يا طي حالي ( وين كنا ووين صرنا ) ...؟؟!!

**عجايب بنت الشايب** · 01-02-2007 05:13

[a7la1=000000]

ســـــــــــــــلام يالربع ...

والله اني لافكرت بهالحياة .. اللي هاللحين انا فيها أحمد الله

نعيم وخير ويسر ..

تذكرون معي قبل ؟

أيام الشقاء يوم نشري الكرهب بقواطي النيدو الفاضيه ؟

اذكر يوم انا صغيره لاهاللحين ماتغطيت .. توني متبرقعه

على فكره (كان اول يوم اعرف فيه معنى مغازل ومعاكسات كنت احسب يعني واحد يغازل

يعني يغزل ( أشوف امي تغزل الصوف )

ويعاكس ( يعني يمشي قدامك و يلف عنك فجأة يعني يعكس )

8
8

بريئة

بس يوم تبرقعت وكان أول يوم

اذكر ذاك اليوم بتفاصيله

مر من عندي شاعر الحاره

قائلاً :

(( ياللي تبرقع خل عنك التبرقع
............ منعمي رجلاً يلتفت يمك ))

كنت أيامها

كل يوم اثنين اخذ قوطي مفضيته امي من النيدو

واروح اعبي لاهلي كهرب من عند البنغالي

على رجليني حااافيه على الرمضاء عاد والرصيف حااار وانا حافيه امشي على خط ظلال البيوت

عندي نعال بس ليش ماالبسها ؟

يمكن عدم الاحساس بالانتماء لها يجعلني أفضل الرمضاء

وبعد هالتعب الشااااق وانا شايله القوطي على كتفي وموسمن فيه

ارجع البيت وامسك اللمبات والوايرات أعبي فيها من الكهرب

علشاان لا قاموا اهلي بالليل يقدرون يشغلونها

كنت حنونه أسهر الليل أعبي كل لمبه و ولمبه علشان مايطيحون اخواني بالظلام لأن اللمبات فاضيه مافيها كهرب

زمان كنا نلعب بين البيوت .. ونغني قصائد جداتنا ذاك اللحين
كانوا يحفظوننا قصائدهم و غناويهم

أذكر منها قولهم ..

لا اقبل علينا الضيف وحنا نلعب بالحوش

(( حمام جانا مسير ولا سلم علي ))

واذا طلع مالقى ابوي وجا يروح قلنا (( علامه مر عجلان ولا سير علي ))

كنا بريئين .. ونستحي من ظلالنا اللي يعدي ورانا

اذكر بنت جيراننا يومها راحت تشري كرهب .. قعد يلحقها ظلالها

وهي تعدي تعدي تعدي .. وتصااايح ودموعها تلطخ الجدران ..

كل هذا سحى وخوف ..

الله اكبر على ايام قبل ..

كانت البنت تنولد حرمه والولد ينولد رجل

مامرينا بمرحلة المناهقه هاللحين

اللي يجيك الولد ولا البنت مااحد يكلمهم ولا أحد يغلط عليهم لانهم يعيشون مرحلة مراهقه

وهالبنت اول ماتقول لها امها (لا تطلعين )

أرسلت لدكتور نفسي بحدى هالمجلات :

(( يادكتور الله يخليييك امي تكرهني كاني جارتها تقفل علي وتتحسسني بعدم انتماء وولاء لها

دكتور امي تضم اختي قدامي وانا تتركني على زاوية الغرفه اتجرع الالم .. والحسره ))

يعنبوتس والله لو انها شارون .. ذي امك ..

لا عاد شف وش يقول لها الدكتور او الدكتوره ::

(( يابنتي والله مشكلتك محتاجه زياره لي خاصه بالعياده وقبل كذا واجهي امك وصارحيها باللي هي قاعده تعمله معاك .. ولو مانفع معها روحي لبيت صديقك .. وأفضحي اهلك علشان يندموا على سوء تعاملهم معك ))

يامال السوء ..

قالوا مراهقه... الا مناهقه والله ...

