هذة رسالة جتني على الايميل..وحبيت انقلها لكم....
السلام عليكم ورحمة الله وبركاته
كيف الحال جميعا انشاءالله مبسوطين
انا نوفل بن حسب الله اراسلكم من ارض الوطن نواكشوط
اول شي السالفه مافيها اني مادري وش ابي اكتب زي العاده يعني بقعد اكتب واكتب واكتب واخر شي اقولكم
وش السالفه
قلت ياولد خلني اوسع صدري واضيع وقتي الي مادري وش يبي من الحياة وانشره
واوسع صدركم معي انشاءالله
المهم ماعلينا انا فكرة اكتب موضوع عن قصتي يوم اني بالثمامه طالع في رحلة
رومنسيه وكيف قعدت اسولف مع الضب الي طلع لي من تحت الارض
<=== غريبه من تحت الارض وشلون
هالموضوع راح اشرك فيه ناس بس ماراح اذكر اسمهم ابي الشهره لي لحالي
لؤؤؤؤؤؤؤؤؤؤل
<== ياشين الغرووووووووووور
بداية الموضوع راح اخلي مشتركه تكتبوه رفضة الافصاح عن اسمها الا في اخر
الموضوع راح اقولكم السيناريو والحوار وبعدين انا اكمل بتقولون ليش
بقولوكم لاني لاقيها مخفه خخخخخخخخخخخخخخخخخخ
n<== تلقونه الحين متسطر منها
راح اترك لها المجال
بعدين بكمل لكم السالفه لان السالفه صارت لي انا وصديقتي ورطه قصدي
وردة كنا طالعين في طلعة رومنسيه في اجواء الثمامه العليل
وكنا على الشارع متكين ومعنا الزمزميه الي تصب
منها شاهي (غريبه شاهي على بالي عصير سن توب) ونقشم حب او بالاصح نفصفص
وننصب على بعض هي تقولي سالفتها يوم انهم اخذوها للمنتخب مع انهم
مايلعبون حريم بس انا اتوقع تقصد منتخب ديرتها
منتخب السنغال <=== في هذي اللحظه انا حسيت شي في جبهتي وانا
اكتب هالكلام بس وشي األوا وردة
يله الحين هي تبدا والوعد القاكم انشاءالله في التكمله الي بتكون
تابعه للموضوع
السلام على كل من يقرا هذي الرساله
انا وردة والتيس الي فوق يدلعني ورطه (الله يهديه فاهم التدليع غلط)
طبعا احييكم من ها هنا واتمنى لكمم اطيب الاوقات وامتعها
مع برنامجنا الحواري على قناتنا المشفره القناة الاولى وهل هناك شك
في مضارب الباديه لؤؤؤؤؤؤل بتقولون ياثقل دمها طيب ليش تضحكون ؟ :|
اول شي بقولكم سالفه الموضوع هذا
هالانسان الي اسمه نوفل ابتلشت فيه انا محدثتكم وردة وتعرفت عليه
وصرا مره مع بعض تقولون هو علبة سن توب وانا الصورة الي فيها يعني
تخيل واحد يشتري سن توب بدون الصورة الي فيها وش راح يستفيد
يعني مثلنا انا واياه
<=== مقردوه البنت بس الشكوه لله
طبعا انا كنت كالعاده منسدحه وجالسه اشرب سن توب
(اقلقتكم بالسن توب بس مااعرف غيره) واخذ الصور الي فيه والصقها في الدفتر
حق المسابقه لان الدب الي فيها يشبه نوفل الاحول سبحان الله بس نوفل
املح شوي وانا احب الصق صوره في دفتري من الحب الي بينا (امحققققققققق)
وكنت جالسه اكلم نفسي في الماصنقر لان الاحول نوفلراقعني حظر كالعاده
على باله يتغلى مااااالت من زييينك يعني اني مايته عندك :|
جاني نوفل وقالي ورطة حياتي فاقشعر بدني وطرطع قلبي ( العن ابو الدلع)
قلت له لبيه يابعدهم كلهم يابعد كنادر قلبي انت يالي لا تذكرت
اسمك تذكرت جربوع يركض وشباب يلحقونه
قالي :-
ماتذكرين سالفتنا مع الضب الوسيم
(طبعن بهالحظه حسييت اني ابتليت يوم اني احب هالاحول) <== الاحول هذي الدلع
هو يدلعني ورطه وانا ادلعه احول
قلت له انا لا اي ضب واي خرابيط .
