بسم الله ....خير بدء
.
.اولا ابارك لنفسي وللجميع بتأهل ولدنا عبدالرحمن عادل <<<<متحمس
.
.
واجواء مليونيه .... والمزاج رايق .... وحضور الشعر طاغي ...
.
.
قصيده بسيطه "عقب معمعة ارامكو "
اتمنى انها تحوز على اعجابكم
.
واتمنى انكم تجيزونها
.
يقول
.
.
[poem=font="Simplified Arabic,5,white,bold,normal" bkcolor="black" bkimage="" border="none,medium,gray" type=1 line=0 align=center use=ex num="0,black"]
الاياقصيدي وارتفع لايجيبك هبط = مدام ان قاع الشعر باشعارها هبطا
انا يوم بعض الناس جا في قصيده لغط = ابرفعك عن دربٍ كثر حوله اللغطا
عقب قلت ياشعري توارى بحسك وابط = وانا ادري يجيب اللول من بالمغيص ابطا
اباشوم بك عن منقعٍ خاض فيه العبط = "دراويش ذيل الجيش" قيفانهم عبطا
دغاليب عبطٍ جو يغوصون شعر النبط = مثل صبغة المكياج في وجنة الشمطا
يدينٍ تخامط في مجال القصايد خمط = بسلك العناكب واهن بيوتها تنطا
على شاشة التلفاز صارت تشابط شبط = صعاليك شعرٍ تتبع الحية الرقطا
غدى للشتايم في نفوس القبايل بسط = من اسباب شعرٍ يسكب القاز فوق ارطا
ابرفعك ياشعري..وابربط بيوتك ربط = وابحكم مرابيطك...واجودلك الربطا
ابآهد طيرك فوق..عن لايجيه النبط = وابي ترفعن عن قول هاك الهبيل اخطا
والايانديبي بالعجل هاك ود الخط = على وارد التسعه وتسعين بالضبطا
علامته بالكبوت "نجمه بوسط القرط" = الامن درج ويله على طرقته يسطا
الامن سرى ليله..على الدرب يشعط شعط = مشاعيط عودٍ باحمر الجمر له شعطا
عطاك الله البترول مني ..طلبتك واعط = والا دست خد البنص هاك الحديد اعطا
وسلم على خالد سلام بعريض البنط = بداه اول الباطن ومنهاه في طنطا
يابوناهض العالم من الحرب جاه الحبط = وانا الحرب في صدري ولاجاني الحبطا
اقول آآآه من شيٍ لعط بالضماير لعط = والا خف نزف الدم..جدد بي اللعطا
اضاحك وجيه الناس..وآقول حالي بسط = وانا والله ان النار له بالخفوق اسطا
تخابط عروق القلب من حر مابه خبط = مخابط ذلولٍ بالمشابيك له خبطا
عقب طوي خد البيد..حطو عليها الربط = قناها وسيع البال للحلب بالربطا
عرفت الشقا..والهم..والسكري..والضغط = واقول الهنا شفته مع الهم والضغطا
واذا تبغي العله ..ابترك فراغ ونقط.....= على شان بعض الناس ماتفهم النقطا
وانا ادري تحللها...واشارط عليها شرط = تحلل معانيها ولاهي لك بورطي
طغى..يابو ناهض ماكتبت القوافي باط = يكود ان خبر بالمعاني تهاب الطا[/poem]
.
.
وسلامت قلوبكم
.
واتمنى تضغطون على رقم واحد
رد مع اقتباس
المفضلات