قبل قلت لكم البنت تنولد مره كان اول يوم تبرقع فيه يجي صويلح ولد عمها طاااير يكسر البيبان ويطيح في حضن ابوه يبه ابشرك .. ابشرك فتيخه تبرقعت ويروحون يخطبونها و بعده يعرسون

يعني في ثلاث ايام بعد التبرقع يتم كل شيء

اول يوم تبرقع ثاني يوم تخطب ثالث يوم تعرس ..

هاللحين اللهم يااكافي بالسنين والدنيين .. يعنوب غيركن اعرسن لا يفوتكن الماخوذ

قالت وشو قالت ابي افهمه ..

رياضيات هو ؟

خلاص جاتس نصيبتس

أستخيري ربتس وويقي من فتحة الباب وراعي لسيارته و أفلحي ..

النصيب مره .. وحده .. يايصيب يا يطلع تسلل ( كش على منتخب بعض الناس )

زمان أول غير مافيه مجال .. للمقارنه ..

كل شيء بسهوله يصير أدناها مشة الخشم .. وأعلاها ذبح الذبيحه

حياة قمة المتعه والبساطه .. الدراسه شهر والعطله 11 شهر

لا دفاتر ولا اقلام لا جداول لا مساطر لا صور باربي ولاشنطة لولو كاتي

خشبه من شجرة الوالد وقلم مستورد من الديره .. موصى عليه بطلبيه من شهرين

الحتسي مايخلص لو حتسينا

بس هذا الشيء اللي طرى علي و فضفضته عندكم ..

^^^,,,.......طحيــــــــاتي ........,,,^^^

[/a7la1]

**بـنـت النـور** · 01-02-2007 06:15

وعليكم السلام

صباح الخيرراات عجووبه

اخيراً اول مره ارد بالفله اول وحده

هههههههههههه

فضفضه ولا احلى منها >>

دمتي بنور <<

**بـنـت النـور** · 01-02-2007 06:18

اكيد متفاجأه بالرد الاول السريع اللي ماصار

صح

هههههههههه ماالومتس حتى انا متفاجأه

كان عندي احساس انتس موجوده وتنشرين غسيل يووه اقصد موضوع <<

سلام

**غاده** · 01-02-2007 06:37

اذكر يوم انا صغيره لاهاللحين ماتغطيت .. توني متبرقعه

يرجك ربي

عجايب

يابنت احد قالك قبلي انتي منسمه

**ريال الفسحه** · 01-02-2007 10:36

هههههههههههههههههههههههههههههههههههههه

لي رجعه لوضع رد مطول...!!!

ياام برقع

**عجايب بنت الشايب** · 01-02-2007 13:18

[a7la1=000000]

بنت النور

اسم الله على قلبك

علامك ؟

مير الوكااد حياك الله ...

ومرورك عسل ...

^^^,,,.......طحيــــــــاتي ........,,,^^^

[/a7la1]

**عجايب بنت الشايب** · 01-02-2007 13:23

[a7la1=000000]

مليكاااان

لا عاد تقولين الله يرجك افرضي صادفت باب مفتوح استجيبت لك ...

أما من ناحية أحد قالي قبلك اني منسمه

ايه الاداره ... كلهم وكان هالسبب هوسبب تولني للاشراف هنا

شفتي شلون المواصفات المميزه ..؟

حياااااك يالقرمه هنا وهناك ..

^^^,,,.......طحيــــــــاتي ........,,,^^^

[/a7la1]

**عجايب بنت الشايب** · 01-02-2007 13:24

[a7la1=000000]

ريال فسحه

ننتظـــــــــر .....,,

^^^,,,.......طحيــــــــاتي ........,,,^^^

[/a7la1]

**احــمــد ال علي** · 01-02-2007 17:13

ههههههههههههههههههه
ياام برقــع
وش هالروعــه بمواضيعك

رجاء لاتقولين بااخر شي
طحياتي

ماابيه

كــ الود ـل

**عجايب بنت الشايب** · 02-02-2007 10:12

[a7la1=000000]

أحمد ال علي

حياااااااااك الله يالذيب

ووالله يا خيو ان طحياتي ذي احبها اكثر من عيالياللي لاهاللحين ماجو

وذلك لان فيها نكايه بالغرب والاوربيين

:
^^^,,,.......طحيــــــــاتي .....::...,,,^^^