قالي يا حماره (عادي يدلعني) الضب اللي طلع من تحت الارض حنا كنا نطالع
فيه وهو يطالع فينا ويقول بلله هذي وجيه تطلع للبر
عاد انا عرفت انها فلعه يعني نصبه ومشيتها معه قلت ايه عرفته .. قالي نبي نكتب الحدث وننشره في جريده الوثن (الولد الدغ شوي لؤؤؤؤؤؤؤؤؤل قصده الوطن)
وجريده كل من ايدو الهجوم على الوطن :|
<== في هذي اللحظه طفا كهرب البيت وولع بس ليش ماادري :|
الحين بقولكم السالفه الي صارت لنا في البر يوم طلعنا طلعت الرومنسيه
سلمكم الله كنت انا والمملوح نوفل (امحق) نتمشى في ربوع بلادي بالددسن
العرواي (بنت وتقول عراوي ايه كيف الحال ) حقنا ذا يوم
وخلص علينا البنزين حق الددسن
وتعطلنا بوسط البر وكنا مبسوطين كان الجو رومنسسسسسسسسسي لابعد الحدود
خبركم كنا في ديرة الرومنسيه الرياض فقلت لنوفل ياابن الحلال خلنا نقعد
لنا هنا كم يوم ونستانس في عيشتنا
قالي نوفل انتي مهبوله وكان خايف نوفل (مادري مين الرجال انا والا هو )
واحاول اقنعه ومادري ايش ومنا منا قالي لالا ماانقعد قلت والله بكيفك
تبي تروح
انقلع <== في هذي اللحظه ظهرت الرومنسيه بكلمة انقلع بالاصل انا ونوفل مانحس بالحب الا اذا سبينا بعض
المهم مانبي نخش في سالفت كيف حينا بعض تخبرون هذي اسرار عوايل
وفي هذي اللحظه نتبادل اطراف الحديث
( متعوب عليها ها الكلمه مستخرجتها من قاموس نوفل للكلمات الغبيه )
الا انا الاحظ شي يطلع من الارض ويرجع يدخل ؟ فيه شبه من نوفل على بالي
نوفل يستهبل علي
قلت يمه وش ذا .. قالي نوفل الاحول لا يمكن فقع ؟ <=== هالادمي وشلون حبيته
لاتسألون اجل فقع يتحرك
وشوي الا يطلع مره ثانيه ويطالع فيني ويمد لسانه بعد
(قويه شوي بس عادي مشوها ) !! عاد انا مسكت الزنوبه حقتي وصكيته على بوزه
ونطيت عليه ابي امصع لسانه .. ال ما امدانى انحاش ودخل تحت الارض مره ثانيه
الملعون كان سريع ونوفل اللوح يطالع وساكت الخوف يلعب دور
قالي نوفل وش السالفه فلت في شي يطلع من الحفرة هذي قال نوفل بدينا
بالتخيلات قلت والله انا شفته قالي وتقولين عني احول الحين عرفت منهو
الاحول وفي هذي اللحظه كان ودي معي مسدس والا كلاشنكوف والا دبابه
عشان اقضي على هذي الظاهره الي اسمها نوفل افففففف
وجلست اقوله والله انه يمد لسانه وهو يقول بلى تخيلات طبعن انا مو خايفه
من الي يطلع بس ابي امسكه والعن خيره اما نوفل خايف منه
قلت لنوفل والل انه يمد لسانه علي قالي انتى عميا ما فيه شي اكيد
تحلمين !! اي حلم وانا اشوفه ... صدق انك احول يوم قلت له احول
احمرت خدود نوفل على باله اني امدحه ونبي نرجع لجو الرومنسيه
لانه يستحي هو شوي قايلتلكم مادري مين الرجال انا والا هو خخخخخخخخخخخخخخخخخخخخخخ
وحنا نتهاوش الا ويطلع مره ثانيه ويشوفه نوفل !! قالي اي والله
هذا ضب 2002 توه نازل كنت ابي اشتري مثله بس سعره غالي ابن الذينا
وطلع لسانه على نوفل وقال وععععع تفووو عليك وش جابك البر انت
بعد بلى شكل نوفل مايأهل بر شكله يعطي واحد راعي حايق ويتمرجح
في المراجيح ويمسسك ورده ويقطعها ويقول تحبني ماتحبني
(الله يهديه فاهم الرومنسيه غلططط)
الضب يا حليله كان يغازلني والظاهر وكان يقول وش مقعد هالقمر
مع هالاحول والغيره دبت عليه يوم يشوف الاحول قاعد معي لؤؤؤؤؤؤل
قالي نوفل لا مستحيل لازم اصيد ذا الضب ونتعشى عليه اليوم
عاد الي يشوفه يقول بيصيد اسد والا نمر ضب ولا اول ماشافه قال وش هالجربوع
. طبعا انا رفضت قلت لا كيف ارضى انا نذبحه وناكله <=== انا بنت حساسه
وانا في جمعيه حقوق الانسان خخخخخ وش دخل الانسان ذا حيوان !!
