سؤال لابن غسلان ومن عنده معلومه....!

[عبدالله الجعيثن]

[poem=font="Simplified Arabic,5,white,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
مهبول قايل قمرنا غاب=واحلو قمراه واضحاته

اللي بمتنه يدف الباب=فك المحابيس عاداته

ليا غاب عقاب بقى حطاب=وينثر الريش بأدلاته[/poem]

^
^
^
منهو الشاعر؟ وفي من قيلت؟واذا له تكمله لو سمحتوا

[راعي الوقيد]

يالله حيووووووووهـ


عز الله خوش ابيات يابوجعيثن

احلولات ياللي يعرفهن

ننتظر ابو فهد والبناخي ابو فراج لعلهم

لك التحية

[المشرف العام]

منهو الشاعر؟

فهيد الريس الويباري

وفي من قيلت؟

بالشيخ / احمد عقيل الياور

واذا له تكمله لو سمحتوا

[poem=font="Tahoma,3,white,normal,normal" bkcolor="transparent" bkimage="" border="none,medium,gray" type=2 line=0 align=center use=sp num="0,black"]
ياهيه ياراكب الهدّاب = دن الكلايف وقم هاته
وليا خبث الانظى ماطاب=كل دارج(ن) بالوطا فاته
تلفي لشيخ العرب والباب=بيت الصخى راس منهاته
ابو طلال حصان اطـلاب=درعـن نضمـه لعازاتـه
يابعد من يصك البـاب=من دوننا صك ضبّاته
مهبول قايل(ن) قمرنا غـاب=وازين قمراه واضحاته
طلع ذياب خلف حطـاب=وينثر الريش بادلاته
نادر حرار وفعل عقاب=تعدى الموصف هقواته
مطلق ربيط عليه ارقـاب=مسجون وابطت مداعاتـه [/poem]


ولست متأكد من المصدر .. وإلاّ لسنّدت ردّي عليه

والله أعلم

[راعي الوقيد]

ولست متأكد من المصدر .. وإلاّ لسنّدت ردّي عليه

الهم حنا نسنّد عليك

تسلم والله يالعووووووووود

وصح لسان الشاعر

والممدوح يستاهل

استلم يابو جعيثن هه

سلام ...

[ريال الفسحه]

عز الله خوش ابيات ...


لاهنت يابو جعيثن على نخشتهن للشعب المضايفي

[سعران ابا القور]

اخوي عبد الله الجعيثن
الأبيات المذكورة سمعتها بالكامل والرد عليها وتقاصيلها من الشاعر والراوي بدر الرويان في أحد المجالس قبل ثلاث سنوات اذا تعرف احد يعرف رقمه تقدر تجيبها

[فواز الغسلان]

الله لايهينك يالخال على هالتوضيح الحلو كالعاده0000

انا ماكان عندي خبر اكيد عن هالابيات 0000

هذي فايده خذيناها الليله بلاش 0000

((( الراوي ))) ابن غسلان

[الغوج]

أخ عبدالله الجعيثن هذي القصيدة لفهيد الريس من الويبار من عبده قصدها على أحمد عجيل الياور

مهبول قايل قمرنا غـاب
واحلو قمـراه واضحاتـه

وهذا البيت كان يرد فيه على الشاعر عبيد بن شريعيب الذي كان يرثي فيه عجيل الياور

لاوالله الا قمرنا غاب = غيبة ماهي مثل غيباته


أنشاالله أوضحتلك القصيده