[poem=font="Simplified Arabic,6,white,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
يالله دخيلك ماقشر الوقت...لامال=نوبٍ يحدك..يم..ناسٍ هزالـا
ياشينها لاحدك الوقت لانذال=يالله دخيلك عن هوان السؤالـا
وقت الرخا..تجهل بها كل رجاّل=ووقت الشدايد..تتضح لك ..رجالـا
مادامها..ضحك..وسواليف..وجدال=ياكثر لمة...شاربين البيالـا
والياغدالك..ساحة الضيم..منزال=تفرقو عنّك..يمين..وشمالـا
احدٍ يشابه بالوغا..."لابس الشال"=واحد يشرّف غترته والعقالـا
دنياك يامحمد..تجاريب..واهوال=غرايبٍ...صاب الزمان اختلـالـا
وانا بها مع باقي الخلق رحاّل=من وين مازانت...نشد الرحالـا
ان زانت الدنيا...لنا الطيب مدهال=وان شانت الدنيا...نقص الحبالـا
ماهو ردى...لاشك..ضيمٍ..وغربال=والعبد ماله بالليالي احتمالـا
احيان نجفل من ردى بعض الاحوال=واحيان ندله به.. على كل حالـا
كم جمعةٍ لفيتها...ضايق البال=قالوا:عسى ماشر وانا اقول:لـا..لـا
اخاف سري يكشفه كل ختّال=ويفرح بها خطو الخبيث الحثالـا
يالله تجملنا مع الناس...بأفعال=بالفعل نرقى فوق روس الجبالـا
ولا الحكي..سهلٍ على كل قوّال=ياكثر ماقالوا..وقالت..وقالـا
الله يساعدنا على الدرب لو طال=والله يوفقنا على كل فالـا
مالي على المخلوق شرهه ومدخال=حوايجي في يد ربٍ تعالـا[/poem]
مشعل حاشم الشمري
رد مع اقتباس
المفضلات