قام نوفل وجهز الددسن علشان نصيد الضب وانا اخذت العبايه وحطيتها
على كتفي والزنوبه بيدي == بتقولون وشلون جهز الددسن وهو مافيه بنزين
بقوولكم اني بدفه وهو يلف بالدركسون خخخخخخخخخخخخخخخخخخخخخخخخخخخ
المهم قلت لنوفل ياحياتي يابعدهم كلهم ياكايدهم انت يامعذبهم قمت
امدحه وهو وجهه بدا يحمر وبدا يستحي ويقرب خده
على باله انه بعطيه بوسه بس هذا حلمه الاول والاخير الي مافي امل اعطيه
الى هنا انا اوقف عن الموضوع والحين نوفل يستلم بدااااااالي
سلالالالام ياقدعااااااااااان انا عارف بتقولون ش هالخرابيط
متقاطين بالموضوع لا بس لان السالفه صارت لنا سوى يعني لازم
كل واحد يقول جزء
لانها هي رفضت تنزل الموضوع لحالها وانا رفضت
اييييييييه الحب شوووو بيززززززززززززل
المهم نرجع لموضوعنااااااااااااااااااااااااااااااا
بسم الله :-
قالت لي هي ياحياتي يابعدهم كلهم ومير اخبطها بطراق واقول اثقلي يابنت
( انواع النصب هي تقول كلام وهو يقول كلام) ومير البنت تقول اسفه
قالت لي ورا مانلحق الضب على رجلينا خلنا نشوف من اسرع في هذي اللحظه
طلع لنا الضب وقال بلله هذي وجيه ناس تركض اتحوا على وجيهكم بس
في الوقت هذا انا استغربت قلت وشلون تكلم لا من زين الطبااااايع
مركب تقويم اول مره اشوف ضب مركب تقويم العن ابو التنكلوجيااااااا
لا بعد ازيدكم من الشعر بيت تقويمه لونه احمر براني
(لااحد يسأل وش هاللون) يعني احمر ملكي يعني زي لون الصارور <== العن ابو التشبيه
جت وردة قالت للضب وشلون انت تتكلم
رد علينا الضب قال انا اصلي كنت انسااان بس الشكوه لله
صرت بقدرة قادر ضب
<==== بدوا يزودونها شوي
وقلت له وش سالفتك قالي سالفتي ياطويل العمر
تبدا من كان عمري 14 سنه كن اموت في شي اسمه البر ومطاردة الضبان
وخاصه الصمااان
وماخليت ضب في حاله قعدت اطاردهم لمدة عشر سنين ومافي حفره الا
دخلت فيها شكمان سيارتي
والا مليتها مويه وطلعت الضبان ولا كنت اكل الضب كنت بس اعذبهم
وانا ووردة جالسين نصيييح
واااااااووووووووووووووووووووووو والضب يصيييييييييييييييييح
والقرااااء يصيجووووووووووون والمخرج يصييييييييييح
(للمعلوميه هالموضوع له مخرج ومدقق وسيناريوا وحوار اخر الموضوع بذكرهم)
وقالي كنت اخذهم واعلقهم على كبوت الددسن وارجع للديره وانا
مبسوط الى انطحت في ضب يتكلم مثلي
وقالي انه كذا وكذا وانه كان يعذب الضبان وماصدقته وذبحته ويوم
ذبحته قلت اباكل هالضب عناد
ويوم اكلته ويغمى علي ويوم قمت الا انا ضب
تربتتتتتتتتتتتتتتيتتتتتتتتتتتت
لا والملعون مستانس انه ضب
يقول على لسان الضب <== العن ابو التنكلوجيا ضب وله لسان ويتكلم فيه
يقول خل عنك وناسه الشغله هذي يقول كل ماشفت رجال ومرته طالعين
للبر وهم خاشين جو رومنسي قلت بصوتي لمرته
ياعنز تراني مااحبك بس كذا ماخذك استانس علييييييك وبعدها تشب
مهاوشه بينهم
العن ابو النذاله ب نذل
