وقفــــات مع حظي وحظك أنت ...ريال دت كوم

[ريال الفسحه]

بسم الله الرحمن الرحيم....


يااخوان اني ارفع معاناتي هنا من خلال هذا المضيف اللذي لطالما فتح حنايا صدره
لخيالي الواسع لانشر ماتسطره اناملي الذهبيه ممزوجا بروعة ماتضيفونه انتم تقل مو ريال اللي يحتسي

إنـــي اعلم ان المطنوخ وهو يدخل الفله ويرى ثاني موضوع لي يقول لعنتن تلعن ابو بليس
هاللي تقل خبل كل يوم منزلن عندي موضوع وكل موضوع اردى من الاخر
وانا اقول ضف وجهك واضرب براسك طول الجدار<<كود عرضوه

نرجع لموضوعنا يالربع ويالربعات ويقول الحكيم ريال ان ماطاعك الزمن
والا اسحب على مندوبوه ولاتصدق هاللي يقولون طعوه

أيام من القراده لاتنسى مهما طال زمان ريال تذكرتها الان وذهبت لمضيف
الاسلامي قلت والله ان شافونن المشايخه ليهوزونن باقرب عصى واروح ادور
عند محمد بالعام ويلسبن بعقالوه قال برا
واروح للفيض الا ام قويدر وادزفتن بالباب تقول((ماراح تتدخول لو تطير يالخرده ))
قلت مالي الا الشعر ليامار ابو جعيثن مسنترن عند باب المضيف يقول يالفراطه
قصايدك مي موزونه مار ضف عفيشك وتوكل على الله دور رزقك برااااااااا ...

واطلع والقا قوطي ببسي معفوط واشوته برجلي((تسني طفشان )) ويصك القوطي
بجبهت المطنوخ ويجي بين عيونه الشر قال وش نوحك ياملا الفلس لهالوجه تحذف خلق الله
وبعد ماشرحت لوه المشكله وحظي واني ابي ناس تحتظنن قال افى ياريال انا لهذا ودور اللي
يحتضنك بالحضن ياضنايه ((معانقه حارتن تطبخ بين ريال والمطنوخ))

رفع راسوه ريال وقال للمطنوخ وقال متى علمك بالتروش يالمروح ..؟؟
قال المطنوخ اترك هالسوالف ومشينا للفله <<<وجهوه كمش من الفشله


وجيت هنا اببتسي على الحظ اللي مثل وجهـــــــــــــــي...


مواقف لاتنسى من القراده

الموقف الاول...


كنت صغير حتى مااذكر السالفه لكنه برواية ابو ريال يعني صدز 100% يقول حفظه الله
يوم كنت ياوليدي صغيرن كبر هالقوطي ويشر على قوطي ببسي وعمرك سنتان كنت
موذي وسملقين مابوه جحر الا تويدز بوه ولا باب الا تفتحوه ولا درجن الا ترقاوه <<هذا المربط
فيوم من الايام رقيت هكالدرج ويغط على درجن حق تلفزيون بالمقلط قال جتك هوايتك بعز القايله
الا وهي تسلق الدروج ورقيتوه وهو ينخدم عليك ((اي طاح الدرج على ريال )) وانت تغدي
تقل قماشه نلولح بك يمين ويسار وانت فاقدن للوعي وازقحك للمستشفى يمار هكالمصري بصلعتوه ويسدحونك على السرير ويتهول الدكتور من كبر راسك قال اولي يابيه ده راس ابنك والا
الدرج
وبعد الفحص قال مابوه بلا بس اصبر شوين ويحلف الوالد قال يمكن دقيقتين وينبرك ((تعرفون معناه يعني يشوتك بصبع واحد)) وينبرك على جبهتك وانت تقوم تلفت تقل عين ضب ...هذي ترا صدز


الثانيه...


