السلام عليكم ورحمة الله وبركاته :
بريك الاسعدي راعي بقعاء بيطار الشعر مذكور بالشيخه وجمع الكرم والشعر وكان بعض الشعراء يتحاكمون عنده عند الاختلاف بالشعر 00
مر عليه منيع بن مصيبيح من الطواله ومعه (جماعه) يريدون الغزو لجهة الشمال ديار الشرارات
والحويطات وطلبو من بريك زهاب الحرب وهو السلاح المستعمل في ذلك الوقت على ان يكون له
من كل خمس بعارين يكسبونه بعير واحد قال بريك لمنيع انا مااعرفك لذلك من يكفلك قال منيع
يكفلن عدوان بن طواله قال بريك رضيت 00 هذا وعدوان مايدري بكل اللي جرى 00
وعندما عاد منيع من الغزوه كاسبا لم يأتي بريك ويعطيه حقه وقد قيل لي ان منيع كان مصابا
صواب بليغ تأخر شفاه كثيرا وعندما شفي كان الكسب كله قد راح وانتظر منيع لعله يغزو غزوه
اخرى ويسدد بريك لكن المده طالت000 والرجال كانوا حريصين على حقهم اذا حسوا ان فيه
ضحك او تلاعب اما اذا جيت الرجل بوجهه لو تطلب ماتريد تاخذه بسهوله 000
عند ذلك ارسل بريك قصيده للكفيل عدوان بن طواله ينخاه على حقه وفايدة القصيده انها
تثبت ان نسب الطواله يعود للاشراف وفيها معاني جميله 00 يقول بريك :
[poem=font="Simplified Arabic,4,black,bold,normal" bkcolor="transparent" bkimage="backgrounds/2.gif" border="none,medium,gray" type=4 line=0 align=center use=ex num="0,black"]
عينت ربعن للمصيبيح غربوا = يتلون ياعذب البنان منيع
قل دينت دين وراعي الدين ماوفى = نهج بمالي يشتري ويبيع
دينتهم قيضن قفى القيض شتوه = وقيضن قفاه قيضن قفاه ربيع
مار كفلي حمى الونيات في حومة الوغى = مقدم ركابن من هواه تطيع
واصبر لياما ينقض الجزو مالهم = ويجمعهم الجو القراح بريع
وصح لي براس الدهمشيات صيحه = ياتيك منهم شايب ورضيع
طواليتن ينخى بريك رجاله = هل (البيت الاقصى والمقام رفيع)
يصيح بعالي الصوت لك يابن مطلب = رجل وتاخذ منك الرجال صنيع
وان كان هذا مقدم الطيب عندكم = فأنا للحقوق المقدمات مطيع [/poem]
وعندما سمع عدوان القصيده سأل منيع فأخبره بالخبر فغضب عدوان وأخذ كل حلال المصيبيح
وأرسله لبريك وقال سلمو لي عليه وقولو له يقول عدوان اعذرن مادريت بالسالفه الا الحين
وعندها اخذ بريك قعود واحد وقال هذا اثبات حقي بس وزهب البقيه من تمر بقعاء وأعادها
عليهم 0000
رحمهم الله 00 وقوله (البيت الاقصى) يقصد الكعبه وقوله (والمقام رفيع) يقصد انهم من
الاشراف 0000 تقبلوا تحياتي 00
ابن غسلان ((((الراوي)))
رد مع اقتباس
المفضلات