ويقول الضب على لسانه
الى ان شفتكم وحبيتكم وخاصه انت نوفل انا حبيتك من قلبي وجهم
باين عليه البراءه <== ايييييه طييييييييب
واحسك يانوفل ان قلبك طييييييب <== كثرلي من هذي الله يخلييييييك
بس نوفل وش مطيحك بالمقروده هذي الي اسمها ورردة
عاد انا قلت له وشوله مسميها ورطة
( ملحوظه انا يوم وريت وردة هالمقطع الى يومكم ماشفتها في الماسنجر وش تتوقعن صار لها )
نرجع للموضوع
قالي ياخي حرام عليك انت اقل شي تاخذ حوريه
قلت يارجال بالجنه انشاءالله اخذها قال انشاءالله يجمعنا ويجمع
المسليمن كلهم في الجنه ويهديهم
المهم انا طولت في الموضوع اكثر من اللازم ومصختها اكثر من الازم
الحين في كم سؤال وفي اجابات راح اشوف اجابتكم واقولكم وش نوعكم
السؤال الاول :-
انت يوم قريت الموضوع كنت راعي ضبان وتصيد بس يوم قريته خفت ولا راح تصيد ؟؟
الاجابه الاولى :- لا ماهمني الموضوع لاانه كله خرابيط فاضيه (عليه درجتان)
الاجابه الثانيه :- صراحه خفت وكان معي في صندوق الددسن كم ضب رحت ونزلتهم تو ( درجه)
الاجابه الثالثه:- صراحه ماقريت الموضوع ولا راح اقراه لانه ماصصصصصصخ (ثلاث دجات)
السؤال الثاني :- وش هو شعورك لو انك مكان الضب هذا ؟؟؟
الاجابه الاولى :- راح اسوي انواع النذاله مثل ماسوى الضب اخرب بين الازواج (ثلاث درجات)
الاجابه الثانيه :- صراحه راح ادعي ربي يرجعني زي ماكنت عليه (درجه)
الاجابه الثالثه :- والله وناسه كل مامر بزر من جنبي قلت له عوووووووووووع (درجتين)
السؤال الثالث :- وش رايك في الموضوع ؟؟
الاجابه الاولى:- رهييييييييييب (درجتان)
الاجابه الثانيه :- مسسسسكت ومقللللللللع ومنسسسسسسم ومصرررررررقع (درجه)
الاجابه الثالثه :- والله موضوع عاديومكررر (ثلاث درجات )
انتهت الاسأله
اشكر كل من قام بمساعدتي في هذا الموضوع واشكر بالتحديد الاخت وردة الديوان
وبعد اشكر :-
وزارة المعارف للاولاد والبنات
وزارة الزراعه للاولاد والبنات
وزارة الصناعه للاولاد والبنات
المديريه الامنيه في جدة للاولاد والبنات
شركة ميكروسفت لصاحبها نوفل
شركة الاتصالات
وزارة الدفاع والطيران الجوي
وكل من ساهم في اخراج هذا الموضوع في الشكل المطلوب
تأليف :- نوفل ... وردة الديوان ... اكس مان
اخراج :- نوفل ... وردة الدديوان
سينارو وحوار :- نوفل
فني بلاط :- اكس مان
فني سراميك :- اكس مان
مكياج وتجميل :- وردة
مشكور لكم كلكم وكل من قرا الموضوع
مع تحيات نوفل
جميع حقوق الطبع والرقع والحفظ لشركة نوفل واولاده المشهوره
لكل الي قرا موضوعي وماعجبه يرسلي على الايميل ويقولي وش الي
ماعجبه في الموضوع
MY Emil :- novel_ksa@hotmail.com
واكون مشكور لكم واستقبل اي اقتراح او مناقشه بالنسبه للموضوع
وانا فكرت احط اعلان اني انزل كل اسبوع موضوع مثل كذا
اذا كنتوا تبون برضوا عطوني الوكي وانا انشاءالله راح ابدا
في الموضوع
رد مع اقتباس
المفضلات