يوم سجلت بارامكو والله يالربع من كثر مااروح للظهران التفتيش من ادزبل عليه يقول رح
حتى احيانا يقولون تقهو ياولد خلاص صرنا اخويا
فمن كثر روحاتي رحت مره عشان الفحص الطبي وفيه واحد اعرفوه قال تراهم يفصخون الواحد
عند الفحص حق الباطنيه وانا اللي ادلي انتفض من قبل لا افحص واروح وافحص الدم
قالوا يدك ويغزون اكالبره الي ابد انه حقت اوادم ويسحبون دمي كلوه اللي ماكبر منه
واروح لين وصلت الباطنيه يمار اللي قدامي من الخوالد ولكيع قال تراهم فصخوني وما باليد حيله
ياريال قلت والله اللي ماطرت افصخ طرف شليلي
وادخل يمار هكالمصريه اللي كبر ثلاجة المراعي مرتين وتقول اخلع ياابني قلت خلع الله راستس
عن جثتس قالت بتول ايه قلت مانا فاصخ لو تنقزين يمار السستر فلبيني رجال قال بس شيل ثوب
مافيه كلو ((خابرن وضع اللي قبلي )) يوم ارتحت وقلت الله يبشرك بالخير وانا اجدع ثوبي وهي الي تفحصن والله يالربع تقل فحص حمير تقول بك عمليه بالبطن اقول لا تجي بيده اللي تقل مرزبه
وتفغص بطني ياما تطق يده بالعمود الفقري ....

وبنفس الروحه وقبل الفحص ضيعت الطريق ودخلت الدمام ومن عند الكباري يما مشيت 20كيلو
عشان القى فوق حدر وانكس مره اخرى 20كيلو ومن الدلاخه يوم جيت ابو حدريه واهزع يمين عساس ارقاوه وانكس من فوق للظهران ((للي يدلون ابو حدريه )) وانا اهزع ياهزعت الشر ترانن
قضبت خط الجبيل ابو حدريه واقعد ابتسي لا ن الخط بين السيدين مشبوك ويمين ماتنزل لانوه
تقل جرف واقعد افكر قلت ياولد انزل وانزل وهو يغرس الي وينشب على جنب يمار ماتشوف الا
راس ريال ناشبن بالقزازه يبي يطيح ولولا الله ثم ان الموتر دبل تسان متوسدن ........


شكلي دليت اخثردز بالحيل فاللي عندوه مواقفن تبتسي فلياتي ليبتسي معي
ويزداد صوت بتسانا


وما هو هنا بالموضوع ليس الا تذكر ما جرى علينا من نكبات ومشاكل...ليس الا




تشاااااااااو

[عساف التومي]

1

حجز ولي عوده يادكتور ريال

[ريال الفسحه]

8
8

حياك الله وانتظر طلتك يا بروفيسور<<كلن يرقع للاخر

[عجايب بنت الشايب]

)))....... مثـــــبت لحين قراءتي لها البليه .....((( ولي عوده .. حافيه ..

[ريال الفسحه]

يبي يزوغ ذهني ههههههههههههههههههههههههههههههههههههه


لاهنتي يام بسه

خخخخخخخخخخخخخخخخخخخخخخ


اتحرا نكستس يالمشرفه

[الظبي الدماني]

بس فهمت إنك تطيح وايد يوم انك ياهل.. وإن الممرضه المصرية متينه.. وعورت بطنك.. بس!!!!!!

شنهو سملقين ويخثردز يعني؟؟؟

[المطنوخ]

راسي مصدع من يومين وبوه لوه عردزن مابين الزلف والحجاج الصوب اليسار منتفخ وينبض ومنتفخ تقل لي
وموتر ام الاخلاق عندي صايره ماهي تجاريه الا واطيبي تسان راعيت لك

شف يافخذ النمله ياعصعص البقره يالسان الغراب

انا من زمان من ايام السيد المحروم قدس سره ما استلمت احد استلامه طيبه وانا مخي متعومس

فا يا ركبة الحاشي ياللي افمك تقل ابط حصان يالقمله

انا راح اقولك موقفي اللي وقته كان عندي استعداد اني انفذ جريمة قتل في سبيل اني اخلص من الفشله اللي صابتن وقتها

