Believe it or not
^
^
^
ياكرهي لهالبرنامج بعد تسانكم تذكرونه تراه كان يجي في القناة الثانية
المهم ماعلي من البرنامج الحين ,,
صدقوا أو لاتصدقوا
وفيت بوعدي
وطبخت ونفخت هالعصرية وسويت الحلى اللذيذ اللي قلت لكم عنه
ماتوقعت إني ممكن أحطم الرقم القياسي هنا وهناك << هناك في المطبخ
بس والله إثري منيب سهلة
الزبدة قبل ما يتشعب الموضوع وأدخل في الخوارق والمعجزات خلوني أعرض لكم طبقيعلى طبق من قزاز
حلى قهوة طعمه خياااااااااااااااااااااااااااااااااال << ترى ماهيب عادتي أمدح إلا في الشديد الأوي
وصورته لكم مقاديراً وطريقةً <<<< يالله إنك تثبـّتها ياكريم على هالسنع
أول شيء هذي صورة جماعية للمقادير المطلوبة في الحلى
عبارة عن :
سمبوسة سويتز ,,
(( يفضل سويتز لأنها تطلع مقرمشة أكثر من العادية ))
سكر بني ,,
(( ويستحسن يكون من ماركة " دومينو " لأن سكرها مايتكتل ولا يجمد مثل باقي الماركات اللي تقل حصى
قرفة مطحونة ,,
علبة جبن كيري ,,
نص علبة حليب مركز ,,
ظرف دريم ويب ,,
علبة قشطة ويستحسن الحجم الصغير ,,
بالنسبة للمعدات اللي راح نستخدمها هي كالتالي :
ياحبي لي وطبخاتي بس مافيها مواعين ولا قرقعة
خلاط وقالب كريمة وبس ,, عاد الملاعق والصحون مايحتاج نذكرها عشان الوقت <<< وش وقته
بالنسبة لهالصورة :
بصراحة رحمت هالليبتون يوم شفته مترزز عند المقادير قلت ولا يهمك والله لأصورك وأحطك في الطبخة غصب
الطريقة :
أولاً / نقسم شريحة السمبوسة لقسمين يعني يطلع عندنا شريحتين من كل شريحة
الزبدة إنها تطلع بهالشكل :
بعدين نلفها على شكل إسطوانة ونلصقها بالجبن مثل ماهو واضح في الصور التالية
^
^
هذي من جهة اليمين
^
^
وهذي من جهة اليسار
^
^
وهذي من فوق
<<<<<<<<<< طلعت عارضة أزياء ماهيب سمبوسة
وهذا الشكل النهائي للكمية كلها :
بعدين نقليها في الزيت وحاولوا إنها ماتحترق مثل ما أحرقتها
^
^
^
حاولوا تخلونها أخف من هاللون يعني شقرا شوي عشان تطلع أحلى
بعدين إخلطي القرفة الناعمة مع السكر البني بكميات متساوية ,,
وجيبي حبات السمبوسة المقلية واغمسيها في الخلطة " القرفة مع السكر البني " وقلبيها شوي ولو يحصل إنك تدخلين في وسطها شوي يكون أحسن
بعدين صفيها بالطول يعني وقـّافي
بعدين حطي في الخلاط القشطة مع الدريم ويب والحليب المركز والجبن وصبي الخليط فوق السمبوسة مثل هالشكل :
بعدين اقلبيها وزينيها بشوكولاتة هيرشي السايلة وحطيها في الثلاجة عشان تبرد وصحتين وألف عافية على قلبي وتسبدي وأنتم معي لاتزعلون
^
^
^
قبل ماتصكوني بعين تراني ما أكلتهاأرسلتها للجيران
هذه الطبخة تأتيكم برعاية :
شاي ليبتون
شاي العلامة الصفراء
صنف ممتاز رقم واحد
شاي فرط<<< مدري وش معنى فرط بس أكيد إنها مدحة
شاي ليبتون عندما لايكون للشاي طعمٌ آخر
رد مع اقتباس
<=== ادري نقتدي علي 
المشاركة الأصلية كتبت بواسطة ايمان قويدر
المفضلات