سيرة محارش الذاتيه / ج2 من مليون
http://altanaya.com/vb/showthread.ph...9593#post29593
اللي فوق رابط الجزء الاول من سيرتي الذاتيه :p
وهذا هو الجزء الثاني من سلسلة محارش_محارش
--------------------------------------------------------------------
ياشين الفضاوه يالربع وخصوصا اذا كنت فاضي ولا عندك شغل ( ابوتس يالعبقريه :D ) ومن عادتي الله يخليني لعينن ترجيني اني ليا صرت فاضي اجلس مع نفسي ( بحان الله :p ) ونسولف مع بعض , عاد انا مطيح الميانه بيني وبينه ونمارس الشفافيه بحذافيره ( بدري عليك يابو يزيد تجيب زي هالحتسي :D ).
بحدى هالجلسات جسرت علي نفسي زياده على اللزوم وقالت:
هيييييييييييييه انت يا محارش , ليا متى وانت جالسن على هالوضع , وللا معجبك الحال
انا لقطته على طول وانا اغير جلستي واتربع ( كنت منجلط :p) .
قالت لي : تكفى الله يخليك خل عنك التذيهن واسمعن زيييييين وافهم الحتسي لا اخليك لحالك ثمن تصيح تبي احدن يونسك . سكت انا وهي كملت ( <<< جمله ماله سنع من الاعراب ورفع الضغط :p ) قالت هاللحين كم واحدن ميت ولا هاللحين يذكر اسمه تقل حي بين العالم ,كم واحد خلده التاريخ !!!!!
قلت وش قصدتس !!!!!!
قالت انت ما ودك يذكرونك الاجيال الجايه ؟؟؟؟
قلت وش قصدتس !!!!<<<< ما يعرف الا هالسؤال :p
قالت التاريخ يخلد العظماء ولازم تصير واحد منهم واذا تبي تصير مشهووووووووووووور ويذكرك التاريخ من دون الخلق لازم تسوي شئ عظيم
قلت : تكفين فكيني من شرتس , انا من شفتس تدوحسين حولي وانا ذال داري ان وراتس مصيبه مار اذكري الله وطسي ( جوده على نفسه :D) لا والله اخربه هاللحين واك همبرقر بقر ( الله يديم النعمه ) ثمن تعرفين اني كنت مقدرتس ومعطيتس وجه
اما اسوي شئ عظيم!!!!! تبي تودينا بداهيه هي ووجهه<<< تفكيره محدود :D
عصبت نفسي شوين ثمن هدت وقالت يابن الحلال التاريخ وش يخلد ؟؟؟؟؟
ردت على طول قبل ما ألقف له وقالت : التاريخ ما يخلد الا واحدن شجاع وهذي بصراحه مهي لايقتن عليك ( لا تصدقونه :p ) وللا كريم زي حاتم وماظنتي انت ووجهك تبي تصير زيه , وللا عبقري يخدم البشريه بعلمه, ومن شاف كرشك مارجى من وراك عبقريه :p
او عاشق ولهان وهذي شكله بسيطه يعني يمكن تضبط معك وصير مشهور وكل العالم تسولف عن غرامك وسوالفك وبكذا يخلدك التاريخ
جازت لي الفكره وبديت اعشق ( :p ) وحده من بنات الجيران وكل يوم يانا رازن وجهي عند بابهم غديني اشوفه او اسلم عليه
قلت له انا عاشقن بنتهم وما اقوى اصبر عنه ( ابوك يالعشق :D ) قالت انت شفت بنتهم ؟؟؟ قلت لا بس حبيته من اسمه ومن ريحة طبخهم ( هذا كل همه المشفوح :p ) هزت راسهوعرفت ان مابي طب , وقامت تدعي ان الله يشفيني ( وده تدعي علي بس الضنا غالي ) .
استمريت بعشقي لفاتن ( هذا اسمه ) وسهر الليل وكتابة قصايد الهيام بحبيبة القلب ( ول يالفيحاني :D ) وانا اتجرا هاك اليوم واعطي ابوه حدى قصايدي ببنته (هذا وين عايش :p ) وهو ياخذه ويقراه ويقراه ولا رد علي بأي كلمه خير شر ومنه للمستشفى عدل ( طبق بوه الشايب كل حركات المصارعه اللي شاف :p ) .
ما ايست عقب هالحركه البايخه من ابوه ( ياوسع وجه هالادمي :D)
بالعكس زاد تصميمي ونشرت قصايدي بالمجلات , وكل مجلس اطبه الا اعلم الي بوه بعشقي لها البنت , واقولهم قصايدي به وهجاي لابوه :p
وبيوم من الايام صار عندنا عشاء ( ما عمرهم عشوا الا هاك النوبه :D ) وهي تجينا , عاد انا دريت انه عندنا وانا الله يدفع البلا اتحرقص عند امي الا اشوفه , الا اشوفه , وبحركه بسيطه من العجيز الله يخليه مادريت الا يوم طلع لي خشم ثاني بهامتي :D من ملاس ٍ كانت تحمله :p
صممت اني اشوفه باللي هي بوه
عيا يدخل مخي !!!!!
صدق تسذب !!!
بسم الله !!!!
الا هو !!!!
ألا هو !!!!
أي والله هو !!!!
وش اللي جابه لبيتنا وانا اخبره بمصر !!!
ووش اللي لبسه عباه وانا اخبره سلط ملط !!!!!
دعيت امي وقلت له : وش جاب هرم خوفو لبيتنا ؟؟؟ ووش اللي لبسه عباة !!!
قالت لي هذي فاتن ياقيس الثقبه :D
قلت بالله هذي هي !!!! <<< ولشهار على طول :p
بعدين رجعت لنفسي وبكل برود توطيت ببطنه وقلت له :
وش فيها لو صرت زي * شوشان :D:D:D
· السؤال اللي يطرح نفسه :
من يكون شوشان هذا!!!!!
تابعوا معنا سيرة محارش_محارش للتعرف على ابعاد شخصية شوشان ومنجزاته :p
هذه الحلقه برعاية حلاق ابو مقص لحلاقة الشعر <<<< |513|
رد مع اقتباس
المفضلات