السالفة هي

مرتن يوم امريكا عشيش وكان بوش بوقته جذع كنت ادرس بالثانوي الوكاد جانن مدرس ماهو بعيدن عني بالعمر بحكم تمسك ادارة المدرسة فيني وترجيهم لي اني ابقى معهم لدرجة انهم كانوا يسقطوني بس علشان اونسهم <--ماوده يقول كم سنه قعد بالثانوي
الوكاد من طول فترة السنين اللي قضيتها بالثانويه اللي لو كان علي حكم مؤبد بسجن تسان يمدي طلعت
جانن مدرس من خوياي وقال طنخان قلت هاه
قال تبي لك 300 دينار؟
يوم فغرت افمي وصار كبر السيدي اللي تتسفتوه بالكمبيوتر وطبعا تهولي بسبب اني بوقته سربوتي لامعاش ولا هذي ولاهذيتس ولاحصل افاردز الثانوي
الوكاد قلت لعن ابو اللي مايبي ال300 ايه ابيه
قال شف
فيه مؤسسة اسمها مادري وشو للثقافه والفنون والاداب ((طبعا هو قال لي اسمها لكني الحين ناسي اسمها))
مسوين مسابقة على مستوى الكويت لأفضل قصة وافضل مسرحيه وافضل مادري وشو الوكاد المسابقه ضخمه وفيها تلفزيون وتصوير يعني شي موسهل

قلت عسى منت بس راجي مني اني اشارك بقصه ولا بمسرحية
قال بلش يبلشك انا لو اهقى منك شين تسان هقيت انك تفارقنا من هالثانويه
قلت اجل وش المطلوب قال شف انا سويت بحث من الانترنت وضبطت لك قصه وارسلته للمؤسسه هذي بأسمك
والنتايج عقب اسبوعين
قلت اخاف يسوون معاي لقاء تلفزيوني ويبوني اسرح لهم القصه((ترو صدز قلت له هاللون والله انه بغى ينفذ فيني اشنع جريمة قتل بالتاريخ))
قال انثبر وانطر اسبوعين وانا ابلغك متى النتايج
الوكاد مر اسبوعين وهو يدق علي قال الحق ياولد وش بشارتي
قلت مبشر وابشر بالخير
قال انت الثاني على مستوى الكويت!!!!!!

قلت هاه؟((وهنيه والله اني صدز تروعت وحسيت اني راح اتوهق وحسيت بمسؤوليه تجاه وطني لا صدز حسيت اني تورطت بشيء كبير ))
بغيت اقوله ياخوي تكفى خذ الجايزه بس فكني
مير تذكرت الدراهم وانا ابلع لساني
الوكاد قلت وبعدين قال الجايزه 300 الدينار راحت علينا
مير الحين عندنا 200 دينار والنصيفه يالعشير
((بغيت اجحده مير قلت والله اني وسيع وجه))

قلت ابشر والله يالعشير
متى الوعد؟
قال عقب باتسر اكشخ وتحراني امرك ونروح((ملعون الجدف ماهي لله مير علشان يضمن الفلوس))
الوكاد وفعلا عقب باتسر كشخت وتزقرت ((تخبرون تصوير تلفزيون قلت بعد مايحتاج)) وهو يمرن وحنا نهفهف يمهم
وصلنا المتسان يمار عفسه
اشي دوريات شرطه واشي سيارات التلفزيون واشي سيارات شيوخ
الوكاد شي تسبير قاعد يصير
وحنا ندخل وانا اتروع تقل مبين المخمل وحنا نجي للجنه قالوا من انت قلت انا طنخان الفايز بالمركز الثاني وهم يزندونن بهكالبطاقه انا وخويي وحنا ندخل

يوم قعد خويي وانا اقعد من توالاوه قالي شف الحين القرآن وبعده كلمة الحفل وخرابيط الوكاد الين قالوا الفايزين
بعد مايقوم المركز الاول انت تقوم علشان تجهز نفسك
طبعا انا وقتها على يميني 3 بنات يعني كود اقومهن علشان اطلع وامشي على المدرج الين المسرح
سكتنا وكلن يفكر وين يصرف المية اللي بياخذها
مادرينا يوم قالوا والان مع الفائزين والفائز الاول فلان الفلاني وهي تبرق الدنيا بسم الله تصوير وفلاشات وتصفيق
((((((((((لاحظوا الخياس الحين))))))))))))))

وهي يندغن خويي وقال يالله قم اطلع على مابال ينادون اسمك
وانا اقوم وافزع البنات اللي على يميني وهن يقومن ويطلعن كلهن منشان اطلع يوم رجعن ووقفت انا والابتسامه ماغطه وجهي اتحرى قولة اسمي
وهو يقول مقدم الحفل
والان مع الفائز بالمركز .. الاول مكرر!!!!!!!!!!!!!!!!!! فلانه الفلاني!!!!!!!!!!!!!!!!!!!!!!!

