يا طي حالي ( وين كنا ووين صرنا ) ...؟؟!!

**عجايب بنت الشايب** · 06-02-2007 01:34

ريال

ليه ياريال > يعني يارجال

ليه تقول ان اللي ينكس مايعود

يمكن قدامه دواااار ويرجع مره ثانيه

حيااك يالذيب

لا تقاطع

طحياتي .....

**احمد الهاجرى** · 08-02-2007 11:27

الحمد لله رب العالمين

يا ها الربع المره هذي خرفت او صابها شي

كل يوم يثبت لنا ان اهل العقوووووووووووول في راحه تامه

وان الفراغ يولد الهذيان وهذا ما اصاب هذه السيده عافاها الله

هذا كله سبب العنوسه والبطاله والكهرب من البقاله

سوال محير حير كثير من العلماء قبلي

وهو هل الكهرب يشرى من البقاله ياسيده؟

السوال الثالث متى يجي هذا الثلاثي ويفكنا فيها

اول يوم تبرقع ثاني يوم تخطب ثالث يوم تعرس ..

الله كريم ياماما

وتقبلو تحيات شيخ الهواجر

**عجايب بنت الشايب** · 09-02-2007 13:44

[a7la1=000000]

حيا الله شيـــــخ الهواجــر >> بس موهب ميل عقاله !!

أجل متى يجي الثلاثي ؟

ماهقيت يابيي يقول ابو ثوب في حكمته الخالده في اذان البنيات

القطار لأفات موهب معود .. ولو بغيتيه ألحقيه بالنقل

والنقل مايستقبلون بدون محرم

يعني وش نسوي

رابعاً :

ردك هذا انا ادري ماهو الا تحطيم في مشاعر العجوز التركوازيه

ولكن هيهيات هيهات أن تفلح ياشيخ الهواجر ...

الله يحيييك ياقائـــــــد ...

^^^,,,.......طحيــــــــاتي ........,,,^^^

[/a7la1]

**ابو عارف** · 09-02-2007 17:01

أحياناً أوقع بإسم شايبكم ومع ذلك لم أسمع في تعبئة الكهرب في قواطي النيدو ولا إستطعت فهم هذه التقنئة من خلال شرح المبدعة المعمره كلي بكم إعجابا. لن أوقع بعد اليوم بإسم شايبكم طالما كنت مكبوراً هنا لقد كشفت هذه المعلومات التاريخية بعض الجوانب الغامضه من حياة عجوبة فيمكن أن نعتبرها من المراجع المعلوماتية حفظها الله ومد في عمرها.

لقد أدركنا عصر السراج و الفتيل التي نشعلها بالقاز أما كهرب القواطي فلم نسمع به , أنا ما صدق إن عجوبة كبيرة يمكن تكون نقلت الخبر عن إحدى جداتها أو قد خانها التعبير عن وسيلة الإنارة المقصودة والله أعلم

**ابو عبدالإله** · 10-02-2007 01:36

السلام عليكم
زمان اول (مثل ماتوقعت عجوز مالك اجيال )
قوطي نيدو ( شكلك مفطومة متأخرة )
حافية ماتلبس نعول ( علشان مايخربن النعول)
يخطبون البنت وهي صغيرة (ماعندهم عامل بالمزرعة يبون يكرفونه بالحرث وسقي النخل )
البنات اول يستحن ( تغيرت الدنيا وصاروا الشباب يستحون)
ماشاءالله عليكي منين تصفين الكلام رائعة يااديبة فلة الحجاج بجد
تحياتي بعد حيي

**عجايب بنت الشايب** · 10-02-2007 18:16

[a7la1=000000]

الفاضل / أبو عارف

بعد الطحية والسلام .. بحضور شخصك الكريم هنا

في موضوعي اللذي هو ماهو الا ما قبل الجنادريه >> أيش الهرجه ؟

لمن دواعي سروري ان تكون احد قرائي هنا وان تختم هنا ردك المبارك

تثبيتاً لمصداقية قولي هنا

فلك الشكر والتقدير ..

وانا لم انقل عن جداتنا شيء لأنهن من جيل

( الموضه قصي من راستس و البسي سحاب وشوالي )

الجيل الذي أفسدته الأذاعه والراديوات البنيه أم مخبى ..

