لاتعبت ياريال
بعد اذنك ابي اعدزبك
****
اول قصيدة :-
[poem=font="MS Sans Serif,5,white,normal,normal" bkcolor="teal" bkimage="" border="none,medium,gray" type=4 line=0 align=center use=ex num="0,black"]
اول قصيدة قلتها فيك قرّب = وآخر قصيدة قلتها منك هارب
ما اقوى على التدريب وانت المدرب = ولا يحتمل موج البحر كل قارب
لاجيت اصلّح جيت بعدي تخّرب = وبعد اتفاق الصلح ترجع تحارب
وان رحت يمك شرق ترجع مغرّب = وشوهتني بين الأهل والأقارب
والناس كله تستشير المجرّب = وعنك نصحوني سابقين التجارب[/poem]
****
صرختي :-
[poem=font="MS Sans Serif,5,white,normal,normal" bkcolor="blue" bkimage="" border="none,medium,gray" type=4 line=0 align=center use=ex num="0,black"]
انولدت ابكي وانا مادري واصيح = صرختي مادري ليوم ادري ندى
صرختي كانت وانا مادري صحيح = ترفض اول يوم في عمري بدى
صرختي قبل انجرح صرخة جريح = انجرحت وصرت للصرخة صدى
يحسدوني يحسبوني مستريح = ما دروا بي من ردى رحت لردى
إن جلست إحترت وان وقّفت اطيح = والأمل دونه مسافات ومدى
عشت عمري في وطن يأسي طريح = وآه غير الآه ما عندي جدى[/poem]
****
كنت انتظر :-
[poem=font="MS Sans Serif,5,white,normal,normal" bkcolor="seagreen" bkimage="" border="none,medium,gray" type=4 line=0 align=center use=ex num="0,black"]
كنت انتظر من وقت الاقيك يازين = وصدفة تحقق حلمنا واجتمعنا
وصار اللقاء الساعة من الليل ثنتين = بعد التفاهم للحواجز قطعنا
وتم اجتماع الود بين المودين = ماحد سوى الله غيرنا كان معنا
وحل ... وصار من بين الأثنين = اخذ وعطا من نفس فيه اقتنعنا
لين اذن التالي ونادى المصلين = قمنا عقب وقت ٍ قصيرٍ جمعنا
وياناس ساس الحب وصل المحبين = حتى يصير لكلمة الحب معنا[/poem]
****
يانفس صبرك :-
[poem=font="MS Sans Serif,5,white,normal,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
ياقلب مادام الزمان متحديك = اصبر على ميلات وقتك وجوره
ويانفس صبرك والفرج عند واليك = كوني على ما قدّر الله صبوره
هذي هي الأيام لابد تسقيك = عقب الحلا كاس الكدر والمروره
وهذي هي الأقدار لابد ترميك = من برّه الآمن لمظلم بحوره
لا تجزعي دام الممات متقفيك = وكوني على صعب المواقف جسوره
ولا تيأسي من رحمة الله يخليك = الله هو القادر على حل اموره[/poem]
****
اموت واحيا :-
[poem=font="MS Sans Serif,5,white,normal,normal" bkcolor="darkred" bkimage="" border="none,medium,gray" type=4 line=0 align=center use=ex num="0,black"]
اموت واحيا فارس للأحلام = وارتاح واشقى وانت غاية مرادي
واسهر على شانك بليلي ولا انام = وسهر الليالي عقبكم صار عادي
عذبتني واشقيتني عام واعوام = ماتدري إن الصد جرّح فؤادي
وادخلت في قلبي وساويس واوهام = وخليتني عقبك طريح الوسادي
عدي سجين ينتظر حكم الإعدام = حطوا برجلينه ثقيل القيادي
ولا انساك مع مر الليالي والأيام = ودونك فلا يهنا منامي وزادي
انسى هلي وانسى الجماعة ولا الام = ولا انساك لو تنسى الصلاة العبادي[/poem]
****
هي وحدها :-
[poem=font="MS Sans Serif,5,white,normal,normal" bkcolor="indigo" bkimage="" border="none,medium,gray" type=4 line=0 align=center use=ex num="0,black"]
لا تسألوني عن عناي إسألوها = ولا تسألوني ياهلي ليه مكسوف
هي وحدها تعرف بلاي انشدوها = وهي وحدها اللي عندها السر مكشوف
وليا عرفتوا علتي عالجوها = وعلاج خافي علتي ياهلي نوف
ولكان ماتقوون بس اخبروها = في حالتي قولوا تجي يمي تشوف [/poem]
****
قالت ابعد :-
[poem=font="MS Sans Serif,5,white,normal,normal" bkcolor="purple" bkimage="" border="none,medium,gray" type=4 line=0 align=center use=ex num="0,black"]
في محيط الحب في بحر الغرام = كادت الأمواج تغرق مركبي
وفي سواد الليل في عتمة ظلام = حقق الله بعد يأسي مطلبي
جيتها في بيتها قلت السلام = قالت الله لا يجيبك وش تبي
قلت ابي عطفٍ ولطفٍ واحترام = وفي شعور اهل الهوى لا تلعبي
وابغى اضمك لي وترخين اللثام = حيث بين شفاك يوجد مشربي
وابغى إرصك والعالم نيام = لين انا اتعب منك وانتي تتعبي
قالت ابعد مطلبك هذا حرام = قلت لكن صار في وقت النبي
الحرام الصد يابدر التمام = والحرام البعد لكن قرّبي[/poem]
****
جليس الشمس :-
[poem=font="MS Sans Serif,5,white,normal,normal" bkcolor="black" bkimage="" border="none,medium,gray" type=4 line=0 align=center use=ex num="0,black"]
ارحم جليس الشمس ياجالس الفي = يرجي لقاك ولا حصل منك لقياء
إن صرت ما اسوى في حياتك ولا شي = انت الحياة وغيرها شي واشياء
يا اقفيت ياقف نبض قلبي وانا حي = ومع رجعتك ترجع حياته ويحياء
ارفق بحال اللي كواه الجفاء كي = واسق العروق اللي لها وقت ضمياء
العين دمعة دم ما عاد به مي = وإن طال هجرك صارت العين عمياء
واعرف ترى مبداي في دنيتي ذي = الفاء والأول واو والثالث الياء[/poem]
وسامحونا على القصور ،،،
لكم التحية ،،،
والسلام ...
رد مع اقتباس
المفضلات