[poem=font="Simplified Arabic,4,white,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
هذه قصيدة غزلية بعنوان "المعركة" ....واتمنى ان تنال اعجابكم ...
ــــــــــــــــــــــــــــــــــــــــ ــــــــــــــــــــــــــــــــــــــــ ــــــــــــــــــــــــــــــــــــــــ
على ذيك العيون اللي بها ناسن تحدوني=وانا من شفتهم هلون قلت اقبل تحديهم
وخالتني تفاكيري يبوني لازم يجوني=وخالتهم تفاكيرن ابيهم لازم أجيهم
تلاقينا على ارضن بها العذال جابوني=نزلت ومهرتي عزة وقالت غصب تنصيهم
وقف جيش العواذل وسط ميداني ونادوني=وجيت بمفرد العاشق البيهم دعاويهم
وسيف الحب بيديي تغلغل يوم لاقوني=وهد بجمرة العاشق وقال النار تكويهم
تخازرنا..على وضح النقاء والفكر مكنوني=دقايق صمت والنظرات خلتني اساويهم
طلب مني حديهم انسحب عن ذيك الاعيوني=واجر الذيل مهزومي وهقوتهم امانيهم
تذكرت الهبيل اللي عشق ليلاه بجنوني=وجن الفكر والعشاق من يقدر يجاريهم
تذكرت العجوزين بوصايا العز وصوني=ترى مافيه حقن مات ومطالبه شاكيهم
مدام اللي مضى بالعمر فاق اعوام يلفوني=بعيش بعزة الحاضر ولا في ذل ماضيهم
ورد الضيم في جوفي وصاح وقال تبطوني=انا ما اصد عن عشقن شراني دون يشريهم
انا ما اصير بيدين العواذل طير وشلوني؟=مدام اني دلو هداج تلفيني ظماويهم
صدق من قالها قبلي على ناسن يحاموني=الا..من يدعي انه حماهم هو حراميهم
وقفت وكبريائي في طموح العشق موزوني=على؟وش هم طير الباز من كثرة حباريهم
وهاشت قيمتي من شفت خلي ينتخي دوني="وطوح" غطوته لبعيد ينخاني اباريهم
نخاني نخوة اللي شايف اخوانه ومطعوني=لقوا دمه يسيح ومحترق للثار "هاديهم"
على ما غرغرت روحه نطق للثار مخزوني= ابي ثاري ابي ثاري.. وعقبه مات بيديهم
وطلبت اللي احس انه فتيلة نار ملسوني=على الميدان ينزلي وسيف الضيم ناويهم
تبارزنا تبارزنا..وصار العشق فرعوني=ولحظة طاح بيديي وخابت به هقاويهم
وسال الدم يومه جاه سيف العز مسنوني="قطعهم"للعيون السود عن بكرة اباويهم
وطيت اخشومهم بالحق دام ابليس ملعوني=وطير العشق هناني على كفة بلاويهم
لفت يمي وفرحتها بقت صورة على عيوني=تهنيني تهنيني..على كسرة حكاويهم
وضمتني وضمتني..وبعده لاتلوموني=لو ان العشق جر اقصاي فدوتها انا فيهم
انا لامن نختني بنت عافت ناس من دوني=بجي مثل البحر لا مد موجه فوق شاطيهم
واسوق الراس مدامه نصيفن ثالث امتوني=واسووق الروح فدوة للعيون اللي تبكيهم
انا بالله شسوي دام في عشقي تبلوني=مدام اني عزيز النفس راح اردع خطاويهم
كسبت اللي بغيته ومن على شانه تحدوني=وانا لامن نختني بنت راح اقبل تحديهم
ــــــــــــــــــــــــــــــــــــــــ ــــــــــــــــــــــــــــــــــــــــ ــــــــــــــــــــــــــــ
ووووسلامتكم.... الشاعر / نايف الجهيلي..[/poem]
رد مع اقتباس
المفضلات