لن اطيل الحتسي واسندر راسك

ويبقى لك الشكر ايها الذيب

[/a7la1]

**عجايب بنت الشايب** · 10-02-2007 18:19

[a7la1=000000]

الذيب / أبو عبد الأله

لماذا ؟ تفسر عباراتي .. اتنوي بي القطيعه من ارض الفله

أجعلني اسرد خثاريدزي تحت الخطوط لا فوقها

كلماتك وســام على صدر من يكتب الماضي .. >> أخس ياهي

حيااااااك الله هنا وهناك

^^^,,,.......طحيــــــــاتي ........,,,^^^

[/a7la1]

**الظبي الدماني** · 14-02-2007 00:42

من صجج في البر يعبون الوايرات واللمبات كهربامن قوطي النيدو؟ والواحد يقعد بنفسة يعبيهم؟ مافي جنريترات في البر؟ وبعدين ترا كرهب غلط!! فهمت انج تقصدين كهربا يوم شفتج كاتبه وايرات و لمبات!!
وترا اذا مشيتي حافية رجلج تتشقق وماينفع وياها أي بيديكير لا تايلاندي ولاهندي ولا اوربي!! اي ترا موب زين تمشين حافة أنا اقولج ترا!!
و بعدين شدخل البنت اتبرقع يروحون يخطبونها ويتزوجون على طول!!! حلو الوحده تعرس بس عاد أول تكمل دراستها تشوف حالها بعدين تعرس!! و موب اليوم يخطب باجر يعطونه أياها!! مافيها شي يفهمون بعض!! كل يوم بيتزوجون ويتطلقون الأوادم؟؟؟ لاشغلة ولا عملة!!!

و شنو يعني (كل شيء بسهوله يصير أدناها مشة الخشم .. وأعلاها ذبح الذبيحه) <<< هذي!!

شكرا Untie Ajayeeb

**عجايب بنت الشايب** · 14-02-2007 01:13

[a7la1=000000]

الظبي الدماني افهم من كلامك انك مو مصدقه ومو مصدقه يعني مكذبه وهنا اللي تكلم انا يعني انا اللي مااتكلم صدق وعكس الصدق كذب

يعني انا كذااابه ؟

ادري بتقولين حشااك الكذب .. وانا باعذرك لأنك مانتي عايشه هنا .. معنا والسالفه اللي انا اقول عنها قبل لا يتكون الجنين في بطن جدتك علشان يطلع ابوك ..

نعم اختي نعم

كنا نعبي الكرهب ( التسميه الحديثه كهرب بسبب التعديل في الأبجديه )

في الوايرات وانا كنت بنفسي اعبيها لما كنت صغيره

اذكر كان يكفي اللمبه العاديه بياله ونص كرهب ان كنت ماني مخطيه !!

وبعدين انا مااحب النعال ولو صار لي تشقق في كعب قدمي او اطراف اصابعي

الله يخلي الوازلييين ( التسميه الحجيثه الفازلين )

وترى يمدحون زيت دابر لتطويل الأظافر ( صار حق شعر هالأيام الله اكبر على امريكا )

والبنت من أول لا زم تعرس لان لبس البرقع يعني وصولها لسن الزواج وكانت البنات هذاك الزمن نادرات فكان لكل 357 شاب فتاة وحده يتذابحون عليها

موهب هاللحين البيت الواحد فيه 9 بنات وولد ..

وكل الجماعه حاطتن العين عليه يترقبونه

بعدين وش هالخرابيط تفهمه ويفهمها مدرسه حنا خلاص تزوجي وافهميه في البيت

جدي يوم نوى يعرس و نوى على جدتي جا قدام بيتهم وطق هرن ( زمر بالسيارة ) وطلعت له تعدي جدتي

وشغلوا لمبة حوشهم وقال للحاره انا اعرست و جابو فول وتميس وخلصوا

و عاش معها 98 سنه ماقال : تزوجنا ولا فهمنا بعض

8
8
( وهذا دليل على ان زواج الخطيفه موجود من القدم و أحد مؤسسيه جدي )

أما بالنسبه لسؤالك ..

وشنو يعني (كل شيء بسهوله يصير أدناها مشة الخشم .. وأعلاها ذبح الذبيحه) <<< هذي!!

يعني من زمان كان الناس موم تعذبين ويمشون حياتهم ببساطه

هاللحين لا بغيتي تمشين خشم ولدتس ولا اخوتس تمسكينه وتوحين تدورين منديل واذا مالقيتي رحتي للمستودع ونزلتي الكرتون واخذتي علبه واذا مالقيتي دقيتي على البقاله جب كرتون وعلى ماياصل الا الورع فتر حيله والهيتيه عن اللعب

قبل الأم الحنون اللي تهمها مصلحة ولدها

ترفع شليلها وتخلص الأمر وتطلق ولدها يجري ..

وذبحة الذبيحه

اقصد فيها كان اصعب شيء وصار سهل بعد ( ذبح الخروف )

يعني ماعندهم شيء صعب .. كل الغثا في عصرنا الحالي

اتمنى وفقت في الرد عليك

يسعدني الجواب على اسئلتك وتقبلي طحياتي

واتمنى ان لا تنحرجي من اي سؤال يدور في بالك

فلديك تاريخ اسمه / عجااااااااايب ( والله اكبر )

^^^,,,.......طحيــــــــاتي ........,,,^^^