مسـج شعر ،، من ارسله ولماذا ....... نتمى المشاركة

**سيف الدولة** · 19-07-2007 22:58

آخر مسج جاءني من الرياض من غالي

يوم ألأثنين24/6/ 1428

يقول

عينن بلا شوفك تسمى سقيمه***وسمعن بلاصوتك مسامعه نقصان

والصبر في بعدك ضياع وهزيمه***لو(بكسب) العالم (وبفقدك )خسان

هكذا كتبه

**مـنــــــاااال** · 20-07-2007 00:30

بالصراحة أنا من زمان ماتجيني مسجات حلوة

مدري عاد السبب من مين

جوالي دايم سايلنت

<<<<<< أدري فيني .. قطوعة

المهم ودي أرسل مسج مني لكم

تقبلوه بكل ود وشوق

لا تسألوني وش جرى في حياتي
خلو همومي بالحشا مستقره
الصمت ثوبي والمواجع عباتي
والحزن كله بوسط قلبي مقره
لو أعيد بواقعي ذكرياتي
أحيا وأموت بالثانيه الف مره

**الجازي** · 20-07-2007 12:44

[align=center]رسالة وصلتني من إحدى العزيزات تقول :

[poem=font="Simplified Arabic,6,white,normal,normal" bkcolor="black" bkimage="" border="none,4,gray" type=2 line=0 align=center use=ex num="0,black"]
أمانة يوم توصل هالرسالة تبتسم لاجلي = ترى منهو فقد مثلك تعب من كثر هوجاسه
وش الدنيا بدون أصحاب مثلك فكر وقل لي = تراها في نظر منهو يعزك حيل منداسه[/poem]

تصدقون ماانتبهت لطلبها إلا يوم كتبتها عندكم

تبيني أبتسم ياعلها بعد الابتسامات كلها

وهذي ابتسامة لعيونها
7
7
7
7
7

<<<< ياعلي ماابتسيك قل آمين [/align]

**نافع بن طواله** · 20-07-2007 14:43

وصلني هذا المسج من / عبدالله شلاش آل حبيش العجمي

هو صديق عزيز وغالي من الناس اللي ربحتهم من خلال دراستي في الكلية ويعلم الله أني أتشرف بالأصدقاء على شاكلته

[poem=font="Simplified Arabic,6,white,normal,normal" bkcolor="transparent" bkimage="" border="inset,4,white" type=2 line=0 align=center use=ex num="0,black"]
الذيب لامنه رقى بالمراقيب = يطري عليه أهل القلوب النظافي

يطري عليه اللي يعرف المواجيب = شرواك ياللي طول الأيام وافي

لابد ماتصفي عدود المشاريب = ونشرب أنا وياك من عد صافي[/poem]

وشرفني أن أرد على هذا المسج

[poem=font="Simplified Arabic,6,white,normal,normal" bkcolor="transparent" bkimage="" border="outset,4,white" type=2 line=0 align=center use=ex num="0,black"]

الطيب شرواكم ومثلك ترى ذيب = يستاهل اللي تنخضع له قوافي

وإن قصرت بعض القوافي بترحيب = مثلك يغفر القاصره وانت وافي

وإن خيروني بالرفاقه معاريب = يامعرب الجدين مثلك وكافي[/poem]

أبو طواله

**الغفل ضيغم** · 20-07-2007 21:35

[align=center]أخوي شااماان

فكرة موضوعك جميلة

أما مايتلعق بالرسائل أنا اخر رساله وصلتني هي :

من : Call ME فضلا إتصل بي علي ........

هاهاهاهاها

لكن الرساله اللي قبله

أصعب عذاب < الشوق > لاصار صامت "
مثل الطفل : يفهم ولا يعرف " البـــــوح "

الغفل ضيغم [/align]

**الضيغمي 11** · 15-08-2007 21:02

شخص(ن) اشوفه الف مره ومره

لكن مكانه داخل القلب عادي

وشخص(ن) يغيب شهور ولله دره

لا من طرا في داخل القلب سادي

للشاعر // عطا الله العقيل (( المضيوم ))

**شامان** · 22-08-2007 11:35

[align=right]سلام ...

أخــر مسج ....

نصيحه ....

من صديق ......

ممشاك مع رجل عزيز يثمنك
ينفعك لا جا في السنين إختباصي

في واجبك يمشي ولاهو بهاينك
يكمل مطاليبك لا جيت ناصي

يعجبك لا حطيت مثله على ايمنك
قرم يحل المعضلات العواصي[/align]

**حفيدة الأسلم** · 06-10-2007 03:22

تسلم اخوووي شامان على هالفكره الحلوووه

هذا مسج جاني بنص الليل من اعز واحب واغلى مخلوووق بالهوجوود

أدري غثا أرسلت لك تالي الليل ..!

ويمكن بعد نايم وسببت لك إزعاج..؟

<نوم العوافي>للعيون المظاليل .

إللي لناظرهم أنا حيل محتاج ..؟

قلبي ""ذبحه الشوووووق"" يا صاحبي حيــــــــــــــــــــل ...!

وأرسلت

<<وأرجو ما حصل اي ازعاج>>

حبي وودي لكم يا غالييني

تحياتيــ...

**شامان** · 30-12-2007 01:34

وصلني مسج وصراحه اثر فيني ، وكان من احد الاصدقاء اللي قصرت بحقهم بحكم العمل صراحه لا اكثر ولا اقل :

اشوفك بعيني مع غياب وطلوع النور
ذكرني خيالك يوم طيفك تناساني . . .

تذكرت يوم اني معك راضين مسرور
وسجيت مدري هاجسي وين وداني . . .

تخيلتك وفزيت طولي بدون شعور
اثاريه طيفك صارله وقت ما جاني . . .

بالتوفيق : يا فيصل اللويش