بغيت اصيييييييييييييييييييح
والله بغيت ابتسي من طيحة الوجه والناس تراعيلي وش يبي هذا واقف!!!!!!!!!!!!!!!
وانا اتلفت يمار كل اللي حولي من رجال وحريم يراعون لي وانا تزوم تسبدي وحسيت بصخنه
وانا التفت على خويي يمار مايراعيلي مار تقل مايعرفن ملعون الجدف يوم شاف موقفي الزفت جحدن وسوى روحوه مايعرفن
الحين ابي شي يخفف من قوة الصدمه والبلا ان الناس تقل مستغربين من قومتي واللي فهم اني طاح وجهي واللي يبي يعرف وش سر تقويمي للحريم ووقفتي بهالشكل هذا
وانا ادعس يدي ادور سبحه ولا تلفون وعجست لا القاهن مادري هن ماهن معي ولا من الفشله مالقيتهن

والله اني احس انه تقل صار لي يوم كامل واقف
يوم سمعت اسمي تقل بغيت انصفر من الفرحه
يمار جسمي كله يشرشح من العرق ووجهي تقل شايفن جني وضاربوه ابوصفار

وانا استلم جايزتي والمفروض اني ابقى منشان التصوير قلت لابوهم لابو تصويرهم وبوجهي للسياره يمار خويي دزدامي دزاند من الضحتس الخسيس

وقال وقسم بالله على هالموقف اللي صار بك مايجيني ولا دينار
قلت انت خسيس يالنذل اجل تصد عني هناك تسنك ماتعرفن مير بلا منتك ونروح من باتسر وانا اصرف الشيك وازنده ميته وافاردز عنه

والله اني هالحين اتذكر الموقف واحس بتوتر منه ويمكن ماتحسون فيه انتم لان اللي يعيشه ماهو مثل المستمع


الوكاد هذا اللي عندي

[ابو عارف]

إقترح على الإدارة أن تلغي هذا الموقع ( الفلة ) أو أن تلغي عضوية الثلاثي ريال والمطنوخ وكلي بكم إعجاب هالي صايرينن مثل مدرسة المشاغبين.

كسروا لغتنا الحبيبة وأدخلوا عليها كلمات غير معروفه هم من أي المدارس جايين وين حصلتوهم الناس تقراء مواضيعهم تدور على جملة مفهومه وينتهي بهم المطاف على


طحياتي.

[الحنشل]

بسم الله و به نستعين

سرنا و أبهج خاطرنا ما تعرضتم له من مواقف

و كنت اتمنى لو أطلتم الكلام حول هذا الموضوع

و لكن نرجو أن يكون في ما أوردتم غنية

و قد تبين لنا بالدليل القاطع أنك محفحف

و حفحفتك من الطراز النادر الذي يقل و جوده

في هذه الأنحاء من الوطن العربي الكبير

و يسرني أن أبشرك أنك تغلبت على كثير

من المحفحفين الذين خلدهم التاريخ

و كما قال الشاعر العربي الكبير

[poem=font="Simplified Arabic,5,black,bold,normal" bkcolor="white" bkimage="" border="inset,thin,red" type=4 line=0 align=center use=ex num="0,black"]
و دع هريرة إن المحفحفين كثيرُ = و جنب القار لا ترقى على الكبري
شلعت تسبدي عليك اللعنه = و لا تعوده طالبك يا بعد عمري[/poem]

و لا يفوتني في هذه المناسبه

أن أتقدم لمشرفتنا أم البساسه

بأحر التعازي و صادق المواسات

على تخرجها من الجامعة مدري الكليه

و نسأل الله أن يرزقها بالذرية الصالحة

التي تملا عليها البيت حفحفه و قراده

[ريال الفسحه]

بس فهمت إنك تطيح وايد يوم انك ياهل.. وإن الممرضه المصرية متينه.. وعورت بطنك.. بس!!!!!!

الله لايضرتس ذهينه

شنهو سملقين ويخثردز يعني؟؟؟

يخثردز اي زيادة الكلام وقت الظهيره
سملقين لامحل لها من المعنى


حياك الله