عبدالكريم الجباري

**بتول آل علي** · 17-02-2007 21:30

أخي الفاضل
نافع بن طواله

كانت لفتة جميلة من شاعرنا عبدالكريم الجباري
هنا كان الشعر ... نابع من شعور بالفعل

صح لساااانك و يستاهل الجباري بالتأكيد

الدهور

**عطـاوي** · 17-02-2007 22:46

نافع

والله مالقيت لك على ذا القصيدة غير

صح لسااااانك .... لعجز ما استطيع قوله

صح لساااانك مدد ماهو عدد

,

**ابو عبدالإله** · 17-02-2007 22:56

السلام عليكم
صح لسانك ويستاهل الجباري رايته بيضاء
نسأل الله ان تلقى قبولآ عند الشرارات
تحياتي بعد حيي

قصيدة : بدهان للشرارات
http://www.alsh3r.com/files/bloto/fa83.3gp

**شامان** · 18-02-2007 08:28

صـــــــــــح لســـــــــاااااانك

وبالتوفيق لشاعرنا : عبدالكريم الجباري وان شاء الله يتاهل في الحلقة القادمه

وانا اجــيزه بشده واجيزك يا بو طواله

ملاحظة : ولدك ( طواله ) للحين يقول انا ( ردّال ) ما يقول انا ( رجال ) ؟

وشكرا

**ابو عارف** · 18-02-2007 10:09

المشاركة الأصلية كتبت بواسطة نافع بن طواله

الكثير منا شاهد برنامج شاعر المليون

والكثير منا إمتلأت عيونه بالمشاهد

منا من رأى مشهد المديح في أبو خالد ( محمد بن زايد ) يستاهل

منا من رأى مشهد الشحذه ( لحوووووووووووول )

منا من رأى مشهد الشهامه

أجل الشهامه

من هو هذا الشهم الذي إستغل الإعلام لإعلان عن حالة إنسانيه هي دم الشراري اللي عند الشمري بدهان بن رمال

عسى نجد من الشرارات موقف يقابل الشهامه بشهامه

ـــــــــــــــــــ

عبدالكريم بن زيد الجباري أبن عدي بن حاتم الطائي

إعلم بأنه إنتابني شعور غريب عندما شاهدة تلك اللحظات علماً بأنني كنت في مجلس ماجد بن قطيفان بن رمال

هل أقول لك عن القشعريره التي إنتابتني أو عن الشمغ والغتر والعقل اللي طارت في السماء

عبدالكريم الجباري بيّض الله وجهك

وبإختصار تبيها بالرمح وبالسيف الشطير ولا برساله قصيره أبشر بعزك وهذي أردا فعايل الطنايا

[poem=font="Simplified Arabic,7,white,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
فاض القصيد وجاك نبضي قصايد = يالعنبو من ما يطوّع قصيده
للشمري ابن الجباري تقايد = نيران صدري يالطنايا وقيده
يوم المهايط بالتلفزون زايد = إفعول ربعي ما لقت من يزيده
اللي وقف ينخى الشرارات رايد = مراده الحسنى لهم بالفقيده
ولا شحذ مثل اللي يشحذ قلايد = صوّت بفعل المرجله هالوليده
ماهي غريبه بال(عدي) هالعوايد = من دم حاتم مستفيض ٍ وريده
أرفع له البيرق وأعيد العوايد = عاداتنا الردات غلبا عضيده
.= نافع بن طواله[/poem]

وسامحنا على القصور

=================================================.

[poem=font="Simplified Arabic,5,white,bold,normal" bkcolor="black" bkimage="" border="none,medium,gray" type=4 line=0 align=center use=ex num="0,black"]
قصيدة مجاراة لقصيدة الأخ نافع بن طواله

طيب الجباري له قديم شهايد *** من لابة لهم العلوم الحميده
هل اللحيسه يوم قل الموايد *** كبار الصياني والفعول الفريده
هل الحمياء بالظروف الشدايد *** وبالعفو عدوان عفى عن طريده
والعفو عند المقدرة بالوكايد *** ضمن السلوم ومن أصول العقيده
وآل الطواله من قديم وجدايد *** شيوخ القبيله والمعادي تصيده
أما الجباري بين كل البدايد *** سفير شمر بالكويت وعميده
يستاهل المليون من إبن زايد *** على كرم نفسه وجودة قصيده

وشكراً لك نافع أبن طواله على هذه اللفته الطيبه والقصيدة الجزله.[/poem]

**فوق هام السحب** · 18-02-2007 10:39

صح لسانك ,,يابن طواله ,,,

الجباري يستاهل المدح عزالله أنه بيض الوجه وما قصر
وأن شاء الله يتأهل ,,وعسى فاله المليون .

ونسأل الله أن يعتق رقبة بدهان الرمالي .

آمييييييييين....

وصح لسانك يابن طواله مره أخرى.