبر له !! = وشلون أبكتب كلامٍ يوصف إحساسي
تفداه روحي ((فدى)) .. وأموت أنا لجله = يكفيني إني بإسمه ((أرفع الراسي))
ياحي زولٍ تبادى .. وحي هالطلة = وياحي من لاذكرته .. ((عطّر أنفاسي))
"حبيب قلبٍ" مسامح .. يدمح الزلة = عزيز نفسٍ وشامخ ((كالجبل)) راسي
لا عاش .. لا كان .. منهو فكر يذله = صحيح طيّب .. ((ولكن)) .. كايد الباسي
((ولد الطنايا)) يشّرف اسمه وأصله = ما أشوف غيره ((بعيني)) بين الأجناسي
((أبوي واحد .. ومابه واحدٍ مثله = ياعل عمره طويل .. ومايرى باسي))
هذا قصيدي كتبته .. بس ياعله = يعجب طويل العمر .. ويوّصل إحساسي[/poem]

سلامة الوالد وسلامتكم

أبنتكم وأختكم
نــ بنت الفهد ــوف

[احـمد الـطـرقي]

أبوي واحـد .. ومابـه واحـدٍ مثلـه
.................ياعل عمره طويل .. ومايرى باسـي


والله بيت يختصر قصائد يانوووف

هذا الشعر هو الروح الحقيقة وهو الوفاء بعينه دمتي وفيّه يا رائعه
وحفظ الله الوالد بحلّه وترحاله
الف صح لسانك على مشاعرك النبيله

ولاهنتي والله


تحياتي يا رائعه

احمد

[سامي الشمري]

نوف ..!


صح لسـانك على القصيدة الجميلة


و الله يخلي لك والدك و يحفظه من كل شر




بس ثاني مرة كبري الخط ترى النظر مااااش

[ظلام الشمس]

صح لسانك يا نوف ..

فعلا ،، مشاعر صادقة وإحساس أنثوي متفجر ..

ورائع منك هذا الوفاء لأهله .

لا عدمتك ..

أخوك/عاصم.

[عساف التومي]

الله يخليه لك ويطيل بعمره


صح لسانك نوف

[نوف الفهد]

الشاعر المبدع أحمد الطرقي

شرفتني بالرد الأول طال عمرك

وكلماتك تاج شرف على راسي

والوالد لو أبمدحه ليوم الدين ماوفيته

لكن واجب علي بعض الوفا

أحمد الطرقي ردودك شهادات أتشرف بها

صح بدنك طال عمرك

ولاهنت

أختك
نــ بنت الفهد ــوف

[شقـــاوي]

نوووف


صح لسـانك على هذه القصيدة الجميلة ،، والمعـبّرة ،،


حفظ الله لك والديك من كل شر ،، وأبقاهما لك ذخر ،،


تقبلي إعجابي بهذا النص الذي ينبض بمشاعر الوفاء والإخلاص ،،


لك تحيــــــــــــاتي .

[شموخ]

الله يخليه لك ولايحرمك منه .....


صح لسانك ودام ابداعك اختي نوف .


تحياتي

[عذب الوصل]

نص رائع متشبع بالوفاء



الله يخليه لك يارب ولايحرمكم من بعض


وصح لسانك الى ما لانهايه

[أم نــــــــــواف]

سلمتي على بوحك اختي نوف


ومهما قلنا في والدينا نبقى مقصرين


حفظ الله لنا ولك والدينا وأعاننا على برّهم إن شاء


مشكوره ياقلبي