احب حائل حب ما هو طبيعي .. حب مع الايام يكبر مجاله

[ابو فارس]

حي الله ابو خالد شلونك عساك بخير
-
-
-
ياعل حايل ربيعٍ دايم الدوم
................جعل السحايب على حايل تهلي




دمت بخير

[ريال الفسحه]

[all1=000000]ياهلا بالشيخ براك الفريسي ويالله حيوه وحي موضوعه ..

\\
//


موضوع حلو ولو يكون ثابت ويشمل جميع قصيده بحايل كان يطلع

والله ياشيخ طبحت بقوقل وجبت هالقصيده وعجزت أعرف من هي لوه ...يقول


[poem=font="Simplified Arabic,5,white,bold,italic" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
روحـي بحـايل ما تفـــارق جبلهـا=وحبي لهــا عـيّا عـلى كـل الاوصـاف

أفـرش حصــاها واتوســـد سهـلها=وأرقـد بحضـن جبال سـلمى ولا اخاف

اسمــح واراضــيها واداري زعلهـا=واشتاق له شوق الطـنايا للاضـياف

او شـوق سمـر جـبال حـايل لاهلهـا=وجـاوزت مـن حـبي لهـا حـد الاسراف

وعـيني بأجـا ما تسـمع اللي عذلها=وخشـوم سلمى مـثل شـذرات الاسياف

قصــة غـرام تـراب حـايل نقلهـا=تحـكي على التالين من ما ضي الاسلاف

أجـــا تهضــم عــبرته واحتمــلها=ولا هـي بعـادة عـبرة الحـر تنشـاف

وحـوّل عـلى سمــر الجـبال ونزلهــا=عن دار ذل عقـب ما شـاف ما عـاف

وسـلمى تغــني لـه قصــايد غـزلها=على الوفا والـود وسـلوم الاشراف

وحـاتم زرع عــود الصخـا في جبلها=وأوقـد بشـامخ ضلعها نار الاضياف

وعـنتر عـلى سـلمى ركـابه عقـلها=وشحـوا عليه عيال سـلمى بالانكاف

دار بهــا الشـلقان صـاغوا مثلها=خـويّهم شـالوه مـن فـوق الأكـتاف

وقصـة معـشي الـذيب محــدِ جهـلها=يا من يعـد الذيب من عرض الاضياف

وراع اللـبون اللي عـلينا نزلهـا=ترعـى لـبونة بالقـريّة والاكـناف

مالـوم مــن روحــه لحـايل بذلهـا=وأرخـص لهـا قـلب مـن الـود ينلاف[/poem][/all1]

[خلف1]

الله يعيطك العافية

[شموخ]

هذه قصيدة كتبتها قبل سنه ونصف تقريبا و اعتذر عن ايراد بدايتها لخصوصيتها ولعدم نشرها لكن سأذكر الجزء المهم والخاص بحايل واهلها


[poem=font="Simplified Arabic,4,black,bold,normal" bkcolor="transparent" bkimage="backgrounds/12.gif" border="none,medium,gray" type=2 line=0 align=center use=ex num="0,black"]
من أرض الشمال اللي لها داخلي شان = أهل الديار المترفات العذيّه
دار الكرم والجود على مر الأزمان = ديار الشجاعه والوفا والحميّه
ديار"ن " لنا فيها مواصيل خلان = والوصل يلزم ينسأل عن خويه
بالمجد نذكرهم على كل ميدان = كن البطوله مهديتهم هديّه
أقولها من غير زور"ن " وبهتان = من جاور الشمري واهنيّه
مكتوبه بدمي ومن دون عنوان = وفيها معاني غامضات عليّه
أرسلتها ليلة قمر شعبان = أرسلتها لك بصافي النيّه
والعذر منك يارفيع الشان = بالوصف تعجز الحروف الأبجديه [/poem]



وسلامتك

[ريال الفسحه]

صح لسانتس ياشموخ ...