[gdwl]عزاه من قلبا سعى فيه ديدان=عيا يطيق الصبر من حر مابه[/gdwl]
والعين عد بموقها شب نيران=وجفونها من كثر الأغضاي شابه
الله يبدل ساعة الحسر بالحسان=والنفس من كثر اللواهيب ذابه
الناس نوما وأسهر الليل حيران=والقلب كن سم الحيايا لجابه
مرحوم يا قصر السناعيس برزان=غدا محطة للسوافي ترابه
ماهو غلا به مار للنفس ميزان=راحوا هله اغلى منه وهو خرابه
مضيف اخو نورة تولوه قصمان=يحتــس لامن القصيمي وطابه
ياويلكم لو يظهر اليوم سرحان=وينزاح عن ذيك النصايب ترابه
والله إن نلقى بكم تقل خيفان=لا جاه من وبل السماء له سحابه
يا عين لاتبكين من هد برزان=ابكي حـرارٍ بالملاقى ذيابه
تر ضدهم ما يرقد الليل حيران=مثل السباع إليا تعاوت بغابه
دنياك ما دامت لكسرى وعدنان=صيور ما تضفي عليكم ترابه
ما ينفع إلا الطيب يبقى ببرهان=هذيك شمسٍ اشرقت ثم غابة
يا علكم ياللي سعيتو ببرزان=من هد سوره ياخذ الله شبابه
البوم صقر بيومنا صار ياخوان=والحر ما يسمع له اليوم جابه
من اولٍ ماكره في روس ضلعان=واليوم بالسيسان هو والكلابه
وابا الزمير اليوم يسوى عبيان=اللي ليا حمل مسبه مشابه
صاروا عوض لباسة الجوخ سلقان=دلت تشير وصار ذربٍ جوابه
والا السعود يدعي لهم كل من كان=غيثٍ لنا لاكمل الغيث مابه
هم عزنا ندعي لهم سر وإعلان=ياليت هده بأمرهم والبقابه
مار البلا باللي تقل روس خرفان=كلٍ يبي له تجرةٍ في خرابه
مرحوم ياللي حرم السوق زهدان=حتى صلاة العيد ماسار مابه
هذاك ابن ريشان عساه بجنان=اطلب عسى له دعوةٍ مستجابه
هذاك من نسل السناعيس جزعان=والا حميتكم اثرها قماره
وش فادكم من هد سوره ودكان=ياحيف إليا هدت ركونه خساره
قصرٍ تناجوبه اهلكم وشيخان=ما ينجزي من عقب عمره دماره
عيبٍ عليكم بالتواريخ ياخوان=تلومكم كل العرب في دياره
هذا لكم مثل التواصيف ميدان=والرجل لاشافت مبانيه حارة
مانتم بحاجه مار سمرمد وتبعان=كبيركم كيف بهدة جداره
قصرٍ تناخوا به عديمين الأيمان=لا جاهم الماخوذ حلوا وساره
قصرٍ وطابه ابو متعب وعبدان=وعبيد وعبدالله ومحمد وكاره
وطلال وابو بندر وسعود بليهان=وكل الرشيد كالدواهي نماره
يالله عساه عند الولي رفع ميزان=لهم بدارٍ ما يوصف بداره
الله يجمعنا بهم عند رضوان=وإلا ترى الدنيا لزومٍ دماره
ابدي تحيه عد زرعٍ ببستان=عد الشجر هو والحجر في هضابه
على محمد نسل طه وعدنان=الهاشمي اللي حسينٍ جوابه
رد مع اقتباس
المفضلات